Куба

1. ОПШТИ ПОДАТОЦИ

Куба е островска држава во Централна Америка. Главен и најголем град е Хавана со околу 2 милиони жители додека целата држава има 11 милиони жители. На јужната страна излегува на Карипско море додека на север излегува на Мексички залив и Атлснтски океан. , По државно уредување Куба е република.

Површина на земјата: 109,884 km²

Број на жители: 11 милиони

Главен град: Хавана

Националност: Кубанци

Официјален јазик: шпански

Вероисповед: официјално атеистичка држава, но околу 60% се католици, а околу 20% се традиционална религија

Независност: 20.05.1902.

2. ВИЗА

За државјаните на Р. С. Македонија виза не е потребна.

3. ВРЕМЕНСКА ЗОНА

Временската зона е UTC -5.

4. КЛИМА

На куба владее тропска клима. Просечна годишна температура е 25°C, во Јануари просечна температура е 21°C  додека во Јули просечна температура е 27°C. Периодот од ноември до април е сушен годишен период, додека периодот од мај до октомври е период на дождови. Во септември и октомври повремено се појавуваат урагани. Исто така Куба одликува со висока влажност на воздухот.

5. ХРАНА

Кујната на Куба се базира пред сé на рибни специјалитети и морски плодови, но исто така се застапени и сите врсти на месо. Прилог кој оди со речиси секое јадење е ориз Moros y Cristianos то ест ориз и црн грав. Национално јадење е Ropa Vieja - говедско со зеленчук. На Куба постојат многу видови на овошје и зеленчук кои не растат во Европа (гвајаба, ананас, маланга, јука...). Се препорачува конзумирање на храна исклучиво од ресторани освен овошје и зеленчук кое го има на пазарите. Цените се како и во Европа (оквирно оброк чини околу 10-15 ЕУР). Важно е да се напомене дека мора да се конзумира исклучиво флаширана вода!

6. ВАКЦИНИ И ЗДРАВСТВЕНА СОСТОЈБА

Вакцинација не е неопходна за патниците кои патуваат во Куба, но се сеоветува патниците индивидуално да се информираат во Институтот за јавно здравје. Пожелно е да понесете лекови за стомачни болки (пробиотици), фервекс или некои лекови за болки и температура, за секој случај. Исто така, таму има комарци, па би било добро да понесете и Аутан како и крема за сончање. Сите овие препарати потребно е да ги понесета на Куба затоа што таму не постојат големи супермаркети и речиси е невозможно да најдете на самата дестинација.

7. ОСИГУРУВАЊЕ

За влез на Куба неопходно е да имате меѓународно здравствено осигурување. Можете да го подигнете во која била осигурителна компанија или можете да го уплатите во нашата агенција до 5 дена пред поаѓање.

8. БЕЗБЕДНОСТ

Состојбата на Куба е безбедна и стапката на криминал е многу ниска. За секој случај се советува внимателност од ситни кражби и џебароши во големите градови и туристички места. Шетањето по улица е слободно и без проблеми дури и во вечерните часови. Дрогата е нелегална појава и како таква е казнива со закон.

9. ОБЛЕКА

Со оглед на високите температури во текот на целата година на патувањето е потребно да понесете летна облека. Во зимиските месеци се препорачува носење и нешто со долги ракави и долги пантолани за навечер. Се препорачува да понесете и некоја стара облека која можете да ја подарите на вашите домаќини на крајот на патувањето. Доколку се одлучите и за излетот трекинг до водопадите неопходно е да понесете и удобни патики. Понесете шешири или качкети како заштита од сонце.

10. ПАРИЧНИ СРЕДСТВА

Куба е земја која има две валути - CUC то ест конвертибилен пезос или CUP - монета национал. Вам на патувањето ќе ви биде потребен само CUC и тоа е валута која ја добивате кога менувате пари во менувачница. Курсот изнесува 1eur = 1,1 CUC. Пари можете да менувате и во CUP но таа валута можете да ја користите само на пазарите и во некои помали продавници а односот е 1CUC = 23CUP. Парите се менуваат во менувачници кои се државни така што курсот е секаде идентичен. На патувањето понесете евра со оглед  дека доларите се на висока провизија. Се советува носење готовина затоа што плаќање со платежни картички не е застапено а банкоматите не се секогаш во функција и нема на многу места.

11. КОМУНИКАЦИЈА

Нашите мобилни мрежи функционираат на Куба. Што се однесува до интернетот, тој го има само на одредени места (wi-fi паркови, лоби на големите хотели) но може да се купат картички за интернет и оквирно чинат околу 1ч = 2 ЕУР. Поради таа причина не се препорачува носење на лап-топови со оглед на тоа дека конекциите нé се секогаш добри. Исто така не е возможно купување на кубанска сим картичка за мобилен телефон.

12. СТРУЈА

Потребно е да понесете адаптер со два тенки влезови (како во САД).

13. ТОПЛА ПРЕПОРАКА

Куба е една интересна и весела земја! Никаде нема да сретнете толку насмеани луѓе подготвени да танцуваат во секој момент. На Куба ќе уживате во музика, коктели и плажи со бел песок. Но покрај тоа ќе имате можност и да ги посетите руралните делови на Куба и да се запознаете со нашинот на изработка на прочуените кубански пури. За оние кои сакаат и малку активен одмор ќе имаат можност и да пешачат низ прашуми и да се капат под самиот водопад. Куба навистина има што да понуди така што ќе имате можност и да одморите и да истражувате!