Грузија и Ерменија

цена од
990
EUR ,00
траење
13 дена
Пријави се Барање
Барање

Ве водиме на дружење со љубезно и срдечно локално население во земјите кои први во светот го прифатиле христијанството како официјална религија. Посетуваме нерелеани манастирски и црковни комплекси, најстари на светот, исклесани во карпи, изградени на самиот брег на езера, вкопани во длабоки кањони и пустински висорамнини или подигнати на највисоките планински врвови.

Земји со една од најстарите култури на светот. Историја и традиција стари повеќе од 6.000 години. Обиколка на зелени планински венци чии врвови се покриени со вечен снег, црвени и златни камени и песочни пустини, непрегледни лозја и преубави градови со измешани традиционални и модерни влијанија.

Неодолив спој на традицијата и модерното, величествениот масив на Кавказ, вера, вкусови, обичаи, сфаќања... 


Рута
Белград
Атина
Тбилиси
Ереван
Атина
Белград

Превоз
Авион, Локален трансфер
Сместување
Хотел
Организатор
Jungle Travel d.o.o. Beograd, Србија
Видови патувања
Акции - последни места
Дестинации
Грузија, Ерменија
Код на патување
GEAM1
Тежина
Погодно за деца
Не
Големина на групата
Мин 10

План и програма

Планот и програмата важи за следните поаѓања 11. 9. 2020

Состанок на групата на аеродромот „Никола Тесла“ во Белград два часа пред летот. Лет до Тбилси со преседнување.

Превоз

  • Авиобилет со сите такси на релација Белград – Атина, во економска класа, со 23кг. чекиран и 8кг. рачен багаж

Место

  • Белград
  • Атина

Пристигнување во Тбилиси во раните утрински часови. Трансфер до сместувањето. Главниот град на Грузија, опкружен со високи планини, како да не е ни Европа ни Азија, туку мешавина на двата континенти. Факултативен излет - обиколка на градот на која ќе се запознаеме со христијанскиот Тбилиси: Стариот град со шарени куќички, истурени тераси и тесни улички, црквата Метекхи на карпа над реката, црквата Самеба, Плоштадот на Слободата, поранешниот Грузиски парламент, паркот Рајк, Мостот на мирот од железо и стакло, луксузната Претседателска палата... 

 

Превоз

  • Авиобилет со сите такси на релација Атина – Тбилиси, во економска класа, со 23кг. чекиран и 8кг. рачен багаж
  • Трансфер од аеродром до сместување

Сместување

Хотел 3* 1 ноќ

Место

  • Тбилиси

Целодневен факултативен излет кој го започнуваме во местото на раѓање на Сталин - Гори. Посета на неговата родна куќа, локомотивата во која патувал и музејот. После тоа го истражуваме некогашниот град од хеленистичкиот период Уплисцихе (Божја тврдина). Влегуваме во бројните пештери и храмови посветени на богот на Сонцето. Следи посета на Мцхета, поранешна грузиска престолнина. Ја посетуваме црквата во која се наоѓа упте една помала црквата, облеката на Исус, гробницата на династијата Багратион итн. На крајот се искачуваме до црквата Јварис и уживаме во погледот на устието на реката на која се наоѓа гратчето. Враќање во Тбилиси.

Сместување

Хотел 3* 1 ноќ

Место

  • Тбилиси

Факултативни излети

Факултативен излет во регионот Кахети во источна Грузија, познат по светски прочуените грузиски лозја и вина. Пред винсиот регион, одиме на самата граница на Грузија со Азербејџан и го посетуваме манастирскиот комплекс Давид Гареџа, кој е познат и под името „Ангели во пустината“. Комплексот е направен во VI век и е исклесан во карпи. На врвот на висорамнината уживаме во погледот на пустинската рамнина во Азербејџан. Се освежуваме во хипи комуната покрај уметничката галерија во Удабно и продолжуваме понатаму кон манастирот Бодбе каде е гробот на св. Нина. Продолжуваме понатаму до гратчето Сигнаги, место со италијански стил. Враќање во Тбилиси.

Сместување

Хотел 3* 1 ноќ

Место

  • Тбилиси

Факултативни излети

Факултативен излет, одиме на северот од земјата во подножјето на Кавказ, митско место на страдањата на Прометеј. На самиот север од Грузија близу границата со Руската Федерација, одиме до гратчети Степантсаминда и селото Гергети. На патот до таму поминуваме покрај нереално зелени предели со високи висорамнини и планини покриени со вечен снег. Застануваме на кратко на паркинг високо над патот за да уживаме во погледот на преубавите предели. По пат го посетуваме и Ананури, утврдување на блескавата река Арагви. Пристигнуваме во Гергети и се искачуваме до црквата Свето Тројство во подножјето на врвот Казбеги. Цеквата се наоѓа на врвот над селото и е опкружена со масивните планински венци на Кавказ, секогаш покриени со снег. Планинариме, одмараме на падините на планината и уживаме во заносниот поглед. Враќање во Тбилиси.

Сместување

Хотел 3* 1 ноќ

Место

  • Тбилиси

Факултативни излети

Го напуштаме сместувањето и одиме понатаму на југ кон границата со Ерменија. После обавување на царинските формалности и добиваер на виза за Ерменија го продолжуваме патувањето кон советскиот бисер - Ереван. Сместување во хотел.

