Некогаш одамна, на тлото на Колумбија живеел кралот на племето Муиска кој се опсипувал себеси со златен прав и скокал во езерото близу Богота така што "Златниот град" се крие на дното на ова езеро. Митскиот Ел Дорадо, се наоѓа во Колумбија и е мотив на сите посетители со векови да го истражуваат. Богота е главниот и најголем град на Колумбија, а се нарекува и Атина на Латинска Америка. Овој град има 57 музеи, 35 библиотеки, 20 плоштади, 162 национални споменици, 45 театри и 20 културни центри. Од друга страна Меделин бил познат исклучиво по Пабло Ескобар "кралот на дрогата" кој живеел овде. Пабло Ескобар според преданијата заработувал околу 420 милиони долари неделно и во еден момент бил седми најбогат човек на светот! За тоа време Меделин бил место на вечната борба помеѓу картелите и носел репутација на "озлогласениот град", а сега овој град е вистинска урбана престолнина која промовира култура и модерна уметност! Имено, во овој град ќе најдете изложба на скулптури на отворено од прочуениот уметник Ботеро но и цели квартови со преубави графити создадени од автори кои инспирација црпат од градските власти. Една од уникатните атракции на Колумбија е карпата El Penjon de Guatape. Оваа џиновска монолитска карпа во сред равница изгледа како "зашиена" заради цик-цак скалите кои водат до самиот врв. Доколку ги совладате ви пружа неверојатен поглед на езерата и островцата Guatape. Картагена е еден од најубавите колонијални градови кои може да ги посетите во Латинска Америка. Денес овој град заради своите преубави згради во шарени бои, калдрмести улици и салса ритамот привлекува најмногу туристи во Колумбија. Градот е познат како место во кое прочуениот Габриел Гарсија Маркез ја започнал својата кариера и чие дело "Сто години самотија" е едно од најпродаваните дела на шпански јазик. Во кристално синото море ќе уживаме во малото рибарско село по име Таганга. Во близина се наоѓа и најубавиот национален парк во Колумбија-Тајрона. Преубави плажи со бел песок, кристално чиста морска вода, палми и кокоси се сѐ што е потребно за прав одмор. Упатете се со нас на ова неверојатно и единствено патување во земјата на смарагдот, кафето, Ескобар, Маркез, недопрени плажи и величенствени колонијални градови!
Поаѓања
Патувања
Видео
Прашања, одговори и искуства
Колумбија (Columbia) се смета за безбедна држава во Јужна Америка, без оглед на нејзината бурна историја, многу политички прашања се решени и владата настојува да го подигне туризмот на некое високо ниво. Треба да водите сметка за ситни кражби и џепароши, но на улиците има голем број на полицајци и секогаш можете да им се обратите за помош.
Трудете се да не носите скап накит, скапи камери и телефони на улица, затоа што на тој начин можете да се изложите на опасност.
Се препорачува вакцинација против жолта грозница за просторот на Колумбија (Columbia).
За државјаните на Р. С. Македонија е потребна виза за влез на територија на Колумбија (Columbia).
1. На прво место дефинитивно е Theatron- клуб кој собира 4000 луѓе, има 14 соби со различна музичка содржина. Влезницата чини околу 15 евра со вклучен национален пијалак во цената до 2:00h. Отворено е во петок и сабота.
2. Andres Carne de Res - е ресторан но воедно и клуб. Оддалечен е од Богота (Bogota) 45 минути, но вреди да се посети. Прекрасен амбиент кој го оплеменува позната колумбиска музика.
3. Colombian Pub е одлично место доколку сакате да видите како изгледа вистинско колумбиско излегување со звуците на регетон. Отворено е во текот на целата недела, се наоѓа во Т зоната која е богата со разни барови и клубови.
4. El Tibiri bar - најпознатотот место во Медељин (Medellin). Погодно е за љубителите на латино ритамот од салса до афрорумба. Отворен е од среда до недела.
5. Alquimico типично карипско место каде може да уживате во разновидните овошни коктели. Се наоѓа во Картахена (Cartagena) и е едно од најдобрите chill места.
Во историскиот центар на секој колумбијски град се наоѓаат шарени продавници за сувенири. Од сувенири најдобро е да се купи накит од емералд, чај од кока и ланчиња од Муиска народот.
Најдобро време за патување во Колумбија е од Ноември до Март.
Колумбијска храна:
- На прво место дефинитивно е ајиако (ahiako) супа- традиционално јадење со пилешко и пченка кое се служи со ориз и авокадо. - цена 6$
- Arroz atollado ова јадење е комбинација на ориз и пилешко, свинско, говедско со додаток компир, кромид и пиперка. - цена 8$
- Pargo риба- типична за северна Колумбија (Colombia), се служи со пржена банана, ориз и кокос. - цена 10$
- Bandeja Paisa е микс на се што Колумбијците сакаат да јадат, мелено месо, јајце, црн грав и ориз. - цена 7$
- Вашето утро не би смеело да започне без arepa (палачинки) и empanada (полнети пецива). - цена 2$
Корисни информации
Овде ќе најдете корисни информации за самата дестинација, како и некои совети за ова патување.