Куба 17 дена

цена од
1.290
EUR ,00
траење
17 дена
Пријави се Барање
Барање


Замислувате некој остров? Прва помисла - тишина и сонце над палмите на ненаселен остров на Карибите. Тогаш се појавува насмеан народ на кого му се доволни салса, мохито и пури, за еден магичен и среќен живот. Куба

Ве носиме на Куба - необичен остров каде комунизмот сеуште живее. Доколку се сеќавате на животот во златните години на Југославија, односно сте слушале како некој од повозрасните со чувство на носталгија раскажува за овој изминат и веќе далечен период - имате прилика да се вратите низ времето, и место на Балкан, можете да ја почувствувате оваа енергија на егзотичен Карипски остров, само 300км. одалечен од Мајами, Флорида. 

Модернизацијата во Куба престанува на крајот на 50-тите години кога САД воведува ембарго врз оваа мала Карипска држава. Патувањето на Куба е буквално патување низ времето. Низ улиците се возат автомобили (сега old timer-и) од 50-тите години на минатиот век, кои до почетокот на ембаргото се увезувале од Америка. Во 1956-та година, на Куба имало регистрирано околу 150.000 автомобили, 70 години подоцна, повеќе од 50% од нив сеуште се во возна состојба. Нема билборди, реклами, модерни згради, интернет на секој чекор, Zara, полни супермаркети и слично. Вистински "quest" на Куба е да најдете да купите четкица за заби или фарба за коса - работи кои ги земаме здраво-за-готово во модерниот свет. 

Ја разгледуваме Хавана, ги посетуваме најпознатите туристички места, но истражуваме и квартови во кои нема туристички атракции, места каде живеат Кубанци и во кои владее неверојатна атмосфера... Ќе одиме во мали салса кафулиња во кои влегуваат улични музичари и бендови и свират додека публиката ги бодри со насмевки, аплаузи или песози.

Нé очекува возење со стари автомобили од '50-тите, ветар во коса и звуците на салса! Пиеме мохито во Бодегита Дел Медио и даикири во Ел Флоридита - омилените места на Хемингвеј.

Ќе уживаме во тропските плажи и кокосово млеко во Варадеро, ќе учиме како се прави тутун во Вињалес и ќе дознаеме нешто повеќе за животот на Ернест Хемингвеј во прошетката низ неговата куќа. 

Ќе јадеме морски плодови, печени банани и останати специјалитети во “casa particulares” каде љубезните домаќини ќе ни кажуваат приказни за Куба и ќе не учат шпански!

Тринидад е град под заштита на UNESCO. Стари куќи и камени улици во колонијален стил. Викенд пазар на кој се дели бесплатно пиво на локалци, но понекогаш и на туристи. Танцување на улица и посета на Casa de la Musica и Casa de la Trova! Јавање коњи, прошетка во националниот парк, бањање на водопадите, локалните селца, Карипското море... Лежерни денови исполнети со уживање на плажата Ancon. Нуркање и бањање преку ден и тропски ноќи прошарани со музика под полна месечина. Факултативна прошетка во Santa Clara и меморијалниот споменик на Че Гевара, разгледување на Cienfuegos...

Насмеаното племе Ве носи на уште едно незаборавно патување на Куба. 

17 дена враќање во минатото, гласна музика, насмевки, ветар во коси, сонце, плажа, разиграни деца, насмеани луѓе, луди излегувања и желба што поскоро да се вратиме на ова магично место. 

Viva la Cuba!

И сé ова во форма на групно патување, со интересни и опуштени луѓе од целиот Балкан, со нашите искусни Jungle водичи од Србија, кои практично и живеат на Куба, па се најкомпетентни да Ви ја презентираат дестинацијата во вистинско светло. Вашите пријатели од Куба кај кои одите на гости и кои се тука за вас! Без скриени трошоци! Одлична цена... Што чекаме?:)


Рута
Загреб
Истанбул
Хавана
Тринидад
Хавана
Истанбул
Загреб

Превоз
Авион, Локален трансфер
Сместување
Guesthouse
Организатор
Jungle Travel d.o.o. Beograd, Србија
Видови патувања
Акции - последни места, Далечни дестинации, Летувања
Дестинации
Куба
Код на патување
CU2
Тежина
Погодно за деца
Не
Големина на групата
Мин 10

План и програма

Планот и програмата важи за следните поаѓања

Состанок на групата на меѓународниот аеродром во Загреб два часа пред летот. Лет до Хавана со преседнување.

Превоз

  • Авионски билет со сите такси на релација Загреб - Истанбул, во економска класа со 23кг. чекиран и 8кг. рачен багаж
  • Авионски билет со сите такси на релација Истанбул - Хавана, во економска класа со 23кг. чекиран и 8кг. рачен багаж

Место

  • Загреб
  • Истанбул

Пристигнување во Хавана. Трансфер од аеродром до сместувањето. Првиот ден на Куба се одмараме и се запознаваме со магијата на Карибите.

