цена од

^EUR _,00

траење

11 ^дена

Барање

Занзибар што го знаеме на памет со 15К + задоволни патници🌴

Занзибар за нас не е само уште една егзотична дестинација. Тоа е остров што го познаваме низ години искуство, реализирани патувања и луѓе со кои работиме на лице место. Ги знаеме плажите, местата што вредат, локалната атмосфера и малите детали што прават патувањето да биде вистинско доживување.

Паџе и Кендва, комплетна приказна 🌊

Во едно патување ги доживувате Паџе и Кендва, две сосема различни искуства. Паџе е жив, бохо и разигран, со долги плажи, ресторани и островски ритам. Кендва е мирна, тиркизна и тропска, со бел песок и море што изгледа како од разгледница.

Одлични и проверени хотели со 4* 🏝️

Работиме со хотели и локации што добро ги познаваме и во кои имаме доверба. На Занзибар имаме и наш хотел, што ни овозможува уште поголема сигурност во услугата и престојот на нашите патници.

Излети што навистина вредат 🐚

Излетите не ги бираме случајно. Секое искуство е внимателно селектирано и проверено. Песочни дини среде Индискиот Океан, традиционални dhow чамци, Stone Town, зачини, локални места и скриени плажи.

Не го полниме денот со активности. Го полниме со моменти што ќе ги паметите.

Многу повеќе од плажа 💯

Занзибар е мирис на зачини, африкански ритам, тесни улици, локални вкусови и вечери покрај океанот. Ова е остров што не се доживува само од лежалка, туку преку луѓето, културата, природата и секојдневниот живот.

Луѓе на кои им веруваме 🤍

Со години работиме со локални партнери, водичи и соработници кои го познаваат островот во детали. Со вас е човек кој знае каде оди, што вреди и како сè да помине како што треба.

Сè ти е средено. ✅

Летови, трансфери, сместување, водич, локална организација и внимателно избрани излети. Секој дел од патувањето е организиран однапред. Ние ги знаеме местата, луѓето и искуствата што вредат. Тебе ти останува само да го доживееш Занзибар.

Рута

Скопје

Истанбул

Паџе (Paje)

Кендва (Kendwa)

Истанбул

Скопје

Превоз: Авион, Локален трансфер
Сместување: Хотел
Организатор: ЦЕЛ СВЕТ ДОО СКОПЈЕ Скопје, Македонија
Дестинации: Африка, Занзибар
Видови патувања: Далечни Патувања 🌍

Код на патување: TZ47
Тежина
Погодно за деца: Да

План и програма

Планот и програмата важи за следните поаѓања

Состанок на патниците на Mеѓународниот Aеродом во Скопје два часа пред лет. Лет од Скопје за Истанбул. Пристигнување во Истанбул. Конекција на лет за Занзибар (Zanzibar).

Превоз

Авио билет со сите такси на релација Скопје - Истанбул (Turkish Airlines), во економска класа со вклучен багаж

Место

Скопје
Истанбул

Пристигнуваме на Занзибар (Zanzibar) во раните утрински часови и имаме трансфер до сместувањето во Паџе (Paje), туристичко место на источниот дел на островот. Паџе е живо, но сепак спокојно место, познато по својата неверојатна природна убавина, преубави ресторани во бохо стил и навидум бесокнечна плажа со прашкаст бел песок и тиркизни води. Пристигнуваме во Паџе од 4-9 часот наутро, во зависоност од нашата авиокомпанија. Можност и за ран check-in (регуларен check-in е во 14:00 часот), доколку нашите соби се спремни и во нив нема туристи кои заминуваат истиот ден. Во меѓувреме одиме во Mr. Kahawa, lounge бар на самата плажа -- пиеме кафе и имаме информативен состанок со нашиот претставник од агенцијата кој ни ја раскажува програмата и ни кажува технички работи кои би требале да ги знаеме на патувањето (каде да смениме пари, каде да пазариме, каде има најдобро јадење, каде и кога има добра забава итн.) Oстатокот од времето го поминуваме на лежалка, комплетно опуштени, уште во неверување каде се наоѓаме :) По check-in се освежуваме и започнуваме со нашиот прв излет -- Paje Village Tour. Паџе, неверојатно шармантно место, кое важи за туристички центар на источниот брег на Занзибар, кој иако не е толку развиен како северниот, има еден посебен шмек. Шетаме по брегот, на кој се лоцирани нашите омилени барови со одлична храна и музика. Овој дел, многумина ги потсетува на Тулум, Мексико. Прва работа која ќе ја забележиме е изобилство на kite-сурфери, чии змаеви го прават и така магичното занзибарско небо, уште помагично. Подобро се запознаваме со нашиот "нов дом"

Вечерта излегуваме во некои од локалните клубови. Пазиме колку пиеме бидејќи веќе од следниот ден ни почнува незаборавна авантура, исполнета со многу плажа, пливање и нови искуства!