Превоз

  • Трансфер од Тбилиси до Ереван

Сместување

Хотел 3* 1 ноќ

Место

  • Ереван

Факултативен излет - обиколка на внимателно планираниот град кој лежи на реката Храздан и чува мешавина на култури, историја и архитектура. Пространиот Плоштад на Републиката, Северната авенија, Операта, Сината џамија, магичниот Азнавуров плоштад, романтичната англиски градина каде за прв пат на Кавказ се затркалала фудбалска топка...

Сместување

Хотел 3* 1 ноќ

Место

  • Ереван

Одиме на факултативен излет недалеку од Ереван, до езерото Севан на надморска височина од 2.000m. Посета на гробиштата Норатус каде ќе дознаеме што се тоа хачкари. Од другата страна на езерото е манастирот Севенаванк, најпознатиот и најпосетуваниот манастир во регионот, се наоѓа на врвот на ридче на езерскиот полуостров. Слободно време за капење, сурфање, пешачење и уживање во традиционалните локални рибни специјалитети. Враќање во Ереван. Слободната вечер можете да ја искористите за излегување во некој од баровите или клубовите.

Сместување

Хотел 3* 1 ноќ

Место

  • Ереван

Факултативни излети

Факултативен излет - посета на храмот Гарни, единствениот зачуван грчко-римски објект по доаѓањето на христијанството. После Гарни го посетуваме манастирот Гегхард. Се миеме со света вода која директно доаѓа од околните ридови до пред самиот олтар. Мистичен мирис на прашина и камења ја надополнува атмосферата. Одиме до водопадите во близина и уживаме во благите работи ки мештаните ги изложуваат пред манастирот. Враќање во Ереван.

Сместување

Хотел 3* 1 ноќ

Место

  • Ереван

Факултативни излети

Факултативен излет до подножјето на моќната планина Арарат каде се насукала Ноевата арка и го посетуваме манастирот Хор Вирап кој е тесно поврзан со прифаќањето на христијанството. Во него според преданието, бил заробен Св. Григорие Просветител. Од извишувањето ѕиркаме преку турската границата. Ја посетуваме Ечмиаџин, мајката црква на Ерменската Православна Апостолска Црква, изградена во IV век, најстарата катедрала на светот. Во ризницата на оваа катедрала се наоѓа нешто за што се верува дека е Светото копје со кое Исус бил прободен на крстот. Враќање во Ереван.

Сместување

Хотел 3* 1 ноќ

Место

  • Ереван

Факултативни излети

Одиме на факултативен излет на кој прво го посетуваме манастирот Нораванк од XIII век каде се гробниците на фамилијата Орбелиан. Манастирот се наоѓа во нереално опкружување, во длабок кањон од црвени карпи. Го напуштаме кањонот и се упатуваме кон малото село Арени каде се произведува вино веќе 6.000 години. Во селот се запознаваме со традиционалниот живот на Ерменците, уживаме во ерменски специјалитети и дегустираме разни вина, од калинка до јагода. продолжуваме кон југоистокот на земјата каде нѐ чека возење од речиси 6km со жичарница до манастирскиот комплекс Татев кој од IX век бил галвен образовен центар на земјата. Посета на црквата Св. Петар и Павле. Уживање во ридовите, шумите и зеленилото како оние од книгите на Толкин. При враќањето во Ереван превозот нѐ остава под бајковито осветлените Каскади каде се качуваме и го набљудуваме Ереван.

Сместување

Хотел 3* 1 ноќ

Место

  • Ереван

Факултативни излети

Слободен ден за самостојно истражување и прошетка низ Ереван и купување сувенири. Пакување и слободно време до поаѓањето на аеродром.

Превоз

  • Трансфер од сместување до аеродром

Место

  • Ереван

Раноутрински лет од Ереван кон Белград со конекција преку Атина. Пристигнување во Белград. Ги сумираме впечатоците и планираме некоја нова авантура.

Превоз

  • Авиобилет со сите такси на релација Ереван – Атина, во економска класа,со 23кг. чекиран и 8кг. рачен багаж
  • Авиобилет со сите такси на релација Атина – Белград, во економска класа,со 23кг. чекиран и 8кг. рачен багаж

Место

  • Атина
  • Белград
За повеќе информации за поаѓањето како цени, попусти, услови за плаќање, Ве молиме кликнете на полето со поаѓањето подолу
Вчитувам...

Сите уплати се вршат исклучиво во денарска противредност по курс од 62 денари за 1 евро и тоа: при пријавување се плаќаат 200€. Преостанатиот дел се плаќа најдоцна 6 недели пред поаѓање. Можност за плаќање преку трансакциска сметка (на фактура) и со платежни картички Visa, Master, Maestro.