Превоз

  • Трансфер од аеродром до сместување

Сместување

Casas particulares 1 ноќ

Место

  • Хавана

Одиме на факултативен излет - разгледување на Хавана. Најпрво ги посетуваме деловите на Централна Хавана и се запознаваме со начинот на живот на Кубанците. Пазар, играње домино на улица, деца кои сакаат да се сликаат и чии насмевки не можеме да ги одбиеме... Одиме во Callejon de Hammel да гледаме но и да играме румба со Афрокубанците. Потоа го посетуваме Ведадо (Vedado,  новиот дел на Хавана и пиеме кафе во хотелот “Nacional” каде што се одвива дел од дејството на филмот „Кум 2“.

Сместување

Casas particulares 1 ноќ

Место

  • Хавана

Факултативни излети

Денес ја разгледуваме и ја запознаваме Старата ХаванаКапитолио (Kapitolio), петте главни плоштади во Стара Хавана, улицата Обиспо (Obispo) – главната шетачка зона, Централ Парк (Central Park) каде се собираат локалците, шеталиштето Прадо (Prado) кое е главно збирно место за локалните уметници... Продолжуваме со излетот  и се возиме со шарени кабриолети – го посетуваме Плоштадот на Револуцијата каде низ приказна се враќаме во деновите на Кубанската револуција! Вечерта се шетаме по Малекон (Malecon), шеталиштето покрај морето, се дружиме со Кубанците, а може и да танцуваме!

Сместување

Casas particulares 1 ноќ

Место

  • Хавана

Факултативни излети

Факултативен излет – разгледување на куќата во која живеел Ернест Хемингвеј. На овој излет ќе добиете потполна слика за целокупниот живот на славниот писател, ќе дознаете зошто одлучил голем дел од својот живот да го помине во околината на Хавана, ќе видите негови лични предмети и ќе слушнете за неговата трагична смрт. По прошетката одиме на плажата Santa Maria, една од плажите кои се наоѓаат на 15 километри од Хавана. Уживаме во тиркизното море, лежиме под палмите на белиот песок и слушаме како свират локалните музичари. Враќање на Хавана.

Сместување

Casas particulares 1 ноќ

Место

  • Хавана

Факултативни излети

Рурална Куба. Ги посетуваме плантажите за тутун и шеќерна трска, сушарите за тутун, а потоа одиме во куќата на едно семејство кое живее во ова село, кадешто нашиот домаќин ќе ни покаже како се прават кубанските цигари, а домаќинката ќе ни подготви кафе од тукушто набрани зрна од околината. По ручекот во локалниот ресторан одиме на разгледување на Индијанските пештери кои се под заштита на УНЕСКО заради тоа што се изградени од тип на карпи кои ги има само тука и уште на неколку места во светот. Ќе пешачиме низ една од пештерите, а потоа се качуваме во чамец кој ќе не вози по реката внатре во пештерите и ќе не изнесе на другата страна. Враќање во Хавана во вечерните часови.

Сместување

Casas particulares 1 ноќ

Место

  • Хавана

Факултативни излети

Факултативен излет– Варадеро (Varadero). Пред да ја посетиме една од најубавите плажи на Карибите, ќе ја посетиме пештерата Saturno во која ќе имаме прилика и да се искапеме. Потоа продолжуваме кон плажата Варадеро каде ќе уживаме во белиот песок и кристалното море. Враќање во Хавана.

Сместување

Casas particulares 1 ноќ

Место

  • Хавана

Факултативни излети

Слободен ден за уживање на плажата Santa Maria или за посета на музеите во Хавана. Можеме да го посетиме барот “Floridita” - место во кое своето време го поминувал Ернест Хемингвеј и да го пробаме познатиот коктел Даикири! 

Сместување

Casas particulares 1 ноќ

Место

  • Хавана

Трансфер до Тринидад, мало место кое е под заштита на УНЕСКО заради сите зачувани објекти од колонијалниот период. По факултативното разгледување на градот, вечерта прво ќе уживаме во звуците на салса во Casa de la Musica, а потоа одиме во дискотека во пештера да танцуваме цела ноќ на најпознатите латино хитови.

Превоз

  • Трансфер од Хавана до Тринидад

Сместување

Casas particulares 1 ноќ

Место

  • Тринидад

Слободен ден или прилика за факултативен излет – јавање на коњи. Вистинска авантура и за оние кои имаат искуство со јавање и за оние кои за прв пат ќе пробаат. Јаваме до националниот парк кој се наоѓа во близина, ги посетуваме водопадите каде направиме пауза за капење во мало природно езеро, пиеме сок од шеќерна трска, а потоа повторно галопираме низ преубавите предели на Тринидад.