Превоз

Авио билет со сите такси на релација Истанбул - Занзибар (Turkish Airlines), во економска класа со вклучен багаж.
Трансфер од аеродром до сместувањето

Сместување

Oke Ani Boutique Hotel 1 ноќ

Место

Истанбул
Паџе (Paje)

Факултативни излети

Паџе Village Tour

Претпладне одиме на факултативен излет разгледување на Stone Town и истражување на најинтересните атракции – куќата во која живеел Фреди Меркјури (Freddie Mercury), мали и живи улички и плоштади, Старата тврдина, Палатата на чудата, музеи, локални пазари, звуците, боите и мирисите на Африка! Се чувствуваме како да сме дел од National Geographic документарец, а не на одмор... Името Stone Town на свахили значи: “Стар Град”. Градот се наоѓа на листата за светско културно наследство на УНЕСКО од 2000-тата година. По Stone Town, одиме на Prison Island, остров кој се наоѓа северно од градот, а името го добил по местото каде што некогаш се држеле заробеници и робови. Денес ова е мирно место каде ќе уживаме во пливање и дружење со џиновски желки кои се пренесени на ова место во 19-тиот век од Сејшелите. Некои желки се стари преку 100 години, а ние ќе имаме прилика да ги храниме и галиме. Јаготката на шлагот е Накупенда! Песочен насип од околу 2000 метри квадратни песочен рај, опколени со корален гребен и најтиркизниот Индиски океан, без ниедно ресторанче, кафана, или било што друго на нив, како на филм... Далеку сме од масовниот туризам на Европа, далеку од гужви, нема големи бродови и илјадници туристи. Го имаме целиот остров само за нас. Пиеме пиво, слушаме музика и се капеме во најубавата вода што некогаш ја имате видено. Го чекаме зајдисонцето. На враќање, патот ни го осветлува месечината, а ние уживаме во свежиот тропски ветер. Совршен ден на Занзибар! Враќање во сместувањето.

Сместување

Oke Ani Boutique Hotel 1 ноќ

Место

Паџе (Paje)

Храна

Континентален појадок × 1

Факултативни излети

Занзибар Premium - пакет излети

Релаксирачки ден, создаден за потполно уживање во океанот, коктелите и локалната храна. Започнуваме со пливање во познатата Сина Лагуна (Blue Lagoon) додека се дружиме со најразлични шарени морски риби и морски ѕвезди. Потоа продолжуваме до ресторанот The Rock, кој се наоѓа на Michamwi Pinge плажата. Се сликаме, уживаме во погледот и имаме можност да седнеме да ручаме во некои од ресторанчињата покрај плажата. По ручекот и фотографирање со карпата, продолжуваме кон еден од многуте занзибарски beach bar-ови, Kae Funk. Уживаме целото попладне во капење и пиење коктели на самиот брег. Со звуците на африканската музика, го дочекуваме зајдисонцето во Донгве (Dongwe), кое е навистина магично на Занзибарскиот брег.

Сместување

Oke Ani Boutique Hotel 1 ноќ

Место

Паџе (Paje)

Храна

Континентален појадок × 1

Факултативни излети

Занзибар Premium - пакет излети

По појадок тргнуваме кон едно од најуникатните места и дефинитивно must-see место на Занзибар -- Мтенде. Попатно, поминуваме низ „авенијата“ на познатите баобабови дрвја. Пристигнуваме до селото Мтенде -- традиционално село на Занзибар, каде се запознаваме со секојдневниот живот на локалци. Гостопримливите локалци не покануваат на дружба во нивните домови, каде нѐ учат за нивниот начин на живот -- дали знаете како од влакното на кокос може да направиме јаже? Потоа имаме краток час по готвење -- каде учиме како да направиме некои од највкусните Занзибарски специјалитети. Нашата авантура продолжува до една од најегзотичните плажи на Занзибар -- плажата Мтенде, скриен залив со плажа на која може да се плива за време на плима и осека. Имаме слободно време да уживаме на една од најпознатите плажи на Занзибар.

Сместување

Oke Ani Boutique Hotel 1 ноќ

Место

Паџе (Paje)

Храна

Континентален појадок × 1

Факултативни излети

Занзибар Premium - пакет излети

Слободно време да се плажираме -- уживање во магијата на тропскиот остров и неговите најубави плажи! Сончање, масажи, овошје и морски плодови.

Сместување

Oke Ani Boutique Hotel 1 ноќ

Место

Паџе (Paje)

Храна

Континентален појадок × 1

По појадок тргнуваме кон едно од најуникатните места и дефинитивно must-see место на Занзибар -- џунглата со зачини! Занзибар во светот е познат и како островот на зачините. При колонизацијата на овој остров, Арапите, познати трговци и морепловци, носеле различни зачини од различни делови на светот. Климата на Занзибар се покажала како совршена за огромен број од нив, па денес на овој магичен остров се наоѓаат неколку џунгли или градини со зачини. Ние ќе ја посетиме најголемата градина и ќе се запознаеме со многу зачини кои Занзибарците ги користат во своите домаќинства. Ќе видиме како расте и како изгледа мускатниот орев, како се одгледува и користи циметот, ванилата, ѓумбирот, куркумата и бројни други зачини.