Што е вклучено

Сместување

Хотел 3 Пример 4 ноќи
Хотел 3 Пример 6 ноќи

Превоз

  • Авиобилет со сите такси на релација Белград – Атина, во економска класа, со 23кг. чекиран и 8кг. рачен багаж
  • Авиобилет со сите такси на релација Атина – Тбилиси, во економска класа, со 23кг. чекиран и 8кг. рачен багаж
  • Трансфер од аеродром до сместување
  • Трансфер од Тбилиси до Ереван
  • Трансфер од сместување до аеродром
  • Авиобилет со сите такси на релација Ереван – Атина, во економска класа,со 23кг. чекиран и 8кг. рачен багаж
  • Авиобилет со сите такси на релација Атина – Белград, во економска класа,со 23кг. чекиран и 8кг. рачен багаж

Не е вклучено

  • Меѓународно здравствено осигурување (може да се уплати во агенцијата)
  • Индивидуални трошоци за времетраење на аранжманот
  • Факултативни излети и влезници за културно-историски споменици
  • Виза за Ерменија (се подигнува на граница)

Факултативни излети

Напомена! Термините и цените на факултативните излети се од информативен карактер и истите се променливи, а зависат од слободните термини по локалитетите, бројот на пријавени патници и други објективни околности.

Мцхета, Уплисцихе, Гори, Ори

Кликнете на сликата за да ја отворите галеријата
Цена: 35,00 EUR

Тргнуваме во раните утрински часови, а излетот започнува со посета на најзначајниот град во Грузија - Мцхета. Грузијците често го нарекуваат „Вториот Ерусалим“ или „Светиот град“ заради големиот број на сакрални објескти. Заради тоа Мцхета со своите верски објекти се наоѓа на листата на УНЕСКО како светско културно наследство. Градот Мцхета е воедно и еден од најстарите градови во Грузија и низ вековите бил престолнина на древното кралство Картли и успешно ги одбивал нападите на странските освојувачи кои се осудиле да пробаат да ги покорат овие нескротливи планински краеви. Од овој град познатиот крал на Грузија, Вактанг Горгосали, тргнал на судбоносниот лов кој го одвел до местото на кое денес се наоѓа главниот град на Грузија, Тбилиси. Мцхета се наоѓа на 20 километри западно од Тбилиси. Од ова место Света Нина Кападокијска, сестра на Свети Ѓорѓија, тргнала во покрстување на Грузија. Во самиот град ја посетуваме монументалната катедрала Светичовели. Според легендата, катедралата љубоморно ја чува една од најсветите реликвии на христијанството, облеката на Исус Христос. Потоа одиме кон манастирот Џавари. Се наоѓа недалеку од Мцхета, на извишување од кое се пружа фантастичен поглед на градот и на устието на реките Арагви и Кура, односно Мтквари. На ова место Света Нина поставила крст со што го најавила почетокот на нова етапа во историјата на оваа кавкаска земја. Посета на градот Гори - посетуваме еден мал град на истокот од Грузија кој би останал потполно непознат доколку во него не се родел вистински човек од челик и една од најпознатите личности на XX век. Одиме во посета на родното место на Сталин. Градот Гори денес сеуште се опоравува од немилиот конфликт кој се одигра на овие простори во 2008 година, кога се најде на удар на трупите на Јужна Осетија и Русија. На прв поглед делува како карикатура на типичен советски индустриски град, но во самиот центар се наоѓа комплекс посветен на Јосиф Висарионович Џугашвилиј. Ја посетуваме неговата родна куќа, музеј и омилениот вагон со кој патувал затоа што се плашел од летање. Недалеку од комплексот има сувенирници, ресторани и локални места во кои сеуште може да се налета на љубители на ликот и делото на Сталин, а ќе ги препознаеме по Сталиновите мустаќи. Уплисцихе - на 10 километри од Гори на брегот на реката Кура се наоѓа еден од најпознатите споменици во Грузија. Во прашање е древниот утврден град Уплисцихе, кој е вклесан во карпи. Прв пат се споменува во I век пред Христос. Стотици различни структури се исклесани во карпи, соби за спиење, храмови, капели и складишта за храна и вино кое во овие краеви се пиело во громни количини. Имал четири влезни капии кои ги претставуваат четирите страни на светот. Во градот исто така се наоѓаат и два столбови на влезот во салата на кралицата Тамара. Во цената на излетот е вклучено: трансфер според предвидениот план и програма и водич на англиски јазик.

Давид Гареџа, Бодбе, Сиганги

Кликнете на сликата за да ја отворите галеријата
Цена: 30,00 EUR

Поаѓање на излетот во раните утрински часови. Со изгрејсонцето се упатуваме кон едно навистина важно место за аџилакот во Грузија. Манастирскиот комплекс Давид Гареџа се наоѓа во Грузиската област Кахети која е надалеку прочуена по своето вино. Се наоѓа најисточно во земјата, недалеку од границата со Азербејџан. Овој комплекс го добил името по монахот Давид, еден од најзначајните личности во Грузија. Манастирите во оваа пуста област се наѕираат како фатаморгана, а поради својата необична убавина како и поради пределот во кој се наоѓаат, манастирскиот комплекс го добил името “Ангели во пустина”. Корените на овој комплекс датираат од VI век, кога монахот Давид населил една од пештерите и ја претворил во своја келија. На тоа место брзо потоа е изграден манастир кој го носи неговото име. Неговите ученици Додо и Лукијан го сториле истото по неговиот пример по што и самите добиле посебни манастири. Во пештерите и манастирите се наоѓаат фрески на кои се претставени клучните личности на грузијската историја како Давид Градителот и кралицата Тамара. Во XII век станува културен и образовен центар на источна Грузија. Како и многуте историски градби во овој дел на Грузија, ни Давид Гареџа не бил поштеден од разорување на освојувачите. Најголема штета на комплексот му нанеле Монголите, кои заедно со грмотевичните копита на своите коњи на повеќе наврати ограбувале верски објекти со цел да дојдат до богатството што го крие овој пустински бисер. Денес границата на Грузија и Азербејџан се наоѓа недалеку од самиот комплекс. 