Сместување

Casas particulares 1 ноќ

Место

  • Тринидад

Пловиме со катамаран на брановите на Карипското море. Пристигнуваме на островот каде ќе уживаме на преубава плажа и за целото тоа време друштво ни прават големиот број игуани, кои слободно се шетаат по островот и се дружат со нас. По целодневното уживање се враќаме во Тринидад.

Сместување

Casas particulares 1 ноќ

Место

  • Тринидад

Факултативни излети

Се возиме со камионче кое е направено за туристичко разгледување до видиковецот на планината Топес де Колантес (Topes de Collantes) од кој има прекрасен поглед. Потоа продожуваме до Куќата на кафето каде ќе се запознаеме со процесот на производство на кафе и уживаме во филџан кафе. Потоа тргнуваме во авантура и пешачиме низ шума, уживаме во преубавата природа, се запознаваме со тропските растенија и животни. По некое време стигнуваме до водопадите, се капеме во студената вода, а потоа пешачиме назад по ридот со што го совладуваме и последниот предизвик на оваа авантура. После напорниот ден се враќаме во Тринидад.

Сместување

Casas particulares 1 ноќ

Место

  • Тринидад

Факултативни излети

Тргнуваме рано наутро за да се запознаеме со уште два Кубански градови. Едниот од нив, Санта Клара, е значаен по тоа што е местото каде завршила кубанската револуција и овде го посетуваме меморијалниот споменик посветен на Че Гевара, неговиот гроб и музејот кој содржи многу негови лични предмети. После разгледувањето на градот се упатутваме кон Сиенфуегос, град изграден во француски стил. Го разгледуваме градот, се шетаме по главното шеталиште, го разгледуваме главниот плоштад со триумфалната капија (единствена на Куба), се возиме покрај Пунта Горда (Punta Gordа), елитна населба покрај брегот на морето, ја посетуваме палатата Ваље - која била  некогашна коцкарница во времето на Батиста... Враќање во Тринидад.

Сместување

Casas particulares 1 ноќ

Место

  • Тринидад

Факултативни излети

Последниот ден е прилика за факултативен излет и одморање на плажата Анкон (Ancon), една од најубавите плажи на Карипското Море. Уживаме во залезот на сонцето и пиеме мохито...

Сместување

Casas particulares 1 ноќ

Место

  • Тринидад

Факултативни излети

Напуштање на сместувањето и враќање во Хавана. Слободно попладне за купување на сувенири, шетање низ Хавана или уживање во некои од плоштадите со звуците на кубанската музика во позадина. Последна ноќ на Куба, поздравување со новите пријатели и прилика да се утврдат научените салса чекори!

Превоз

  • Трансфер од Тринидад до Хавана

Сместување

Casas particulares 1 ноќ

Место

  • Хавана

Напуштање на сместувањето и трансфер до аеродром. Лет до Загреб со преседнување.

Превоз

  • Трансфер од сместување до аеродром
  • Авионски билет со сите такси на релација Хавана - Истанбул, во економска класа со 23кг. чекиран и 7кг. рачен багаж

Место

  • Истанбул

Пристигнување во Загреб. Се враќаме од неверојатно патување, а во главата сеуште ги слушаме звуците на регетон и нозете сами ни се движат во ритамот на салса. Крај на патувањето. 

Превоз

  • Авионски билет со сите такси на релација Истанбул - Загреб, во економска класа со 23кг. чекиран и 7кг. рачен багаж

Место

  • Загреб

Поаѓања и цени

Во овој момент немаме поаѓања за оваа тура.

Што е вклучено

Сместување

Casas particulares Пример 14 ноќи

Превоз

  • Авионски билет со сите такси на релација Загреб - Истанбул, во економска класа со 23кг. чекиран и 8кг. рачен багаж
  • Авионски билет со сите такси на релација Истанбул - Хавана, во економска класа со 23кг. чекиран и 8кг. рачен багаж
  • Трансфер од аеродром до сместување
  • Трансфер од Хавана до Тринидад
  • Трансфер од Тринидад до Хавана
  • Трансфер од сместување до аеродром
  • Авионски билет со сите такси на релација Хавана - Истанбул, во економска класа со 23кг. чекиран и 7кг. рачен багаж
  • Авионски билет со сите такси на релација Истанбул - Загреб, во економска класа со 23кг. чекиран и 7кг. рачен багаж

Не е вклучено

  • Меѓународно здравствено осигурување (може да се уплати во агенцијата)
  • Индивидуални трошоци за времетраење на аранжманот
  • Факултативни излети и влезници за културно-историски споменици
  • Трансфер Скопје - Загреб - Скопје

Видео

Факултативни излети

Напомена! Термините и цените на факултативните излети се од информативен карактер и истите се променливи, а зависат од слободните термини по локалитетите, бројот на пријавени патници и други објективни околности.