Нашата целодневна авантура ја завршуваме со трансфер до Кендва (Kendwa). Едно од најпопуларните туристички места на Занзибар бидејќи се наоѓа на најубавиот брег на овој остров. Слободно време за уживање во Кендва и вечерно излегување во некој од локалните барови и ресторани.

Превоз

Трансфер од Паџе до Кендва

Сместување

Sunset Kendwa. 1 ноќ

Место

Паџе (Paje)
Кендва (Kendwa)

Храна

Континентален појадок × 1

Факултативни излети

Занзибар Premium - пакет излети

Слободно време за уживање во магијата на тропскиот остров и неговите најубави плажи! Сончање, масажи, овошје и морски плодови. Вечерни излегување во некои од beach баровите.

За оние кои се расположени за авантура, има можност за еднодневен факултативен излет – сафари во националниот парк Mikumi кој се наоѓа на копнениот дел од Танзанија (Tanzania). Mikumi е четврт по големина национален парк во Танзанија (Tanzania). Одалечен е 300 километри од Дар ес Салам (Dar es Salam). Овој национален парк е природно живеалиште на многу жирафи, зебри, слонови, гнуа, леопарди, нилски коњи, хиени, крокодили и лавови.

Сместување

Sunset Kendwa. 1 ноќ

Место

Кендва (Kendwa)

Храна

Континентален појадок × 1

Факултативни излети

Сафари НП Микуми

По појадокот, одиме на малиот Занзибарски рај! Тиркизна вода која не може да се спореди со ниедна друга на светот, снежно бел песок и бујна зелена вегетација! Островот Мнемба од неодамна е прогласен за морски резерват, корален атол опкружен со гребени и кристално чистиот Индиски океан. Претставува најпопуларно место за нуркање, со големи живописни корали, како и дом на многубројни подводни желки и делфини. Одиме во авантура на која ќе го истражуваме најинтересниот подводен свет на Занзибар. Потоа продолжуваме на едно уникатно искуство -- посетуваме село на Масаи. Танзанија е земја богата со преку 120 различни племиња, секое племе со свои цели, традиции и карактеристики. Го посетуваме културниот центар на најпознатото племе во Танзанија - Масаи (Maasai) . Учиме за нивната историја, традиции и нивниот специфичен начин на животот. Дознаваме кои се тие, како стануваат воини, што јадат, каква е распределбата на работните задачи во нивните полигамни семејства, и по што го прави нивното племе уникатно. Имаме можност да влеземе во нивните автентични куќи, кои се изградени од кал, дрво и кравји измет. Интересен факт е дека нивните куќи ги градат жените, по стапување во брак. Мажите од племето не учат како рачно да запалиме оган користејќи само дрво, имаме шанса да се облечеме во нивната традиционална облека - шука, а нивните воини ќе не учат да користиме лак и стрела. Нашата посета ја завршуваме со традиционален Масаи танц, на кој можеме да се придружиме и да се чувствуваме како дел од племето!

Сместување

Sunset Kendwa. 1 ноќ

Место

Кендва (Kendwa)

Храна

Континентален појадок × 1

Факултативни излети

Занзибар Premium - пакет излети
Мнемба Атол, пливање со делфини и Maasai Village

Се будиме наутро. Појадуваме. Околку пладне, ги напуштаме собите и куферите ги оставаме на рецепција. Во зависност од расположливоста на соби во хотелот, добиваме една соба за сите патници, каде ги оставаме куферите и која можеме да ја користиме за пресоблекување/туширање во текот на денот. Исто така, според расположливоста на соби, патниците можат индивидуално да се информираат на рецепција за можноста (со доплата) да се чуваат собите до полноќ. Последниот ден имаме слободно време да се поздравиме со нашиот нов омилен остров. Ја впиваме енергијата на Занзибар, уживаме на некоја од тропските плажи, пиеме уште по некој Килиманџаро или Конаги и докупуваме сувенири за дома... Ова е нашиот последен ден на Занзибар. Вечерен трансфер до аеродром. На Аеродромот во Stone Town пристигнуваме околу 2 часа пред летот.

Превоз

Трансфер од сместување до аеродром.
Авиобилет со сите такси на релација Занзибар – Истанбул (Turkish Airlines), во економска класа со вклучен багаж

Место

Кендва (Kendwa)

Храна

Континентален појадок × 1

Пристигнување во Истанбул, преседнување на лет за Скопје. Крај на патувањето.

Превоз

Авиобилет со сите такси на релација Истанбул - Скопје (Turkish Airlines), во економска класа со вклучен багаж

Место

Истанбул
Скопје

Поаѓања и цени

За повеќе информации за поаѓањето како цени, попусти, услови за плаќање, Ве молиме кликнете на полето со поаѓањето подолу

Сите уплати се вршат исклучиво во денарска противредност по курс од 62 денари за 1 евро и тоа: при пријавување се плаќаат 200€ (12.400,00 МКД) по лице. Преостанатиот дел се плаќа најдоцна 40 дена пред поаѓање. Можност за плаќање преку трансакциска сметка (на фактура) и со платежни картички Visa, Master, Maestro.

