Замислете, лето, утро со мирис на море, тиркизна вода, остров пред вас а вие сте на јахта...Рај, нели?

Епа, ова лето решивме да ве носиме на авантура на пловење со јахта низ Северните споради. Ќе истражите скриени заливи, диви плажи, автентични островски места кои се уште не се достапни за масивниот туризам. Северните Споради се вистински бисер на Егејското Море. Островите Скијатос, Скопелос и Алонисос се познати по кристално чистата вода, густите борови шуми што се спуштаат до морето и опуштената медитеранска атмосфера. Секој ден носи нова глетка – од шармантни рибарски села и живописни пристаништа, до тивки плажи каде природата е недопрена.

Авантура, слобода, лукзус кој не секој го доживува. Наместо да седите на едно место, секој ден откривате по еден нов остров, уживате во приватни заливи и доживувате моменти кои ќе ги паметите цел живот.

Испловете и истражете ја Грција на еден поинаков начин! Резервирајте ја вашата јахта и придружете ни се на вистинска медитеранска авантура.