Разгледување на Централна Хавана

Ја посетуваме и разгледуваме Централна Хавана и се запознаваме со начинот на живот на кубанците. Пазари, играње на улиците, деца кои сакаат да се фотографираат и чија насмевка не можеме да ја одбиеме... Одиме во Callejon de Hammel да гледаме (и танцуваме) румба со афрокубанци, а потоа го разгледуваме Ведадо - новиот дел на Хавана, универзитетот и на крај, пиеме кафе во познатиот хотел “Nacional”.

Разгледување на старата Хавана и возење со кабриолети

Цена: 30,00 EUR

Разгледувањето ќе го започнеме од Стара Хавана. Тргнуваме од паркот Central, парк познат по статуата на кубанскиот национален херој Хозе Мартија и како место за собирање на локалците. Пеш ќе ја прошетаме целата Стара Хавана, вклучувајќи ги и петте плоштади кои се под заштита на UNESCO заедно со четирите тврдини. При прошетката низ Хавана ќе се запознаеме архитектурата, локалниот начин на живот на Кубанците и со улиците на Хавана. Продолжуваме по улицата Обиспо (Obispo), најпознатата улица во Хавана, каде ќе се одмориме и ќе јадеме кубански сладолед во кокос. Се фотографираме со кубанците и томпусите. Време е да се запознаеме со револуцијата, па нашата прошетка продолжува кон познатот музеј. Пред музејот ќе имаме прилика да го видиме бродот Granma, каде ја започнуваме приказната на познатите личности на Куба.

Приказната ја продолжуваме на еден од најголемите плоштади на светот, Плоштадот на Револуцијата, до кој пристигнуваме со кабриолети. Плоштадот на Револуцијата го краси најпознатиот мурал на Че Гевара, каде правиме пауза за најубавите фотографии. Возењето со кабриолетите ќе нѝ ја комплетира сликата за Хавана, а ние продолжуваме понатаму кон паркот Алмедарес (Almedares), познат помеѓу локалците како шумата на Хавана и ги разгледуваме останатите делови на градот Ведадо (Vedado ) и Мирамар (Miramar). Разгледувањето не би било целосно доколку не поминеме низ најубавата, а воедно и најбогатата 5-та авенија. Преку Малекон (Malceon) шеталиштето покрај море, се враќаме назад, додека солта, сонцето и ветрот нѝ го разубавуваат целото доживување. Во цената е вклучено: разгледување на старата Хавана, водич и возење со кабриолети.

Куќата на Хемингвеј и Playas del Este (Santa Maria)

Цена: 35,00 EUR

Ернест Хемингвеј, славен писател на XX век, поминал еден дел од својот живот уживајќи во својата куќа недалеку од Хавана. Ја посетуваме куќата каде се запознаваме со неговиот интересен живот. Дали сте знаеле дека чувал повеќе од 40 мачки? Дека учествувал во 4 војни? Дека гробовите на неговите кучиња се наоѓаат баш на имотот кој ќе го посетиме? Нема да ви откриеме сѐ, но точно е дека Хемингвеј бил интересна личност и дека зад себе има оставено многу големи дела. Во куќата се наоѓа и колекција на неговите книги и од таа причина не може да се влезе, но целосните простории се гледаат низ вратата и прозорците. Потоа, се возиме со познатите кубански автомобили и одиме да пливаме во прекрасните карипски води. Плажите кои се простираат на речиси шест километри се популарни како меѓу туристите, така и меѓу локалците. Идеално место за одмор и уживање на само половина час возење од Хавана. Во цената на излетот е вклучено: влезница во музеј и трансфери.

Вињалес

Цена: од 65,00 EUR до 70,00 EUR

Долината Вињалес е позната по својот извонреден пејзаж и позната по традиционалните методи на земјоделство, особено за тутун кои останале непроменети и како таква се наоѓа под заштита на UNESCO. Целиот регион ја чува својата богата традиција преточена во архитектурата, во своите занаети и начинот на живот. Посетата на Вињалес ќе нѝ помогне подобро да се запознаеме со руралната околина и со прекрасната природа. Вињалес го красат шарени куќички, како и планините Моготес (Mogotes). Од Хавана е оддалечена 184 km, а патувањето до таму го дополнуваме со попатно застанувањe на местото Лас Баригонас (Las Barrigonas), познато по прочуените “Трудни палми“. Тоа се посебен вид на палми карактеристични само за Куба. Првата станица во Вињалес е секако Индијанската пештера, која ја разгледуваме со локален водич. На моторни чамци ја разгледуваме внатрешноста на пештерата и го фотографираме прекрасниот премин од пештерата во природата. Заедно продолжуваме кон познатата долина на тутунот, каде учиме како се обработува тутунот и се подготвува за правење на цигари. Посетуваме локална кубанска куќа во која домаќинот нѝ покажува како се изработуваат цигари, а и ние самите ќе имаме можност да пробаме. Доколку имаме желба можеме заедно да одиме до еден од прекрасните палачари и да пробаме вистинска локална храна. При враќањето во Хавана застануваме на видиковец од кој има најубав поглед на долината Вињалес и планините Моготес. Идеално место за фотографии. Цената на излетот вклучува превоз, влезница за пештерата, локален водич и посета на локална куќа.