Препорачуваме рано пријавување на патници заради ограничениот број на места. При пријавувањето потребно е да се достави скренирана прва страница од патната исправа, која е валидна за датумот на патувањето (има важност минимум 6 месеци по датумот на враќање и има доволно празни страници во текот на патувањето), во спротивно агенцијата не одговара за печатење на авио билетот со погрешни податоци.

Што е вклучено

Сместување

Oke Ani Boutique Hotel Пример 5 ноќи
Sunset Kendwa. Пример 3 ноќи

Превоз

Авио билет со сите такси на релација Скопје - Истанбул (Turkish Airlines), во економска класа со вклучен багаж
Авио билет со сите такси на релација Истанбул - Занзибар (Turkish Airlines), во економска класа со вклучен багаж.
Трансфер од аеродром до сместувањето
Трансфер од Паџе до Кендва
Трансфер од сместување до аеродром.
Авиобилет со сите такси на релација Занзибар – Истанбул (Turkish Airlines), во економска класа со вклучен багаж
Авиобилет со сите такси на релација Истанбул - Скопје (Turkish Airlines), во економска класа со вклучен багаж

Храна

8 × Континентален појадок

Не е вклучено

Меѓународно здравствено осигурување (може да се уплати во агенцијата)
Факултативни излети и влезници за културно-историски споменици
Виза за Занзибар (на граница - 50 УСД)
Задолжително осигурување кое се вади онлајн на https://visitzanzibar.go.tz/ и истото изнесува $44.
Еко такса на Занзибар која изнесува од 3 до 5 долари дневно по лице во зависност од сместувањето

Факултативни излети

Напомена! Термините и цените на факултативните излети се од информативен карактер и истите се променливи, а зависат од слободните термини по локалитетите, бројот на пријавени патници и други објективни околности.

Паџе Village Tour

Кликнете на сликата за да ја отворите галеријата

*** ИЗЛЕТОТ Е ВКЛУЧЕН ВО ЦЕНАТА НА АРАЖМАНОТ ***

Паџе е неверојатно шармантно место, кое важи за туристички центар на источниот брег на Занзибар, кој има еден посебен шмек. Шетаме по брегот, на кој се лоцирани нашите омилени барови со одлична храна и музика. Овој дел, многумина ги потсетува на Тулум, Мексико. Прва работа која ќе ја забележиме е изобилство на kite-сурфери, чии змаеви го прават и така магичното занзибарското небо, уште помагично. Подобро се запознаваме со нашиот "нов дом", а вечерта завршуваме на пијачка во еден од нашите омилени барови на Паџе!

Занзибар Premium - пакет излети

Цена: 250,00 ^USD

1. Stone Town - City Tour, Prison Island и Накупенда

Излет на кој ја дишеме историјата и влегуваме во сржта на Занзибар. Откако Португалците прв пат се закотвиле на брегот на Stone Town, бил и останал центар на сите збиднувања на овој необичен остров. По Португалците, пристигнале Оманците, па Британците и сите тие, па и многу други, оставиле траен печат врз овој град, кој и ден-денес претставува неверојатна мешавина на различни култури од целиот свет со автентична африканска основа. Цел овој раскош и бои, градби и многу различни обележја, нѐ освојуваат при првата средба со градот кој од 2000-та година се наоѓа на листата на светско културно наследство на УНЕСКО. На излетот поаѓаме во утринските часови. Ја посетуваме Старата тврдина, која се вика и Португалска тврдина, бидејќи нејзините темели ги поставиле Португалците. Потоа била надградена од оманските Арапи и целото тоа време била главен одбрамбен гаризон на островот. Последниве неколку години служи како место за одржување на разни културни манифестации, од кои најважната е ZIFF (Занзибарскиот Меѓународен Филмски Фестивал). Веднаш до тврдината се наоѓа и ја гледаме “Куќата на чудата”, која е еден од главните симболи на Занзибар, некогашна церемонијална палата на третиот султан на Занзибар, султанот Барагаш, која прв во источна Африка имала струја, водовод и електричен лифт. Ќе имаме прилика да ја видиме и палатата на последниот султан на Занзибар, персиски амами, англиканска црква, изградена на местото на последниот пазар за робови во светот. Ќе го посетиме и Darajani пазарот, каде би можеле од прва рака да почуствуваме како африканскиот хаос совршено функционира. Ќе ја видиме и една од најважните знаменитости – куќата на фронтменот на групата Queen, Фреди Меркјури, која денес е хотел. Ќе шетаме низ тесните улички полни со насмеани деца и ќе се восхитуваме на различните и фамозни занзибарски врати, кои од секогаш биле статусен симбол на сопственикот на домаќинството. Имаме време за шопинг на суверини и уживање во овој интересен Африкански град!

По Stone Town, одиме на Prison Island, остров кој се наоѓа северно од градот, а името го добил по местото каде што некогаш се држеле заробеници и робови. Денес ова е мирно место каде ќе уживаме во пливање и дружење со џиновски желки кои се пренесени на ова место во 19-тиот век од Сејшелите. Некои желки се стари преку 100 години, а ние ќе имаме прилика да ги храниме и галиме.

