Иран патувања

Добредојдовте во земјата што се смета за една од лулките на цивилизацијата, во земја создадена врз темелите на моќното Персиско Царство, во земја на легенди, митови, на Исток и на повеќето гостопримливи луѓе, со еден збор, добредојдовте во Иран (Iran)!

Иран е земја на Блискиот исток со илјадници години историја. Сместенa помеѓу Централна и Мала Азија, Каспиското Море во Персискиот Залив, високи планини со врвови покриени со снег на север и топли песочни пустини на југ. Тоа е фасцинантна земја со фантастична природа, одлични луѓе и одлична храна. 

Главен град е Техеран, а мора да се споменат и Исфахан, Ширак, Јазд, Керман, Абјане, Ком и многу други... Секој посебен и спектакуларен на свој начин. 

Иранците не се Арапи и не зборуваат на арапски јазик. Тие се горди Персијци кои го чуваат своето историско наследство и јазикот “фарси“. 

Духот на Истокот и Исламот се чувствува во секојдневниот живот, облеката, исхраната, музиката, боите, мирисите, живоста, насмеаните луѓе, културата, будните чаршии. 

Тие обожуваат пилешко, јагнешко - на многу начини, леб, салати и јадења што се карактеристични за Блискиот исток. Исто така, Иранците користат многу ориз во своите оброци, понекогаш со зачини од шафран. Постојат одлични слатки со кокос, фстаци или бадеми... Задолжително пробајте традиционален ирански чај и кафе! Забрането е конзумирање на алкохол, но има и безалкохолно пиво со различни вкусови. Она што треба да го пробате е сладолед со ф'стаци, шафран и ливчиња од роза! Звучи како од приказната за 1001 ноќ, зар не?

Легендите и митовите со векови ги инспирирале иранските уметници, кои ги напишале најубавите песни и приказни во светот и создадоа прекрасна традиционална облека и материјали, керамика, минијатури, познати персиски килими кои се најскапи и најдобри во светот! Дома понесете неколку зачини, чаеви, кафе и ф'стаци и проширете ја магијата и енергијата на оваа прекрасна земја и култура. Земја чии палати и дивини кријат персиски мачки, гепарди, најретките и најскапите скапоцени камења во светот, најквалитетни ф'стаци и кавијар, најубавите градини, мал рај на земјата. 

Звучи толку совршено што треба да одите и да го искусите сето ова!

Величествениот Иран!

Поаѓања

Патувања

Корисни информации

Овде ќе најдете корисни информации за самата дестинација, како и некои совети за ова патување.

Иран

Општи податоци: Блискоисточна земја со историја долга повеќе илјади години. Се граничи со Ерменија, Азербејџан, Туркменистан, Турција и Ирак. Исто така, Иран излегува на Каспиското море и Персискиот залив. Пустините и неколкуте планински венци се протегаат по должина на целата земја. Иран е земја со фантастична природа, прекрасни луѓе и извонредна храна.

Главен град: Техеран

Површина: 1.648.195 km2

Број на жители: 80.28 милиони жители

Население: Персијанци 51%, Азери 24%, Мазандарани 8%, Курди 7%, Арапи 3% и други

Јазик: фарски

Вероисповед: муслимани - преку 99%

Независност: 1501. година

Валута: Ирански ријал: 1EUR=47.350 ријали; 1 USD= 42.102 ријали, иако курсот многу варира

За трошење во Иран морате со себе секогаш да имате локална валута.

Платежни картички и банкомати: Системот со банкомати и платежни картички кој го користиме во Европа не фенкционираат, така што тие не можат да се користат. Постојат банкомати и уреди за наплата преку платежни картички, но тие служат исклучиво за иранскиот банкарски систем, кој е затворен.

Временска зона: UTC +4:30

Виза: На државјаните на Р. С. Македонија им е потребна виза за Иран. Важно е во пасошот да немате печат од Израел. Визата се изработува електронски и мора да оди преку локалната агенција. Цената за виза изнесува 100ЕУР + услуга за визирање.

Клима: Климата во Иран е сушна и полусушна. Температурите сепак, ретко се искачуваат над 29 степени, но без разлика на тоа, по генералниот начин на облекување во Иран, неопходно е да носите облека со долги ракави и долги панталони. Исто така, повремено се случува нагла промена на временските прилики и краткотрајни дождови. Во текот на есента може да биде доста ладно.