Варадеро

Цена: 65,00 EUR

Дваесетте километри прашкасто бел песок и тиркизната сина боја на морето направиле Варадеро да стане една од најпознатите плажи на Карибите. Од таа причина, се упатуваме од Хавана кон Варадеро на еднодневен излет и одмор. Овој ден ќе го надополниме и збогатиме со нуркање што ќе нѝ овозможи да се запознаеме со морскиот биодиверзитет на северот од Куба и да храниме стотина видови разнобојни риби. Прекрасното тиркизно море што е прекрасно на површината е уште поубаво во длабочината. После нуркањето одиме до пештерата Сатурно (Saturno), пештерата со слатка чиста вода со длабочина и до 20 метри која дефинитивно вреди да се посети. Одиме на плажа во Варадеро каде единствено што нѝ преостанува е потполно да се опуштиме и уживаме. Целиот излет не би била целосн без зајдисонцето и коктелите во кои може да уживаме на видиковецот Bacunayagua каде погледот нѝ го красат зелените кралски палми и највисокиот мост на Карибите. Во цената на излетот е вклучено: превоз, сноркелинг, влез во пештерата.

Островот на Игуаните

Цена: 65,00 EUR

Островот на Игуаните е мал остров на сред Карипско Море, кое го красат бел песок, палми и главните жители – игуани. До островот се стига со катамаран по речиси двочасовно пловење по тиркизното Карипско Море. Во близина на островот се наоѓа корален гребен кој ќе имаме прилика да го истражиме со нуркање и ќе се запознаеме со водниот свет. Кога ќе завршиме со нуркање продолжуваме кон островот. Игуаните нѐ чекаат на самиот влез, ние ги храниме, правиме селфи со нив и уживаме во вистинскиот мал рај. На островот се наоѓаат и мангрови дрва. Во мангоровите корења често можат да се најдат и скриени школки, совршен додаток за нашите фотогорафии. Во цената на излетот е вклучено: превоз до пристаништето, пловење со катамаран и ручек на островот.

Трекинг Guanayara

Цена: 55,00 EUR

Излет за вистинските љубители на природата. Guanyara паркот се наоѓа во планината Topes de Collantes. До самата планина стигнуваме со руски отворен камион од кој совршено можеме да ја видиме и да ја доловиме целата природа. Нашето прво застанување е видиковецот од кој се гледа Тринидад, Карипското Море и шеќерната долина. Со камиончето продолжуваме до Casa de la Café, музејот на кафето. Локалниот водич нѝ раскажува за традиционалното производство на кафе и нѝ ги покажува направите кои некогаш се користеле. По дегустацијата на кафе, продолжуваме понатаму до паркот и нашата прошетка и авантура може да започне. Доколку имаме среќа може да видиме и Tocororo, националната птица на Куба. Прошетката низ паркот е прилагодена за сите возрасти и е долга 4km, а на половина пат правиме пауза и се освежуваме во природниот базен, а потоа продолжуваме покрај реката Guanayarа. Во цената на излетот е вклучен: водич, превоз и ручек.

Santa Clara и Cienfuegos

Цена: 45,00 EUR

Санта Клара е град кој се наоѓа на околу два часа возење од Тринидад. Град во кој можеме одблиску да се запознаеме со револуцијата. На влезот во градот има мавзолеј, меморијален комплекс во кој се наоѓа гробот на Че Гевара како и предмети кои ги користел во текот на својот живот. По посетата на мавзолејот продолжуваме кон центарот на градот. Центарот на Санта Клара навистина ја чува целата историја за која ќе слушнеме нешто повеќе на овој излет. Ќе го посетиме споменикот на Tren Blindado и ќе се запознаеме со архитектурата на овој живописен град. По слободното време продолжуваме кон Cienfuegos. Колонијален град основан во 1819. година од стрaна на француски велепоседници, познат по својата прекрасна архитектура кој се наоѓа на карипскиот брег во јужно-централна Куба. Овој град од 2005. година се наоѓа на листата на  на UNESCO на светско културно наследство. Ја посетуваме Palacio del Valle, палатата од која се нуди прекрасен поглед на заливот. Украсена е со симболи на маварската архитектура, улицата Прадо, Малекони - историскиот центар на Сиенфуегос. Во цената на излетот е вклучено: превоз, влезница за Palacio del Valle, разгледување на двата градови со водич.