За крај на нашата авантура е Накупенда! Песочен насип од околу 2000 метри квадратни песочен рај, опколени со корален гребен и најтиркизниот Индиски океан, без ниедно ресторанче, кафана, или било што друго на нив, како на филм... Далеку сме од масовниот туризам на Европа, далеку од гужви, нема големи бродови и илјадници туристи. Го имаме целиот остров само за нас. Пиеме пиво, слушаме музика и се капеме во најубавата вода што некогаш ја имате видено. Забораваме на сите проблеми. Совршен ден на Занзибар!

Вклучено: водич на англиски јазик, организиран превоз по предвидениот план и програма, овошје, вода и “сокчиња“ на Накупенда.

Цена на факултативниот излет, доколку се пријавите индивидуално (без пакет): 70$

_____________________________________________________________________________________________________________

2. Селото Мтенде и плажата Мтенде

По појадок тргнуваме кон една од најуникатните места и дефинитивно must-see место на Занзибар -- Мтенде. Попатно, поминуваме низ „авенијата“ на познатите баобабови дрвја. Пристигнуваме до селото Мтенде -- традиционално село на Занзибар, каде се запознаваме со секојдневниот живот на локалци. Гостопримливите локалци не покануваат на дружба во нивните домови, каде нѐ учат за нивниот начин на живот -- дали знаете како од влакното на кокос може да направиме јаже? Потоа имаме краток час по готвење -- каде учиме како да направиме некои од највкусните Занзибарски специјалитети. Нашата авантура продолжува до една од најегзотичните плажи на Занзибар -- плажата Мтенде, скриен залив со плажа на која може да се плива за време на плима и осека. А на оваа плажа се наоѓа и ресторанот Usumba Rock -- уникатен ресторан изграден од дрво на самата карпа. За време на плима овој ресторан е целосно опколен од океанот.

Цена на факултативниот излет, доколку се пријавите индивидуално (без пакет): 60$

_____________________________________________________________________________________________________________

3. Џунгла со зачини

Нашата следна авантура е џунглата со зачини. Занзибар во светот е познат и како островот на зачините. При колонизацијата на овој остров, Арапите, познати трговци и морепловци, носеле различни зачини од различни делови на светот. Климата на Занзибар се покажала како совршена за огромен број од нив, па денес на овој магичен остров се наоѓаат неколку џунгли или градини со зачини. Ние ќе ја посетиме најголемата градина и ќе се запознаеме со многу зачини кои Занзибарците ги користат во своите домаќинства. Ќе видиме како расте и како изгледа мускатниот орев, како се одгледува и користи циметот, ванилата, ѓумбирот, куркумата и бројни други зачини. Ќе ја помирисаме главната состојка на Chanel no. 5 парфемот и ќе ја видиме Занзибарската верзија. Ќе дознаеме која е разликата измеѓу црниот, белиот и црвениот бибер и ќе видиме како расте кафе на Занзибар. Дегустираме различни тропски овошја, а ќе видиме и како локалците берат кокос на неверојатно високите палми. Гледаме како растат каранфилчиња и зошто се толку важни за Занзибар.

Цена на факултативниот излет, доколку се пријавите индивидуално (без пакет): 75$

_____________________________________________________________________________________________________________

4. Blue Lagoon, Ресторан The Rock, Kae Funk

Релаксирачки ден, создаден за потполно уживање во океанот, коктелите и локалната храна. Одиме на авантура каде пливаме во познатата Сина Лагуна (Blue Lagoon) додека се дружиме со најразлчни шарени морски риби и морски ѕвезди. Потоа продолжуваме до ресторанот The Rock, кој се наоѓа на Michamwi Pinge плажата. Се сликаме, уживаме во погледот и имаме можност да седнеме да ручаме во некои од ресторанчињата покрај плажата. По ручекот и фотографирање со карпата, продолжуваме кон еден од многуте занзибарски beach bar-ови, Kae Funk.

Вклучено: водич на англиски јазик, сите влезници и организиран превоз по предвидениот план и програма.

Цена на факултативниот излет, доколку се пријавите индивидуално (без пакет): 70$

_____________________________________________________________________________________________________________

ЦЕНА НА СИТЕ ИЗЛЕТИ ЗАЕДНО ВО ПАКЕТ: 250$

Сафари НП Микуми

Кликнете на сликата за да ја отворите галеријата

Цена: од 430,00 ^USD до 480,00 ^USD

За сите кои би сакале да ја доживеат вистински Танзанија и да одат на сафари, по што оваа земја е позната низ целиот свет, имаме подготвено посета на Националниот Парк Микуми. Доколку сте спремни за авантура, еден ден на плажа ќе ги замените со неповторливо и единствено искуство – Африканско сафари. Микуми е четврт по големина национален парк во Танзанија. Одалечен е 300 километри од Дар ес Салам, најголемиот и главниот град на Танзанија. Микуми е природно живеалиште на жирафи, зебри, слонови, гнуа, леопарди, нилски коњи, хиени, крокодили и лавови. Ова сафари ни нуди единствена прилика да ја осознаеме африканската дивина и да го разбереме кругот на животот и смртта.