Манастирот Бодбе се наоѓа на 2 километри од градот Сингаги. Изграден е во IX век, но има претрпено многу разорувања низ вековите по што е реконструиран, особено во XVII век. Претставува едно од местата за аџилак во Грузија, бидејки во овој манастир е телото на Света Нина Кападокијска. Овој манастир во еден период служел и како место за крунисување на Кахети кралевите. Со доаѓањето на комунистите на власт, службата на манастирот е забранета. Во тоа време бил претворен во болница но и со оглед на тоа монасите и монахињите во тајност го чувале и гаеле христијанството со што денес овој манастир претставува еден од најзначаните верски објекти во Грузија. 

Сингаги - по посетата на манастирот Бодбе, се упатуваме кон околниот град кој е голема атракција за туристите поради својот необичен изглед. Ќе се чувствуваме како да сме во некој италијански ренесансен град. Изграден во XVII век по наредба на кралот Хераклија Ерекла II кој сакал да ја приближи Грузија на Европа, а очигледно сакал да го постигне тоа така што на самата граница со мистичниот исток ќе подигне прав европски град. Овој град е еден од ретките градови во Закавказју што има зачувани ѕидини кои нудат магичен поглед, а нашата авантура на далечниот исток на Грузија можеме да ја завршиме со адреналинско возење со квадрицикл по градот. Во цената на излетот е вклучено: трансфер по предвидениот план и програма и водич на англиски јазик.

Ананури и Казбеги

Кликнете на сликата за да ја отворите галеријата
Цена: 45,00 EUR

Ананури - На излетот се тргнува во раните утрински часови. Нашата прва станица е тврдината Ананури. Љубителите на “Игра на престолот” ќе бидат изненадени колку средовековната историја на овие краеви потсетува на политичката игра од овој славен бестселер. Ананури е средовековно утврдување кое се наоѓа на некои 70км од Тбилиси. Оваа тврдина била престолнина на војводите од Арагви, средовековна грузијска династија. Династијата Арагви играла важна улога во периодот измеѓу XVI и XVIII век, но биле поразени во политичките превривања во XVIII век по нападите од соседните војводства. Позади себе го оставиле ова фантастично утврдување кое ни е сведок на бурните времиња на грузијската историја. Оваа тврдина ја сочинуваат два споени замоци. Во рамките на комплексот се наоѓаат и две цркви. Девствената црква во која се погребани некои од војводите Арагви потекнува од XVII век и е изградена од цигли. Поголемата црква е црквата Богородица која е подигната кон крајот на XVII век. Во нејзе можат да се видат некои од фреските кои го преживеале катастрофалниот пожар во XVIII век. Од 2007 година се наоѓа на листата на УНЕСКО како светско наследство. 

Посета на градот Сепантсминда и селото Гергети. Во подножјето на планината Казбек, се наоѓа градчето Сепантсминда. Нашата следна дестинација е вистински предизвик за секој алпинист. Во нашата досегашна авантура ги посетивме сите краеви на Грузија и ни остана само закованиот во мраз север! На нашиот пат кон најсеверната точка, ќе го посетиме и споменикот на руско-грузијското пријателство кој ги отсликува турбулентните многувековни односи помеѓу овие два народи. По посетата на споменикот, го продолжуваме патот кон нашата крајна цел. Градот е познат и под името Казбеги. Се наоѓа 165 километри северно од Тбилиси и на 11 километри од руската граница. Реката Терги тече во подножјето на градот додека над него гордо се издигаат вровите на Кавказ. Во овој град живеат близу 2000 жители и тука се наоѓа руската црква посветена на Св. Никола и Етнографскиот музеј, но вистинската причина за нашето доаѓање во овие далечни краеви е црквата Гергети. Црквата се наоѓа на врвот над градот опркружена со масивните планински венци на Кавказ. Секогаш присутните облаци создаваат чувство дека црквата лебди во воздух. Изградена е во XVI век но се знае малку за нејзината историја. Според еден патопис, црквата е подигната на местото на некогашно паганско светилиште. Тука се носеле и криеле реликвии од други свети места во Грузија заради наездата на Турците, Персијанците и Монголите. На прв поглед качувањето до црквата изгледа невозможно, но без грижи ќе стигнеме до врвот со џипови. При качувањето ќе имаме фантастичен поглед на градот кој го заплискуваат снежно бели облаци. Враќање во вечерните часови.

Севан - Севанаванк - Норатус (авио тура)

Кликнете на сликата за да ја отворите галеријата
Цена: 25,00 EUR

Езеро Севан - Нашата прва авантура во Ерменија почнува со посета на езерото Севан, кое се наоѓа во северниот дел на земјата. Поаѓање од сместувањето во утринските часови. Езерото Севан е од непроценливо значење за Ерменија, затоа што е единственото езеро од три ерменски езера, кое останало во матичната држава. Тоа воедно го прави и склучителна туристичка атракција. Останатите две езера, Ван и Урмија, се наоѓаат во соседните држави. Севан е најголемото слатководно езеро на Кавказ и се наоѓа на 1.900 m надморска височина што го прави едно од највисоките езера на светот. Сезоната на езерото започнува во јули и трае сѐ на сѐ месец дена, но вистинските аватуристи ќе знаат што треба да прават кога ќе ја здогледаат нежната тиркизна боја која се претопува со небото.