Храна и пијалок: Користете само флаширана вода во Иран! Традиционалната исхрана вклучува пилешко, јагнешко на многу начини, леб, салати и јадења кои се карактеристични за Блискиот исток. Исто така, Иранците користат многу ориз во своите оброци, понекогаш со зачини од шафран. Исто така, постојат одлични слатки со кокос, ф'стаци или бадеми... Задолжително пробајте традиционален ирански чај и кафе. Алкохолот е забранет во Иран и се служи само безалкохолно пиво со различни вкусови. Измијте го овошјето со флаширана вода или излупете го. Цените на храната и пијалоците се прифатливи.

Здравје: За влез во Иран, законски не е потребно да примате вакцини но за тоа секако консултирајте се со Вашиот лекар. Се препорачува консумирање на флаширана вода. Понесете со вас лекови за редовна терапија доколку ја примате, пробиотик, лекови за намалување на телесната температура, за болка или лекови што обично ги носите со себе на патување.

Осигурување: Препорака е да имате здравствено осигурување.

Сигурност, безбедност и правила на однесување: Градовите и местата што ги посетуваме се релативно безбедни, но секако ве советуваме да бидете внимателни кога станува збор за вашите лични работи (како во кој било европски или друг град). Не одете на прошетки и истражувања сами, а навечер ве советуваме да не се двоите од групата. Не одете во делови од градовите што вашиот водич ги посочува како несигурни. Во секој случај, избегнувајте теми поврзани со политичката состојба во регионот, особено разговорите за Израел, САД и Сирија. Имајте на ум кога фотографирате, воените објекти и објектите на иранската војска се забранети за фотографирање. Бакшишот и ценкањето се дел од традицијата. Постојат специјални вагони за жени во метрото и посебни делови за жени во автобуси. Забрането е ракување со жени. Контактот со муслиманските жени е строго забранет. За време на Рамазан, не смеете да јадете, пиете или пушите цигари на јавни места. По влегувањето во Иран, странските државјани се должни да го пријават износот на странските пари што ги носат во Иран, во спротивно ризикуваат конфискација на пари од страна на царинските органи. Забрането е внесување на материјали што негативно го третираат Иран. На патниците им се советува да посветат особено внимание на личните документи и пари. Бидејќи се регистрирани напади врз жени кои не се придржуваат кон исламскиот кодекс на облекување, се препорачува строго почитување на исламскиот кодекс на облекување за да се избегнат непријатности. Ве молиме, во никој случај не понесувајте алкохол и свинско месо во Иран, што вклучува и преработка, и ова важи и за сите предмети што учествуваат во процесот на коцкање.

Облека: Ве молиме, обрнете внимание на начинот на облекување. Од жените се бара да носат шамија, која мора да се носи веднаш по слетувањето на аеродромот во Иран, а потребни се и долги ракави и долги панталони. Забранети се здолништа, шорцеви, маици или кратки ракави. На мажите им е дозволено да носат кошули со кратки ракави, додека долната облека, како и кај жените, мора да биде долга. Затоа, изберете ја вашата гардероба соодветно, но бидејќи се очекува температурите да бидат помеѓу 10 и 15 степени, побарајте гардеробата да биде потопла и слоевита. Задолжително понесете и понепропустлива облека, исто така, бидејќи кратки периоди на дожд повремено се појавуваат во Иран. Понесете поудобни обувки за истражување на археолошките места и градови.

Комуникација: Нашите мрежи генерално функционираат на територијата на Иран. Интернетот во Иран е делумно цензуриран и можат да се користат само поедини апликации. Сепак, интернет генерално нема на сите места во Иран, така што постојат хотели, ресторани и кафулиња кои немаат wi-fi.

Струја: Што се однесува до електричната енергија, напонот е ист како и кај нас и не Ви се потребни адаптери.

Сувенири: Од сувенири препорачуваме традиционална облека и материјали, керамика, минијатури, мали персиски теписи (постои ограничување од 15м2 да изнесете од земјата), зачини, чаеви, кафе, ф'стаци, марами... При излез од Иран, патниците можат да изнесат еден рачно изработен ткаен тепих во големина до најмногу 12м2; предмети од сребро, без скапоцени камења, до 3кг; предмети од злато, без скапоцени камења, до 150г. 10кг ф'стаци; најмногу 200г шафран. Забрането е изнесување на антиквитети, оригинални уметнички дела, рачно напишани книги, литографии, калиграфски дела, минијатури од уметнички предмети, како и антички ковани пари.