Цената на излетот вклучува: трансфер од сместувањето на Занзибар до пристаништето во Stone Town, авионска карта на релација Занзибар – Микуми, влезници за сафари во НП Микуми, ручек и флаширана вода, авионска карта Микуми – Занзибар, трансфер од пристаништето на Stone Town до сместувањето, локален водич на англиски јазик.

Мнемба Атол, пливање со делфини и Maasai Village

Кликнете на сликата за да ја отворите галеријата

Цена: 60,00 ^USD

*** ИЗЛЕТОТ Е БЕСПЛАТЕН ЗА СИТЕ ПАТНИЦИ КОИ ЌЕ УПЛАТАТ ПАКЕТ ИЗЛЕТИ ***

Денот го започнуваме во тиркизните води кај Мнемба Атол, едно од најдобрите места на Занзибар за набљудување или пливање со делфини во нивното природно живеалиште. Богатите корални гребени, шарените тропски риби и морските желки го прават ова едно од најубавите морски искуства на островот.
Потоа се упатуваме кон Maasai Village, каде ќе се запознаеме со традициите на едно од најпознатите африкански племиња Ќе дознаеме како стануваат воини, како функционираат нивните полигамни семејства, зошто токму жените ги градат домовите и кои традиции успеале да ги зачуваат со векови. Ќе научиме како рачно се пали оган користејќи само дрво, ќе се облечеме во традиционалната Масаи облека - шука, а нивните воини ќе ни покажат како се користат лак и стрела. Посетата ја завршуваме со традиционален Масаи танц, каде и самите можеме на кратко да се почувствуваме како дел од племето.

Сместување

Oke Ani Boutique Hotel

Кликнете на сликата за да ја отворите галеријата

Ова е пример на сместување какво што можете да очекувате. Вистинското сместување може да биде друго, но слично во поглед на тоа што нуди.

Oke Ani е Boutique хотел во срцето на Paje, Занзибар, создаден за сите кои сакаат повеќе од обично сместување. Ова е место каде што африканскиот дух, тропската природа и бохо стил се спојуваат во едно уникатно искуство.

Хотелот располага со пространи и внимателно уредени бунгалови, дизајнирани со природни материјали, топли земјени тонови, дрвени детали и автентична занзибарска естетика која создава чувство на мир, приватност и целосна релаксација. Секоја соба е климатизирана, со сопствен тоалет, телевизор, безжичен интернет и приватно дворче.

Oke Ani Boutique хотел е внимателно вклопен во тропската природа на Занзибар, опкружен со палми, песок, природно дрво и бујна вегетација која создава чувство на мало тропско засолниште скриено од гужвата. Комбинацијата од рачно изработени детали, природни текстури и топло осветлување му дава на секој агол од хотелот посебна атмосфера и чувство на комфор.

Во центарот на хотелот се наоѓа прекрасен тропски базен опкружен со палми, лежалки и зони за опуштање, создаден за целодневно уживање и релаксација во мирна егзотична атмосфера. Ресторанот и барот се уредени во модерен африкански стил, со отворен простор и амбиент кој совршено се вклопува со духот на Занзибар.

Хотелот се наоѓа на само една минута пешачење од прекрасната плажа на Paje, до која се стигнува по мало приватно патче опкружено со палми и тропска природа. Доволно блиску до најубавиот дел од плажата, а сепак доволно „скриен“ за да нуди чувство на вистински тропски мир.

Во близина се наоѓаат ресторани, барови, маркети и сè што е потребно за удобен престој, додека самиот хотел нуди мирна и опуштена атмосфера во секој дел од денот.

Услугата е на база ноќевање со појадок

Адреса Paje 72110
Tanzania

Sunset Kendwa.

Кликнете на сликата за да ја отворите галеријата

Sunset Kendwa 4* по локална категоризација е хотел со кој соработуваме преку 10 години и од кој не сме имале незадоволен патник. Вредноста која ја добивате тука е огромна! Sunset Kendwa е лоциран на најубавиот дел од најубавата плажа на Занзибар - Kendwa. Плимата и осеката во овој дел на Занзибар скоро и да не се изразени, па можеме да уживаме во белиот песок и тиркизно синиот океан преку целиот ден! Сите гости имаат на располагање и приватни лежалки. Во склоп на хотелот има бар, ресторан и базен, на самата плажа. Собите се двокреветни или трокреветни со приватен тоалет, клима уред, сеф, фрижидерче, балкон, фен за коса и бесплатен Wi-Fi интернет.

Вебсајт https://www.sunsetkendwa.com/

Адреса Kendwa Beach
3546 Kendwa
Zanzibar Tanzania

Останати поаѓања за Занзибар

Поаѓање 27. 12. 2026.

Враќање 5. 1. 2027.

Денови 10

Занзибар Нова Година

Достапно

цена

~~2.499~~

^EUR _,00

сега од

2.299

^EUR _,00

Погледни

Барање

Поаѓање 22. 2. 2027.