Манастир Севенаванк - Северзападно од езерото се наоѓа карпест полуостров каде се наоѓа еден од најзначајните споменици на ерменската култура и историја. Во почетокот тоа бил пуст остров, сѐ до доаѓањето на монасите во VIII век. Тогаш е подигната мала капела. Изграден е од црн камен поради што се вика Црн манастир. Во IX век островот бил место на голема битка помеѓу ерменскиот крал Ашот и командандот Башир. Откако ја поразил персиската војска на островот, борбата ја пренел на брегот каде до крај ја победил непријателската војска. Во текот на вековите следеле бројни напади и од други освојувачи, но манастирот ги одбивал нападите. Манастирот престанал да работи во 30-тите години на ХХ век кога и последниот монах го напуштил островот. Денес два црни храмови како неми чувари ги чуваат заборавените приказни за овие краеви.

Гробишта Норатус - Ја продолжуваме нашата авантура на брегот на најголемото езеро во Ерменија. Тргнуваме кон гробиштата Норатус каде ќе се запознаеме со хачкарите. За ова место се врзуваат низа легенди кои тесно го поврзуваат мрачното и неразјаснето минато со сегашноста, а главните проповедници се баш хачкарите, масивни споменици и вистински чувари на ерменското минато. Постојат прeку 900 хачкари на гробиштата со различни големини и од различни епохи. Секој од овие огромни споменици носи посебна приказна. Ова место е една од најпосетуваните туристички атракции на Ерменија затоа што хачкари не можат да се видат ни во една од соседните земји.

Храмот Гарни и манастирот Гегхард

Цена: 35,00 EUR

Факултативна посета на храмот Гарни, единствениот зачуван грчко-римски објект во целиот поранешен Советски сојуз. По посетата на Гарни го посетуваме манастирот Гегхард, уште познат и под името Гегхардаванк, што во буквален превод би значело Манастир на Копјето. Овој единствен манастирски комплекс делумно  е исклесан во самата карпа која го опкружува. Манастирот е направен во IV век, а според преданието во него се наоѓало Светото копје со кое е прободен Исус. Копјето денес се наоѓа во ризницата на катедралата Ечмиаџин.

Хор Вирап и Ечмиаџин

Цена: 35,00 EUR

Излетот го започнуваме во раните утрински часови. Наше прво одредиште е Хор Вирап. Според легендата која секој Ерменец ја знае, во овој манастир бил заробен првиот католикос (врховен поглаван на црквата) Григорие Просветител. Овој манастир воедно претставува и едно од најважните места за поклоништво во Ерменија. Називот го добил по ерменскиот назив за длабока дупка, јама, каде Свети Григорие бил мачен и оставен во темнина цели 13 години. Се наоѓа во близина на турско - ерменската граница. Во далечното минато на ова место се наоѓала Арташат, древната престолнина на Ерменија. Сеуште е тука јамата во која бил заробен Григорие. Длабока е 6 метри и во неа се наоѓа мал храм посветен на Свети Григорие. Можеме да се спуштиме по тесна и стрмна скала во јамата која е претворена во едно од најсветите места на ерменската апостолска црква. Во далечината исто така може да се види планината Арарат. 

Ечмиаџин е едно од најзначајните места во Ерменија и најстарите локалитети во оваа област. Се наоѓа во долината Арарат. Градот настанал на темелите на древната населба Вардкесеван која е основана во II век пред новата ера. Во почетокот на II век од нашата ера, кралот на Ерменија Вагаршак II изградил престолнина која го носела неговото име, Вагаршапат. Ерменија е првата земја на светот која го прифатила христијанството во далечната 301 година, дури 12 години пред Миланскиот едикт кој го донел царот Константин. Од тој момент, Ечмиаџин станал културен и духовен центар на Ерменија. Манастирот се наоѓа на листата на УНЕСКО како светско културно наследство. Ечмиаџин чува интересни и исклучително важни христијански реликвии како делови од крстот на кој бил распнат Исус и делови од Ноевата арка, како и Светото копје, односно, Лонгиновото копје кое претходно се чувало во Гегхарт. Во цената на излетот е вклучено: трансфер според предвидениот план и програма и водич на англиски јазик.

Нораванк, Арени и Крилата на Татев

Цена: 55,00 EUR

Излетот започнува во раните утрински часови. Се упатуваме кон манастирот Нораванк или „Нов манастир“ на ерменски, стар преку 7 векови. Изграден е во XIII век и се наоѓа во близина на градот Егегнадѕор. Самиот манастир е изграден од црвен камен од околните планини, така што совршено се вклопува во опкружувањето. Токму заради својата положба како и фактот дека е добро камуфлиран, бил во минатото поштеден од многу разорувања на кои биле изложени овие краеви. Едно време служел и како седиште на ерменската династија Орбелиан, која е најзаслужна за равојот на областа Сјуник, во која се наоѓа манастирот.