Разгледување на Тринидад и плажата Анкон (Ancon)

Цена: 20,00 EUR

Градот Тринидад е основан во почетокот на 16тиот век. Шарениот град ја задржал својата автентичност и се смета за најсочуван град на Куба. Го разгледуваме познатиот плоштад Plaza Mayor, Casa de la Musica, местото на собирање на локалците, Музејот на борбата, Историскиот музеј и многу други знаменитости на Тринидад. Речиси едночасовното шетање низ градот го завршуваме со посета на плажата Анкон. Преубава песочна плажа која се наоѓа на истоимениот полуостров и излегува на Карипското Море. Цената на излетот вклучува превоз до плажата.

Сместување

Casas particulares

Ова е пример на сместување какво што можете да очекувате. Вистинското сместување може да биде друго, но слично во поглед на тоа што нуди.

Guesthouse или Casa partuculares на Куба е сместувачки објект кој го поседуваат кубански семејства. Наменет е за туристи на кои комфорот не им е во прв план и кои би сакале да ја доживеат Куба на автентичен начин. Собите се двокреветни. Најчесто, две двокреветни соби делат еден тоалет, но постои и можност собата да има сопствен тоалет. Сместувањето се наоѓа во центарот на градовите кои се посетуваат. Услугата е на база ноќевање.

Превоз

Авион

Кликнете на сликата за да ја отворите галеријата

Патнички авион (линиски авион или комерцијален транспортен авион) е голем авион првенствено наменет за комерцијален превоз на патници и товар.

Локален трансфер

Кликнете на сликата за да ја отворите галеријата

Помало превозно средство за најчесто до 15 патници. Во зависност од земјата може да биде со помал или поголем комфор.

Корисни информации

Овде ќе најдете корисни информации за самата дестинација, како и некои совети за ова патување.

Важни напомени

Ве молиме внимателно прочитајте ги овие напомени. Сметаме дека е исклучително важно нашите патници да бидат добро информирани, што овозможува помалку недоразбирања за време на патувањето и попријатно искуство.

Напомени:
Општи напомени:

  • Организатор на патувањето е JUNGLE TRAVEL од Србија со лиценца OTP 162/2020.
  • При пријавување, потребно е да доставите копија од пасош/податоци од пасошот со кој патникот ќе патува на самото патување. Патникот мора задолжително да го провери траењето и исправноста на патниот документ, како и бројот на слободни страници потребни за патувањето.
  • Сите пасоши мораат да имаат рок на важење минимум 180 дена (6 месеци) од датумот на враќање во земјата.
  • Организаторот на патувањето го задржува правото на измена на одредени содржини од програмата, во случај на вонредни околности и работи кои агенцијата не може да ги предвиди, за време на склучување на договорот.
  • Организаторот на патувањето не е овластен и не ја проценува валидноста на патните и други исправи.
  • За сите информации кои се дадени по усмен пат, агенцијата не сноси никаква одговорност.
  • Потписникот на Договорот за патување или претставникот на групата на патници е задолжен да ги информира и запознае сите патници со договорениот програм на патување, условите на плаќање, визирање и ОПШТИТЕ УСЛОВИ НА ПАТУВАЊЕ НА JUNGLE TRAVEL D.O.O. од Белград.
  • Патниците се должни, два дена пред поаѓање, да го проверат точното време и место на поаѓање на групата.
  • Патникот е должен сам да се запознае со правилата на однесување во земјата во која патување и да ги почитува важечките законски царински прописи.
  • Во превозните средства најстрого е забрането пушење, конзумирање на алкохол и опојни средства.
  • Патниците се дожни да, во автобусите и другите превозни средства со кои се врши трансфер, останат на своите места и не смеат истите да ги напуштаат на места кои не се предвидени за пауза (граници, чек-поинт станици, патарини итн). Во случај патникот да го напушти возилото без претходен договор со претставникот на агенцијата, истиот сам ги сноси сите трошоци и последици.
  • Патникот кој преку неадекватно однесување, ги вознемирува останатите патници или смета на шоферите и/или придружникот на групата во својата работа, ќе биде одма исклучен од патувањето и целата одговорност преоѓа на него/неа, без право на жалба и враќање на пари.
  • Патникот е должен да ја почитува “саатницата” одредена од страна на претставникот на агенцијата на патувањето, во спротивно, претставникот на агенцијата има право да го исклучи патникот од патувањето.
  • Во туристичките автобуси не е можна употреба на тоалет. Во согласност со планот и програмот на патувањето, паузи се прават на 3-4 часа (во зависност од локацијата и опременоста на бензинските станици), кои патниците можат да ги користат за употреба на тоалет.
  • Агенцијата го одредува распоредот на седење, местото на поаѓање, местата за паузи и времетраењето на истите. Со плаќање на превозот, патникот го прифаќа горенаведеното, без право на приговор и жалба.
  • Аранжманот е направен на база на минимум 10 патници за далечни патувања и 50 патници за европски патувања.
  • Во случај на недоволен број на патници за реализација на аранжманот или други објективни околности, организаторот на патувањето ги информира патниците дека аранжманот е откажан – најкасно 10 дена пред датумот на поаѓање за далечни патувања и 5 дена пред датумот на поаѓање за европски патувања.
  • Кај аранжманите кои вклучуваат превоз со авион, по купување на авио картата, невозможно е средствата да се вратат и во тој случај – важат условите на авио компанијата.
  • Кај аранжманите кои вклучуваат low-cost авио компании, во случај на одложување на летот, откажување или губење на конекциите, патниците се дожни сами да ги платат новонастанатите трошоци и агенцијата не може да влијае на околностите кои се надвор од нејзиниот домет.
  • Цените на low cost аранжманите се подложни на промена. По уплата на авансот се проверуваат тарифите и на патникот му се потврдува цената на аранжманот.
  • Агенцијата не сноси одговорност доколку дојде до промена на авио конекциите од страна на авио компаниите.
  • Саатниците на летовите наведени во планот и програмот или добиени од страна на агенцијата се подложни на менување и зависат исклучиво од авио компанијата.
  • Агенцијата го задржува правото да го одбере превозното средство за трансфер. Трансферот се врши до самото сместување, доколку истото е физички возможно.
  • За сите понудени или достапни дополнителни доплати, кои имаат врска со планот и програмот на патувањето, или сместувањето, потребно е да се изјасните при пријавување.
  • Доколку некој патник сам одлучи да смени дел од планот и програмот на патувањето, агенцијата нема обврска на тој патник да му обезбеди трансфер/ран или доцен check-in или check-out во сместувањето/различни ноќевања во сместувањата, од она што е предвидено со планот и програмот на патувањето.
  • Малолетните патници за време на патувањето мора да имаат заверена согласност од родителите.
  • Заради почитување на саатниците предвидени со програмот на патување, како и почитување на времето на останатите патници од групата, не постои можност за задржување на границите кои претставуваат излез од Европска Унија, поради заверување на сметки и враќање на данок од Европската Унија (TAX FREE)
  • Наша препорака е да водите сметка за вашите лични документи и пари на Вашето патување.
  • За овој аранжман се применуваат ОПШТИТЕ УСЛОВИ ЗА ПАТУВАЊЕ ускладени со YUTA  стандардот.