Враќање 2. 3. 2027.

Денови 9

Занзибар Special Edition

Достапно

цена

~~1.699~~

^EUR _,00

сега од

1.499

^EUR _,00

Погледни

Барање

Корисни информации

Овде ќе најдете корисни информации за самата дестинација, како и некои совети за ова патување.

Занзибар

Важни напомени

Ве молиме внимателно прочитајте ги овие напомени. Сметаме дека е исклучително важно нашите патници да бидат добро информирани, што овозможува помалку недоразбирања за време на патувањето и попријатно искуство.

Напомени:
Општи напомени:

Организатор на патувањето е TA ЦЕЛ СВЕТ ДОО СКОПЈЕ со лиценца УП 113-289 ОД 17.07.2024 година.
При пријавување, потребно е да доставите копија од пасош/податоци од пасошот со кој патникот ќе патува на самото патување. Патникот мора задолжително да го провери траењето и исправноста на патниот документ, како и бројот на слободни страници потребни за патувањето.
Сите пасоши мораат да имаат рок на важење минимум 180 дена (6 месеци) од датумот на враќање во земјата.
Организаторот на патувањето го задржува правото на измена на одредени содржини од програмата, во случај на вонредни околности и работи кои агенцијата не може да ги предвиди, за време на склучување на договорот.
Организаторот на патувањето не е овластен и не ја проценува валидноста на патните и други исправи.
За сите информации кои се дадени по усмен пат, агенцијата не сноси никаква одговорност.
Потписникот на Договорот за патување или претставникот на групата на патници е задолжен да ги информира и запознае сите патници со договорениот програм на патување, условите на плаќање, визирање и ОПШТИТЕ УСЛОВИ НА ПАТУВАЊЕ НА ТА ЦЕЛ СВЕТ од СКОПЈЕ.
Патниците се должни, два дена пред поаѓање, да го проверат точното време и место на поаѓање на групата.
Патникот е должен сам да се запознае со правилата на однесување во земјата во која патување и да ги почитува важечките законски царински прописи.
Во превозните средства најстрого е забрането пушење, конзумирање на алкохол и опојни средства.
Патниците се дожни да, во автобусите и другите превозни средства со кои се врши трансфер, останат на своите места и не смеат истите да ги напуштаат на места кои не се предвидени за пауза (граници, чек-поинт станици, патарини итн). Во случај патникот да го напушти возилото без претходен договор со претставникот на агенцијата, истиот сам ги сноси сите трошоци и последици.
Патникот кој преку неадекватно однесување, ги вознемирува останатите патници или смета на шоферите и/или придружникот на групата во својата работа, ќе биде одма исклучен од патувањето и целата одговорност преоѓа на него/неа, без право на жалба и враќање на пари.
Патникот е должен да ја почитува “саатницата” одредена од страна на претставникот на агенцијата на патувањето, во спротивно, претставникот на агенцијата има право да го исклучи патникот од патувањето.
Во туристичките автобуси не е можна употреба на тоалет. Во согласност со планот и програмот на патувањето, паузи се прават на 3-4 часа (во зависност од локацијата и опременоста на бензинските станици), кои патниците можат да ги користат за употреба на тоалет.
Агенцијата го одредува распоредот на седење, местото на поаѓање, местата за паузи и времетраењето на истите. Со плаќање на превозот, патникот го прифаќа горенаведеното, без право на приговор и жалба.
Аранжманот е направен на база на минимум 10 патници за далечни патувања и 50 патници за европски патувања.
Во случај на недоволен број на патници за реализација на аранжманот или други објективни околности, организаторот на патувањето ги информира патниците дека аранжманот е откажан – најкасно 10 дена пред датумот на поаѓање за далечни патувања и 5 дена пред датумот на поаѓање за европски патувања.
Кај аранжманите кои вклучуваат превоз со авион, по купување на авио картата, невозможно е средствата да се вратат и во тој случај – важат условите на авио компанијата.
Кај аранжманите кои вклучуваат low-cost авио компании, во случај на одложување на летот, откажување или губење на конекциите, патниците се дожни сами да ги платат новонастанатите трошоци и агенцијата не може да влијае на околностите кои се надвор од нејзиниот домет.
Цените на low cost аранжманите се подложни на промена. По уплата на авансот се проверуваат тарифите и на патникот му се потврдува цената на аранжманот.
Агенцијата не сноси одговорност доколку дојде до промена на авио конекциите од страна на авио компаниите.
Саатниците на летовите наведени во планот и програмот или добиени од страна на агенцијата се подложни на менување и зависат исклучиво од авио компанијата.
Агенцијата го задржува правото да го одбере превозното средство за трансфер. Трансферот се врши до самото сместување, доколку истото е физички возможно.
За сите понудени или достапни дополнителни доплати, кои имаат врска со планот и програмот на патувањето, или сместувањето, потребно е да се изјасните при пријавување.
Доколку некој патник сам одлучи да смени дел од планот и програмот на патувањето, агенцијата нема обврска на тој патник да му обезбеди трансфер/ран или доцен check-in или check-out во сместувањето/различни ноќевања во сместувањата, од она што е предвидено со планот и програмот на патувањето.
Малолетните патници за време на патувањето мора да имаат заверена согласност од родителите.
Заради почитување на саатниците предвидени со програмот на патување, како и почитување на времето на останатите патници од групата, не постои можност за задржување на границите кои претставуваат излез од Европска Унија, поради заверување на сметки и враќање на данок од Европската Унија (TAX FREE)
Наша препорака е да водите сметка за вашите лични документи и пари на Вашето патување.
За овој аранжман се применуваат ОПШТИТЕ УСЛОВИ ЗА ПАТУВАЊЕ.