Арени - После Нораванк одиме кон селото Арени, каде се прави најдоброто вино во Ерменија и каде ќе имаме прилика да ја пробаме богатата понуда на домашно вино, после кое сите ќе почнеме да зборуваме на ерменски. Патот го продолжуваме кон манастирот Татев, еден од најзначајните културни и верски објекти во Ерменија. Потекнува од IX век и се наоѓа недалеку од истоименото село. Оддалечен е 280 километри од главниот град, Ереван. Во XIV век и XV век манастирот бил универзитетски центар. Го добил називот по ученикот на апостолот Тадеј, Евстатие иако во овие краеви кружи легенда дека името на манастирот всушност значи „Дај крила“ затоа што се наоѓа на карпа од која скокнал еден монах. За развојот на овој манастир заслужна е династијата Орбелиан, а оскудните податоци за изградбата на манастирот ги дава Стефан Орбелиан во својата „Историја на Сјуник“. Повеќе пати бил на удар на Турците Серџуци, Монголите и Иранците, но Ерменците секогаш наоѓале начин да го обноват манастирот и да продолжат со својата дејност. Самиот комплекс го сочинуваат Петропавловската црква, црквата Свети Григорие, Богородичната црква и Гавазан, единствениот објект во комплексот кој ги преживеал сите разорувања и е во својот првобитен облик. Манастирот е една од најинтересните туристички атракции во Ерменија, делумно заради своето бурно минато, но и заради начинот на кој се доаѓа до манастирот. Ќе се возиме со најдолгата жичарница на светот! Долга е 6 километри и за 300 метри е подолга од жичарницата во Пекинг. Враќање во сместувањето во вечерните часови. Во цената на излетот е вклучено: трансфер според предвидениот план и програма и водич на англиски јазик.

Сместување

Хотел 3*

Ова е пример на сместување какво што можете да очекувате. Вистинското сместување може да биде друго, но слично во поглед на тоа што нуди.

Сместувачки објект по локална категоризација во Тбилиси кој располага со двокреветни и трикреветни соби. Хотелот се наоѓа во широкиот центар на градот. Собите се двокреветни и поседуваат сопствен тоалет. Во овој дел на светот постои можност некои од собите да немаат прозори или да имаат внатрешни прозори или прозори кои не можат да се отворат. Услугата е на база ноќевање. Точното име на хотелот ќе биде потврдено по формирање на групата, најдоцна 2 седмици пред поаѓање.

Хотел 3*

Ова е пример на сместување какво што можете да очекувате. Вистинското сместување може да биде друго, но слично во поглед на тоа што нуди.

Сместувачки објект по локална категоризација во Ереван кој располага со двокреветни и трикреветни соби. Хотелот се наоѓа во широкиот центар на градот. Собите се двокреветни и поседуваат сопствен тоалет. Во овој дел на светот постои можност некои од собите да немаат прозори или да имаат внатрешни прозори како и прозори кои не можат да се отворат. Услугата е на база ноќевање. Точното име на хотелот ќе биде потврдено по формирање на групата, најдоцна 2 седмици пред поаѓање.

Превоз

Авион

Кликнете на сликата за да ја отворите галеријата

Патнички авион (линиски авион или комерцијален транспортен авион) е голем авион првенствено наменет за комерцијален превоз на патници и товар.

Локален трансфер

Кликнете на сликата за да ја отворите галеријата

Помало превозно средство за најчесто до 15 патници. Во зависност од земјата може да биде со помал или поголем комфор.

Корисни информации

Овде ќе најдете корисни информации за самата дестинација, како и некои совети за ова патување.

Важни напомени

Ве молиме внимателно прочитајте ги овие напомени. Сметаме дека е исклучително важно нашите патници да бидат добро информирани, што овозможува помалку недоразбирања за време на патувањето и попријатно искуство.

Напомени:
Општи напомени:

  • Организатор на патувањето е JUNGLE TRAVEL од Србија со лиценца OTP 162/2020.
  • При пријавување, потребно е да доставите копија од пасош/податоци од пасошот со кој патникот ќе патува на самото патување. Патникот мора задолжително да го провери траењето и исправноста на патниот документ, како и бројот на слободни страници потребни за патувањето.
  • Сите пасоши мораат да имаат рок на важење минимум 180 дена (6 месеци) од датумот на враќање во земјата.
  • Организаторот на патувањето го задржува правото на измена на одредени содржини од програмата, во случај на вонредни околности и работи кои агенцијата не може да ги предвиди, за време на склучување на договорот.
  • Организаторот на патувањето не е овластен и не ја проценува валидноста на патните и други исправи.
  • За сите информации кои се дадени по усмен пат, агенцијата не сноси никаква одговорност.
  • Потписникот на Договорот за патување или претставникот на групата на патници е задолжен да ги информира и запознае сите патници со договорениот програм на патување, условите на плаќање, визирање и ОПШТИТЕ УСЛОВИ НА ПАТУВАЊЕ НА JUNGLE TRAVEL D.O.O. од Белград.
  • Патниците се должни, два дена пред поаѓање, да го проверат точното време и место на поаѓање на групата.
  • Патникот е должен сам да се запознае со правилата на однесување во земјата во која патување и да ги почитува важечките законски царински прописи.
  • Во превозните средства најстрого е забрането пушење, конзумирање на алкохол и опојни средства.
  • Патниците се дожни да, во автобусите и другите превозни средства со кои се врши трансфер, останат на своите места и не смеат истите да ги напуштаат на места кои не се предвидени за пауза (граници, чек-поинт станици, патарини итн). Во случај патникот да го напушти возилото без претходен договор со претставникот на агенцијата, истиот сам ги сноси сите трошоци и последици.
  • Патникот кој преку неадекватно однесување, ги вознемирува останатите патници или смета на шоферите и/или придружникот на групата во својата работа, ќе биде одма исклучен од патувањето и целата одговорност преоѓа на него/неа, без право на жалба и враќање на пари.
  • Патникот е должен да ја почитува “саатницата” одредена од страна на претставникот на агенцијата на патувањето, во спротивно, претставникот на агенцијата има право да го исклучи патникот од патувањето.
  • Во туристичките автобуси не е можна употреба на тоалет. Во согласност со планот и програмот на патувањето, паузи се прават на 3-4 часа (во зависност од локацијата и опременоста на бензинските станици), кои патниците можат да ги користат за употреба на тоалет.
  • Агенцијата го одредува распоредот на седење, местото на поаѓање, местата за паузи и времетраењето на истите. Со плаќање на превозот, патникот го прифаќа горенаведеното, без право на приговор и жалба.
  • Аранжманот е направен на база на минимум 10 патници за далечни патувања и 50 патници за европски патувања.
  • Во случај на недоволен број на патници за реализација на аранжманот или други објективни околности, организаторот на патувањето ги информира патниците дека аранжманот е откажан – најкасно 10 дена пред датумот на поаѓање за далечни патувања и 5 дена пред датумот на поаѓање за европски патувања.
  • Кај аранжманите кои вклучуваат превоз со авион, по купување на авио картата, невозможно е средствата да се вратат и во тој случај – важат условите на авио компанијата.
  • Кај аранжманите кои вклучуваат low-cost авио компании, во случај на одложување на летот, откажување или губење на конекциите, патниците се дожни сами да ги платат новонастанатите трошоци и агенцијата не може да влијае на околностите кои се надвор од нејзиниот домет.
  • Цените на low cost аранжманите се подложни на промена. По уплата на авансот се проверуваат тарифите и на патникот му се потврдува цената на аранжманот.
  • Агенцијата не сноси одговорност доколку дојде до промена на авио конекциите од страна на авио компаниите.
  • Саатниците на летовите наведени во планот и програмот или добиени од страна на агенцијата се подложни на менување и зависат исклучиво од авио компанијата.
  • Агенцијата го задржува правото да го одбере превозното средство за трансфер. Трансферот се врши до самото сместување, доколку истото е физички возможно.
  • За сите понудени или достапни дополнителни доплати, кои имаат врска со планот и програмот на патувањето, или сместувањето, потребно е да се изјасните при пријавување.
  • Доколку некој патник сам одлучи да смени дел од планот и програмот на патувањето, агенцијата нема обврска на тој патник да му обезбеди трансфер/ран или доцен check-in или check-out во сместувањето/различни ноќевања во сместувањата, од она што е предвидено со планот и програмот на патувањето.
  • Малолетните патници за време на патувањето мора да имаат заверена согласност од родителите.
  • Заради почитување на саатниците предвидени со програмот на патување, како и почитување на времето на останатите патници од групата, не постои можност за задржување на границите кои претставуваат излез од Европска Унија, поради заверување на сметки и враќање на данок од Европската Унија (TAX FREE)
  • Наша препорака е да водите сметка за вашите лични документи и пари на Вашето патување.
  • За овој аранжман се применуваат ОПШТИТЕ УСЛОВИ ЗА ПАТУВАЊЕ ускладени со YUTA  стандардот.

Напомени во врска со сместувањето:

  • Организаторот на патувањето, JUNGLE TRAVEL, го задржува правото на распоред по соби, во согласност со структурата на собите во сместувачкиот објект. Доколку постои можност, агенцијата се труди да излезе во пресрет на желбите на патниците (Ве молиме да имате разбирање. Ова патување пред сѐ треба да биде авантура и добра забава).
  • Во сместувачките објекти се влегува првиот ден од престојот во согласност со правилата на самиот сместувачки објект.Начесто, check-in е во попладневните часови (14h или 15h), а check-out – последниот ден од престојот, најчесто до 10h или 11h.
  • Описите на сместувачките објекти се од информативен карактер.
  • Некои од дополнителните содржини на сместувачките објекти се достапни со доплата. Постои можност на отстапувања и промена на достапноста на некои содржини, бидејќи истите зависат исклучиво од сместувачките објекти (нпр. Сеф, паркинг, мини-бар, ТВ, клима уред...)
  • Патникот е должен да ги почитува правилата на сместувачкиот објект и сам сноси одговорност доколку дојде да санкционирање од страна на персоналот на сместувачкиот објект
  • Во некои сместувачки капацитет во Азија, Африка и Латинска Америка – нема врела вода.
  • Сместувачките капацитети ги сместуваат патниците и го одредуваат распоредот и типот на собите спрема својата расположливост во дадениот момент. Агенцијата не е во можност да им потврди на клиентите дали креветите ќе бидат twin (раздвоени) или double (голем француски лежај), како ни спратноста во самото сместување, освен доколку тоа не е посебно назначено во Договорот. Клиентот со уплата на аранжманот се согласува со овие факти и условите на сместувањето, без право на жалба.
  • Патниците коио патуваат сами во некои програми имаат можност да со доплата, престојуваат сами во еднокреветна соба. Доколку патникот сака да се спои со некој од другите патници од групата и не сака да плаќа доплата, прифаќа да се спои со било кое лице од групата, без оглед на возраста и полот на сопатникот. Во овие ситуации, агенцијата апсолутно не одговара за било какви евентуални непријатност или несогласувања кои патниците можат да ги имаат за време на патувањето.

