Ерменија патувања

Во сенка на светата планина Арарат, каде според легендата застанал Ноевиот брод и почнал новиот живот после потопот, се наоѓа Ерменија, колевка на древните цивилизации и првата држава во историјата која христијанството го прогласила за своја државна религија. Со најголем дел од својата територија ни на небо ни на земја, туку во планините, гордите и чесни Ерменци веќе три милениуми ја градат својата цивилизација. Ќе ги следиме трагите од светите апостоли Тадеј и Венјамин, и на Св. Григориј Просветителот и ќе ги посетиме бројните средновековни манастири кои се застаени и на листата на УНЕСКО на светско културно наследство. Во Хор Вирап ќе се спуштиме до ќелијата во која бил заробен Св Грегориј, а на гробиштата Норатус ќе се запознаеме со хачкарите - единствени споменици на ерменската култура стари и до 1500 години. До манастирот Татев, средиште на средновековната писменост и духовност, но и колевка на националната борба во 19. век, ќе стигнеме со жичарница која е дел од Гинисовата книга на рекорди. Ќе се восхитуваме на големината и импозантниот впечаток кој го остава Севанското езеро, на чиј брег ќе јадеме езерска риба сиг и по некој лаваш. Ќе го запознаеме Јереван, преубавиот имагинариум на Александар Туманијан, град со пространи булевари, живописни паркови, култура, уметност и уживање. Ќе го посетиме паркот пред Операта, Матенадран - музеј на стари на ракописи, познатите фабрики за коњак Арарат или Ној, и од врвовите на Каскадите ќе го видиме ерменскиот главен град како на дланка. Ќе се релаксираме со звуците на дудукот и традиционалните танци, кои заедно до виното од калинка одлежано во глинени амфори и светски познатиот ерменски коњак, ќе направат да се почувствуваме како да сме во некоја друга епоха и на некој друг свет, а сепак толку блиски на нашите домаќини, како дома. Викендот е резервиран за Вернисаж, место каде луѓе од целиот свет доаѓаат да продаваат и да купуваат сувенири и антиквитети. Ерменското гостоприство и култура пленат на секој чекот, правејќи го нашиот престој извонредно пријатен, а сеќавањето на нашата посета на долината Арарат незаборавно и уникатно сетилно и духовно искуство.

Поаѓања

Патувања

Грузија и Ерменија

цена од

990

^EUR _,00

траење

13 ^дена

Погледни

Барање

Корисни информации

Овде ќе најдете корисни информации за самата дестинација, како и некои совети за ова патување.

Ерменија

1. ОПШТИ ПОДАТОЦИ ЗА ЗЕМЈАТА

Ерменија, или официјално Република Ерменија, е континентална планинска држава во регионот Закавказија, Се граничи со Турција на запад, Грузија на север, Иран и азербенџанската енклава Нахчиван на југ и Азербеџан и независната Нагорнокарабашка Република на исток.

Од 1991. година оваа земја е независна од Советскиот Сојуз. Ерменија е држава со богато и древно културно-историско наследство. Старата ерменска држава уште во 301. година го прифатила христијанството, па затоа многу ја сметаат за првата христијанска држава на светот. Религијата во Ерменија е специфичен вид на христијанство која носи назив Ерменска апостолска црква. Ерменија е позната по своите планински венци и висорамнини. Како резултат на тектонска активност формирани се бројни тектонски езера, од кои најголемо е езерото Севан. На речиси 1000m надморска височина се наоѓа главниот град Јереван. Овој град е убедливо најголем во целата земја и има завидна мрежа на патишта како и советска архитектура, па се разликува од останатите градови во државата.

Површина: 29.743km2

Број на жители: 3 милиони жители

Главен град: Јереван (1.5 милиони жители)

Националност: Ерменци (98%, како и мала етничка заедница Јазиди)

Официјален јазик: ерменски

Вероисповед: ерменска апостолска црква

Независност: 1991. година (од СССР)

2. ВИЗА

За влез во Ерменија неопходна е виза. Износот на таксата за виза за еден влез и престој до 21 ден е 6 евра и може да се плати на границата помеѓу Грузија и Ерменија. Виза за деца до 18 години не се наплаќа.

3. ВРЕМЕНСКА ЗОНА

Временската зона е UTC+4, што значи 2 часа понапред во однос на Македонија.

4. КЛИМА

Климата во Ерменија е континентална. Треба да се спомене дека сончевото и суво време трае од почеток на јули до крај на септември. Навечер температурите знаат да бидат значително пониски и посвежи.

5. ХРАНА И ПИЕЊЕ

Кујната на Ерменија е истовремено блиска, како на еврпската така и на левантската кујна. Од месо на мени, исклучително ценето е јагнешкото. Во храната неретко ќе сретнете јак вкус на коријандер. Ерменците се познати и по млечните производи, а еден од најпознатите е солениот јогурт, кој луѓето по улица го пијат како освежителен пијалок. Во сите ресторани можете да уживате во нивните сарми, кои ги нарекуваат долми. Секако неизбежна е и ерменската супа каш, најчесто говедска или јагнешка. Посебно го препорачуваме ерменскиот коњак.

6.ЗДРАВЈЕ

Што се однесува до вакцинација, најдобро е самите да се јавите во Институт за јавно здравје, но од нашето искуство нема потреба од вакцини. Во секој случај, одлуката е ваша. Секогаш препорачуваме патниците на далечни патувања да понесат пробиотици, како и лекови за настинка, болки и температура за секој случај.

Нема многу квалитетно опремени болници, особено не надвор од Јереван, Аптеките се достапни низ целата земја и генерално се снабдени со лекови.

Се препорачува конзумирање на флаширана вода за пиење, а што се однесува до храната нема посебни ограничувања. Овошје и зеленчук има во изобилство, но е неопходно да бидат добро измиени.

7. ОСИГУРУВАЊЕ
Осигурување не е задолжително, но е препорачливо. Можете да го купите од било која осигурителна куќа или кај нас во агенција до 5 дена пред патувањето. За информација за цена/осигурана сума/број на денови јавете се во нашата агенција.

8.СИГУРНОСТ И БЕЗБЕДНОСТ

Општата состојба во однос на безбедност е на задоволитетлно ниво. И покрај тоа што Ерменија има многу препиркиво политичките односи со Азербеџан и Турција, ситуацијата во самата земја е стабилна.

Со оглед на тоа што патните и железничките мрежи се слабо развиени, не се препорачува да се патува навечер или во текот на зимските месеци.

9. ОБЛЕКА

Се препорачува слоевито облекување. Периодот кој е резервиран за нашата посета е период со долги сончеви интервали, но не треба да се заборава дека навечер температурата знае значајно да падне. Потребни се и удобни патики за шетање. Исто така, при посета на езерото Севан треба да се запомни дека сезона за капење во езерото е јули и август.

10. ЛОКАЛНА ВАЛУТА

Ерменската валута се нарекува ерменски драм (AMD). 1EUR = 580AMD.

11. КРЕДИТНИ КАРТИЧКИ И БАНКОМАТИ

Системот на банкомати и платежни картички постои во Ерменија, но не препорачуваме да се потпирате на плаќање со картички, подобро е да понесете готовина.
12. КОМУНИКАЦИЈА

Нашите мрежи функционираат нормално во Ерменија. Постои и можноста за купување на локална SIM картичка,

13. СТРУЈА

Што се однесува до електричната енергија, напонот е ист како кај нас и нема да Ви бидат потребни адаптери за приклучоците за струја.