Малезија

Малезија

Насмеаното племе Ве води на патување во Малезија, своевидна мешавина на модернизам, што се истакнува со облакодери и висококатници, светски банки и малопродажни ланци, каде сè е “original copy’“. 

Кулите Петронас, шопинг, паркot на птиците и познатата пештера Бату во која е сместен хинду-храм на само неколку километри од развиениот Куала Лумпур нудат одредено ниво на мистика што е едноставно видливо. 

Куала Лумпур, или „нечист град“ како што го нарекол Жан Кокто, е модерен, автоматизиран и чист и во минатата деценија од мал и неразвиен јужноазиски град во џунгла, прераснал во метропола со незамисливи размери. 

Град каде подеднакво се мешаат културите, религиите и влијанијата на кинезите, хиндуистите и малезијците. Мултиетничноста и мултикултурализмот имаат големо влијание врз политиката на земја во која исламот е уставно дефиниран како државна религија, иако слободата на вероисповед е загарантирана. Домашната култура на подрачјето ја создале домородните племиња во комбинација со индиската и кинеската култура кои имаат значително влијание врз целото општество по британското владеење и колонијализмот. 

Мирисите и вкусовите кои ќе ве воодушеват додека ја газите бескрајната урбана џунгла каде се наоѓаат локални продавници, кинески и индиски населби, како и неверојатните полиња каде се одгледуваат разни видови чај, разновидна флора и фауна, и мислата дека зелената боја никогаш не била толку зелена.

Поаѓања

Патувања

Корисни информации

Овде ќе најдете корисни информации за самата дестинација, како и некои совети за ова патување.

Малезија

  • Главен град: Куала Лумпур
  • Површина: 330.000 km²
  • Број на жители: 27 милиони жители
  • Население: најбројни се малезијците, околу 50% и кинези 22%
  • Јазик: Малајски и Англиски
  • Вероисповед: Ислам 60%, Будизам 20%, Христијанство 9%, Хиндуизам 6% и останати 5%
  • Независност: 1963 година
  • Парични средства: Малезиски Рингит MYR – 1 EUR = 4.7 MYR
    За плаќање во Малезија, секогаш мора да ја имате локалната валута со себе. Не е важно дали со себе ќе носите долари или евра. На пазарите, продавниците за сувенири и уличните продавачи, секогаш ценкајте се.                                                                                           Платежни картички и банкомати: Банкомати постојат и се лесно достапни (во Куала Лумпур). Не можете секогаш да користите картички. Консултирајте се со вашата банка за детали и не заборавајте да пријавите во странство за да не ви се блокираат картичките.
  • Временска зона: GMT +8
  • Виза: На граѓаните на Р. С. Македонија не им е потребна виза за да влезат на територијата на Малезија.
  • Излезна такса: Сите патници кои патуваат од Малезија до следниве земји: Брунеи, Камбоџа, Индонезија, Лаос, Мјанмар, Филипини, Сингапур, Тајланд, Виетнам, плаќаат излезна такса во следниот износ:                                                                                                                       - ако патуваат со економска класа: 8 МВР (приближно 2 евра)                                                                                                                                     - ако патуваат со бизнис класа: 50 MYR (приближно 11 евра)                                                                                                                                 Сите патници кои патуваат во сите други земји ја плаќаат следнава сума за такса:                                                                                                     - ако патуваат со економска класа: 20 MYR (приближно 5 евра)                                                                                                                                   - ако патуваат со бизнис класа: 150 MYR (приближно 35 евра)
  • Клима: Климата во Малезија се карактеризира со релативно високи температури (просечен максимална дневна е 32-34C, ноќна околу 23-25C), влажноста на воздухот е висока и сонцето е исклучително силно бидејќи се работи за подрачје околу екваторот. Сезоната на дождови трае од март до април и од октомври до ноември, но дожд може да се појави во кое било време од годината. Периодот на суша е мај до септември.
  • Храна и пијалок: Традиционалната исхрана вклучува пилешко, говедско месо (во вид на скара или гулаш), ориз, зеленчук и овошје, морски плодови и риба, односно комбинација на азиска и арапска кујна. Храната може да биде навистина лута, затоа се препорачува да проверите пред да нарачате. Се препорачува улична храна (пред сè затоа што ова е област со традиција на улична храна, исто така можете да пробате и многу интернационални кујни, особено кинески), а тоа се пржени банани, насилемак, пивото Anchor. Алкохол не се наоѓа лесно и е прилично скап. Исто така, во повеќето ресторани каде што јаде муслиманското население, не се осудувајде дури ниту да прашате за алкохол. Измијте го овошјето со флаширана вода или излупете го.
  • Здравје: За влез на територијата на Малезија не е задолжителна вакцинација, но не заборавајте за тоа да се консултирате со вашиот лекар. Се препорачува флаширана вода. Со вас понесете лекови за редовна терапија доколку ја примате, пробиотик, лекови за снижување на телесна температура, за болка или лекови што обично ги носите со себе на патување. Исто така, понесете и крема за сончање и Аутан.
  • Осигурување: Препорака е да имате патничко здравствено осигурување.
  • Сигурност, безбедност и правила на однесување: Малезија е безбедна дестинација, но мора да бидете внимателни кога станува збор за вашите лични работи, особено на улиците, каде има поголем метеж или во метро. Избегнувајте какви било опојни средства, сите опијати се забранети и незаконски, а за поседување нелегални супстанци се одредува и смртна казна! Внимавајте кога фотографирате, затоа што ако сакате некого да фотографирате, мора прво да прашате. Бидејќи ова е земја во која мнозинството население е муслиманско, внимавајте и почитувајте ги правилата на однесување и облекување. Кога зборувате и посочувате, не покажувајте со вториот прст, користете го палецот. Со мажите можете да се ракувате со двете раце, но не и со жените, доколку таа прво не пружи рака. Прегрнување и бакнување во јавност не се препорачува. Пред храмовите и џамиите задолжително собујте ги обувките. Забрането е да се внесе овошјето Дуриан во превозните средства и хотелите и може да платите казна!
  • Облека: Од облека понесете летна, полесна гардероба, но не заборавајте со себе да понесете и нешто со долги ракави и долги панталони пред се поради авионите, како и за обиколките на градвите и влез во џамии или други светилишта. Понесете чадор или кабаница, но и шешир, марама или капа.
  • Комуникација: Нашите мрежи функционираат на територијата на Малезија. Речиси сите сместувања, ресторани или кафулиња имаат wi-fi.
  • Струја: Што се однесува до електричната енергија, напонот е ист како и нашиот и не ви се потребни адаптери. Доколку имате, можете да понесете адаптер како во Велика Британија за секој случај, со три рамни приклучоци.
  • Изнајмување на возила: Доколку сакате да изнајмите возило или мотор потребна Ви е меѓународна возачка дозвола. За тоа нема потреба бидејќи градскиот превоз одлично функционира а таксито е евтино. Доколку користите такси, секогаш побарајте да го вклучат таксиметарот.
  • Сувенири: Забрането е изнесување на школки, корали и минерали и други предмети од природата, особено мангото и дурианот. Од сувенири препорачуваме традиционална облека и материјали, батик, кафе и слатки со дуриан…