Напомени во врска со сместувањето:

  • Организаторот на патувањето, JUNGLE TRAVEL, го задржува правото на распоред по соби, во согласност со структурата на собите во сместувачкиот објект. Доколку постои можност, агенцијата се труди да излезе во пресрет на желбите на патниците (Ве молиме да имате разбирање. Ова патување пред сѐ треба да биде авантура и добра забава).
  • Во сместувачките објекти се влегува првиот ден од престојот во согласност со правилата на самиот сместувачки објект.Начесто, check-in е во попладневните часови (14h или 15h), а check-out – последниот ден од престојот, најчесто до 10h или 11h.
  • Описите на сместувачките објекти се од информативен карактер.
  • Некои од дополнителните содржини на сместувачките објекти се достапни со доплата. Постои можност на отстапувања и промена на достапноста на некои содржини, бидејќи истите зависат исклучиво од сместувачките објекти (нпр. Сеф, паркинг, мини-бар, ТВ, клима уред...)
  • Патникот е должен да ги почитува правилата на сместувачкиот објект и сам сноси одговорност доколку дојде да санкционирање од страна на персоналот на сместувачкиот објект
  • Во некои сместувачки капацитет во Азија, Африка и Латинска Америка – нема врела вода.
  • Сместувачките капацитети ги сместуваат патниците и го одредуваат распоредот и типот на собите спрема својата расположливост во дадениот момент. Агенцијата не е во можност да им потврди на клиентите дали креветите ќе бидат twin (раздвоени) или double (голем француски лежај), како ни спратноста во самото сместување, освен доколку тоа не е посебно назначено во Договорот. Клиентот со уплата на аранжманот се согласува со овие факти и условите на сместувањето, без право на жалба.
  • Патниците коио патуваат сами во некои програми имаат можност да со доплата, престојуваат сами во еднокреветна соба. Доколку патникот сака да се спои со некој од другите патници од групата и не сака да плаќа доплата, прифаќа да се спои со било кое лице од групата, без оглед на возраста и полот на сопатникот. Во овие ситуации, агенцијата апсолутно не одговара за било какви евентуални непријатност или несогласувања кои патниците можат да ги имаат за време на патувањето.