Напомени во врска со сместувањето:

Организаторот на патувањето, ТА ЦЕЛ СВЕТ, го задржува правото на распоред по соби, во согласност со структурата на собите во сместувачкиот објект. Доколку постои можност, агенцијата се труди да излезе во пресрет на желбите на патниците (Ве молиме да имате разбирање. Ова патување пред сѐ треба да биде авантура и добра забава).
Во сместувачките објекти се влегува првиот ден од престојот во согласност со правилата на самиот сместувачки објект.Начесто, check-in е во попладневните часови (14h или 15h), а check-out – последниот ден од престојот, најчесто до 10h или 11h.
Описите на сместувачките објекти се од информативен карактер.
Некои од дополнителните содржини на сместувачките објекти се достапни со доплата. Постои можност на отстапувања и промена на достапноста на некои содржини, бидејќи истите зависат исклучиво од сместувачките објекти (нпр. Сеф, паркинг, мини-бар, ТВ, клима уред...)
Патникот е должен да ги почитува правилата на сместувачкиот објект и сам сноси одговорност доколку дојде да санкционирање од страна на персоналот на сместувачкиот објект
Во некои сместувачки капацитет во Азија, Африка и Латинска Америка – нема врела вода.
Сместувачките капацитети ги сместуваат патниците и го одредуваат распоредот и типот на собите спрема својата расположливост во дадениот момент. Агенцијата не е во можност да им потврди на клиентите дали креветите ќе бидат twin (раздвоени) или double (голем француски лежај), како ни спратноста во самото сместување, освен доколку тоа не е посебно назначено во Договорот. Клиентот со уплата на аранжманот се согласува со овие факти и условите на сместувањето, без право на жалба.
Патниците кои што патуваат сами во некои програми имаат можност да со доплата, престојуваат сами во еднокреветна соба. Доколку патникот сака да се спои со некој од другите патници од групата и не сака да плаќа доплата, прифаќа да се спои со било кое лице од групата, без оглед на возраста и полот на сопатникот. Во овие ситуации, агенцијата апсолутно не одговара за било какви евентуални непријатност или несогласувања кои патниците можат да ги имаат за време на патувањето.

Напомена во врска со факултативните излети:

Факултативните излети не се задолжителен дел од патувањата и за факултативните излети не е обезбедена заштита во поглед на гаранција за патувањето.
Термините и цените на факултативните излети се променливи и зависат од слободните термини по локалитетите, бројот на пријавени патници и други објективни околности.
Факултативните излети се реализираат од страна на локални агенции. ТА ЦЕЛ СВЕТ не е во можност да влијае на работи кои се надвор од нејзиниот домет, односно се врзани за самата реализација на излетот.
Факултативните излети се реализираат од локални туристички водичи, на самите локалитети, на англиски јазик. Со плаќање на излетот, патникот ги прифаќа сите услови на локалната агенција, без право на жалба.
Агенцијата не може да влијае на времетраењето на патувањата до локалитетите, времето на поаѓање, враќање или обиколка, како ни стручноста на локалните водичи.
При уплата на факултативен излет, патникот ги прифаќа условите на локалната агенција која е организатор на излетот. Доколку еден патник уплаќа излет во име на други патници, истиот е должен да ги извести сопатниците за условите на локалната агенција. Било какви измени и откажување од излетот по уплатата, не се возможни, ниту е возможно, под било кои околности, да се рефундираат уплатените средства.
Се молат сите патници, пред уплаќање на факултативен излет, да се информираат и упознаат со предвидениот план и услови за факултативниот излет.

Напомена во врска со визите:

Патниците задолжително мора да се запознаат со визниот режим на државата во која патуваат.
Некои амбасади бараат задолжително присуство на патникот за аплицирање за виза. Патниците се должни да ги испочитуваат правилата на амбасадата,
Патниците се должни да ги достават документите за визирање, најдоцна 1 месец пред патувањето, а доколку не ги достават во наведениот рок, должни се сами да ја обезбедат визата за патување.
Патниците кои не посеуваат нови биометриски пасоши на Република Македонија, должни се сами да се запознаат со визниот режим на државите во кои патуваат и сами да ги обезбедат визите за патување.
Агенцијата не гарантира дека на патникот ќе му биде одобрена виза и не е овластена да утврдува валидност на документи.
Агенцијата не сноси одговорност во случај на недобивање на виза.