Напомена во врска со факултативните излети:

  • Факултативните излети не се задолжителен дел од патувањата и за факултативните излети не е обезбедена заштита во поглед на гаранција за патувањето.
  • Термините и цените на факултативните излети се променливи и зависат од слободните термини по локалитетите, бројот на пријавени патници и други објективни околности.
  • Факултативните излети се реализираат од страна на локални агенции. Jungle Travel не е во можност да влијае на работи кои се надвор од нејзиниот домет, односно се врзани за самата реализација на излетот.
  • Факултативните излети се реализираат од локални туристички водичи, на самите локалитети, на англиски јазик. Со плаќање на излетот, патникот ги прифаќа сите услови на локалната агенција, без право на жалба.
  • Агенцијата не може да влијае на времетраењето на патувањата до локалитетите, времето на поаѓање, враќање или обиколка, како ни стручноста на локалните водичи.
  • При уплата на факултативен излет, патникот ги прифаќа условите на локалната агенција која е организатор на излетот. Доколку еден патник уплаќа излет во име на други патници, истиот е должен да ги извести сопатниците за условите на локалната агенција. Било какви измени и откажување од излетот по уплатата, не се возможни, ниту е возможно, под било кои околности, да се рефундираат уплатените средства.
  • Се молат сите патници, пред уплаќање на факултативен излет, да се информираат и упознаат со предвидениот план и услови за факултативниот излет.

Напомена во врска со визите:

  • Патниците задолжително мора да се запознаат со визниот режим на државата во која патуваат.
  • Некои амбасади бараат задолжително присуство на патникот за аплицирање за виза. Патниците се должни да ги испочитуваат правилата на амбасадата,
  • Патниците се должни да ги достават документите за визирање, најдоцна 1 месец пред патувањето, а доколку не ги достават во наведениот рок, должни се сами да ја обезбедат визата за патување.
  • Патниците кои не посеуваат нови биометриски пасоши на Република Македонија, должни се сами да се запознаат со визниот режим на државите во кои патуваат и сами да ги обезбедат визите за патување.
  • Агенцијата не гарантира дека на патникот ќе му биде одобрена виза и не е овластена да утврдува валидност на документи.
  • Агенцијата не сноси одговорност во случај на недобивање на виза.

Во согласност со одредбите од Законот за туризам на Република Србија, Организаторот на патувањето има депозит во висина од 7500,00 ЕУР и гаранција за патување за категорија на лиценца А35 во висина од 350.000,00 ЕУР, која во случај:

А) на инсолвентност на Организаторот на патувањето, се обезбедуваат: 
1. трошоци за нужно сместување, исхрана и враќање на патниците од патувањето, до местото на поаѓање во земјата и странство, 
2. побарување на уплатените средства на Патниците по основ на Договорот за туристичку патување, кое Организаторот на патувањето не го реализирал, 
3. побарувања на уплатените средства на Патниците во случај на откажување на патувањето од страна на Патниците, во согласност со Општите Услови за Патување, 
4. побарување на разликите меѓу уплатените средства по основ на Договор за туристичко патување и средствата намалени сразмерно за неизвршување или непотполно извршување на услуги, опфатени со Програмата на патување и во случај: 

Б) Надокнади на штета која е нанесена врз Патникот со неисполнување, делумно исполнување или неуредно исполнети обврски на Организаторот на патувањето, кои се одредени со Општите услови и Програмата на патување:
1. За побарување на уплатените средства на Патникот по основ на Договор за туристичко патување кое Организаторот на патувањето не го реализирал и
2. За побарување на разлики меѓу уплатените средства по основ на Договорот за туристичко патување и средствата намалени сразмерно за неизвршена, или непотполно извршени услуги кои се опфатени со Програмата на патување. 

Периодот на покритие на Гаранцијата за патување трае од датумот на нејзино издавање, па се до завршувањето на туристичкото патување, односно до враќање на Патниците на договореното одредиште. 

Гаранција по Договорот за Гаранција на патување број 0013/2020 од 10.01.2020, склучено со договарачот на осигурување - Националната асоцијација на туристички агенции ПУ “YUTA", Белград, ул. Кондина бр. 14, Полиса број 300067826 од 14.01.2020. Акционерско друштво за осигурување ДДОР НОВИ САД, Гаранцијата за патување се активира без одложување, односно во рок од 14 дена од денот на настанување на осигураниот случај, кај Националната асоцијација на туристички агенции ПУ “YUTA", +381 11 3228 686, по пишан пат или телеграма на адреса YUTA, Белград, ул. Кондина бр. 14, или на e-mail: garancijaputovanja@yuta.rs.

(Патникот своите права за надокнада на штета ги остварува врз основа на правосилни и извршни судски пресуди, односно одлуки на Арбитражниот суд или други вон-судски решенија на потрошувачки спор, во согласност со овие Општи услови и Општите услови на YUTA.)