Напомена во врска со факултативните излети:

  • Факултативните излети не се задолжителен дел од патувањата и за факултативните излети не е обезбедена заштита во поглед на гаранција за патувањето.
  • Термините и цените на факултативните излети се променливи и зависат од слободните термини по локалитетите, бројот на пријавени патници и други објективни околности.
  • Факултативните излети се реализираат од страна на локални агенции. Jungle Travel не е во можност да влијае на работи кои се надвор од нејзиниот домет, односно се врзани за самата реализација на излетот.
  • Факултативните излети се реализираат од локални туристички водичи, на самите локалитети, на англиски јазик. Со плаќање на излетот, патникот ги прифаќа сите услови на локалната агенција, без право на жалба.
  • Агенцијата не може да влијае на времетраењето на патувањата до локалитетите, времето на поаѓање, враќање или обиколка, како ни стручноста на локалните водичи.
  • При уплата на факултативен излет, патникот ги прифаќа условите на локалната агенција која е организатор на излетот. Доколку еден патник уплаќа излет во име на други патници, истиот е должен да ги извести сопатниците за условите на локалната агенција. Било какви измени и откажување од излетот по уплатата, не се возможни, ниту е возможно, под било кои околности, да се рефундираат уплатените средства.
  • Се молат сите патници, пред уплаќање на факултативен излет, да се информираат и упознаат со предвидениот план и услови за факултативниот излет.

Напомена во врска со визите:

  • Патниците задолжително мора да се запознаат со визниот режим на државата во која патуваат.
  • Некои амбасади бараат задолжително присуство на патникот за аплицирање за виза. Патниците се должни да ги испочитуваат правилата на амбасадата,
  • Патниците се должни да ги достават документите за визирање, најдоцна 1 месец пред патувањето, а доколку не ги достават во наведениот рок, должни се сами да ја обезбедат визата за патување.
  • Патниците кои не посеуваат нови биометриски пасоши на Република Македонија, должни се сами да се запознаат со визниот режим на државите во кои патуваат и сами да ги обезбедат визите за патување.
  • Агенцијата не гарантира дека на патникот ќе му биде одобрена виза и не е овластена да утврдува валидност на документи.
  • Агенцијата не сноси одговорност во случај на недобивање на виза.

Во согласност со одредбите од Законот за туризам на Република Србија, Организаторот на патувањето има депозит во висина од 7500,00 ЕУР и гаранција за патување за категорија на лиценца А35 во висина од 350.000,00 ЕУР, која во случај:

А) на инсолвентност на Организаторот на патувањето, се обезбедуваат: 
1. трошоци за нужно сместување, исхрана и враќање на патниците од патувањето, до местото на поаѓање во земјата и странство, 
2. побарување на уплатените средства на Патниците по основ на Договорот за туристичку патување, кое Организаторот на патувањето не го реализирал, 
3. побарувања на уплатените средства на Патниците во случај на откажување на патувањето од страна на Патниците, во согласност со Општите Услови за Патување, 
4. побарување на разликите меѓу уплатените средства по основ на Договор за туристичко патување и средствата намалени сразмерно за неизвршување или непотполно извршување на услуги, опфатени со Програмата на патување и во случај: 

Б) Надокнади на штета која е нанесена врз Патникот со неисполнување, делумно исполнување или неуредно исполнети обврски на Организаторот на патувањето, кои се одредени со Општите услови и Програмата на патување:
1. За побарување на уплатените средства на Патникот по основ на Договор за туристичко патување кое Организаторот на патувањето не го реализирал и
2. За побарување на разлики меѓу уплатените средства по основ на Договорот за туристичко патување и средствата намалени сразмерно за неизвршена, или непотполно извршени услуги кои се опфатени со Програмата на патување. 

Периодот на покритие на Гаранцијата за патување трае од датумот на нејзино издавање, па се до завршувањето на туристичкото патување, односно до враќање на Патниците на договореното одредиште. 

Гаранција по Договорот за Гаранција на патување број 0013/2020 од 10.01.2020, склучено со договарачот на осигурување - Националната асоцијација на туристички агенции ПУ “YUTA", Белград, ул. Кондина бр. 14, Полиса број 300067826 од 14.01.2020. Акционерско друштво за осигурување ДДОР НОВИ САД, Гаранцијата за патување се активира без одложување, односно во рок од 14 дена од денот на настанување на осигураниот случај, кај Националната асоцијација на туристички агенции ПУ “YUTA", +381 11 3228 686, по пишан пат или телеграма на адреса YUTA, Белград, ул. Кондина бр. 14, или на e-mail: garancijaputovanja@yuta.rs.

(Патникот своите права за надокнада на штета ги остварува врз основа на правосилни и извршни судски пресуди, односно одлуки на Арбитражниот суд или други вон-судски решенија на потрошувачки спор, во согласност со овие Општи услови и Општите услови на YUTA.)