Србија Хрватска Босна и Херцеговина Словенија
Листа на желби (0)

Виетнам: Експедиција

цена од
1.799
EUR ,00
сега од
1.599
EUR ,00
траење
12 дена
Барање
Барање

Подготви се за патување кое не е само одмор – туку вистинска авантура низ една од најфасцинантните земји во Азија. Виетнам е микс од хаотични мегаполиси, мирни оризови полиња, древна култура и природни чуда што оставаат без зборови.

Експедицијата започнува во енергичниот Хо Ши Мин, каде модерниот живот се судира со историјата. Ќе нурнеш во минатото со посета на познатите Ку Чи тунели – неверојатна подземна мрежа што раскажува приказни за издржливост и борба. Следува магично бегство во Меконг делта, каде животот се одвива по реката – со чамци, пловечки пазари и автентични локални села.

Патувањето продолжува кон шармантниот Хои Ан – град како од разгледница. Тука ќе искусиш нешто навистина уникатно: возење со традиционални „basket boats“ и толаци низ кокосовите канали – вистинска локална авантура!

Во близина те очекуваат спектакуларните Бана Хилс со познатиот „Golden Bridge“, како и мистичната Мермерна планина – комбинација од природа, храмови и панорамски погледи.

Експедицијата завршува во културното срце на земјата – Ханои. Град со душа, каде секоја улица има приказна, а секој агол носи ново откритие.

Круна на целото патување е незаборавниот Ха Лонг Беј – едно од најубавите природни чуда во светот. Карпести острови што излегуваат од смарагдно море, мир што се чувствува… и сцени што ќе ги паметиш цел живот.

Ова не е класично патување. Ова е експедиција низ Виетнам – земја што ќе те изненади, воодушеви и целосно ќе те освои.

Рута
Скопје
Истанбул
Хо Ши Мин
Хои Ан
Ханои
Истанбул
Скопје
Превоз
Авион, Локален трансфер
Сместување
Хотел
Организатор
ЦЕЛ СВЕТ ДОО СКОПЈЕ Скопје, Македонија
Дестинации
Виетнам
Видови патувања
Експедиции 🗺
Код на патување
VN22
Тежина
Погодно за деца
Не

План и програма

Состанок на патниците на меѓународниот аеродром во Скопје, два часа пред лет. Утрински лет од Скопје за Истанбул со Turkish Airlines, пристигнување во Истанбул. Преседнување на лет за Хо Ши Мин. Авантурата може да започне! 

Превоз

  • Индивидуален авио билет со сите такси на релација Скопје - Истанбул (Turkish Airlines), во економска класа со вклучен багаж

Место

  • Скопје
  • Истанбул

Xin Chào пристигнавме во Хо Ши Мин. Трансфер до сместување и check-in. Добредојдовте во Хо Ши Мин, град кој има само повеќе од 300 години, центар на културата, образованието и туризмот во Виетнам. Ова е всушност најголемиот град во Виетнам каде се испреплетени западната култура со ориенталната, град познат како скапоцен камен на Далечниот исток. Имаме трансфер до нашето сместување. Пиеме кафе и имаме информативен состанок со нашиот претставник од агенцијата кој ни ја раскажува програмата и ни кажува технички работи кои би требале да ги знаеме на патувањето (каде да смениме пари, каде да пазариме, каде има најдобро јадење, каде и кога има добра забава итн.). По check-in имаме слободно време да се освежиме и да посетиме некои од стотиците руфтоп барови и ресторани кои се наоѓаат на Мишелин водичот. Дали ви се верува дека можете да ги пробате најдобрите нудли во вашиот живот за само 5 долари? Да, да во Хо Ши Мин и тоа е возможно! Ноќевање

Превоз

  • Индивидуален авио билет со сите такси на релација Истанбул - Хо Ши Мин (Turkish Airlines), во економска класа со вклучен багаж
  • Трансфер од аеродром до сместувањето

Сместување

Happy Life Green Hotel 1 ноќ

Место

  • Хо Ши Мин

По поjaдокот се упатуваме кон тунелите Чу Чи, сместени под Хо Ши Мин, кои биле база за револуционери помеѓу двете светски војни. Чу Чи за време на Виетнамската војната биле „подземно село” со тунели, кои заедно достигнуваат должина од 200 км и кои ги изградиле комунистичките герили на Виетнам, а денес претставуваат место кое не смее да се пропушти во Хо Ши Мин. Место каде што навистина ќе ја осетите големината на нивната борба. Имаме слободно време за релаксација, масажи и уживање во ноќниот живот на најголемиот град во Виетнам. Ноќевање.

Сместување

Happy Life Green Hotel 1 ноќ

Место

  • Хо Ши Мин

Храна

  • Континентален појадок × 1

Факултативни излети

Овој ден ја посетуваме најпознатата река во Азија -- реката Меконг. Се возиме со традиционални чамци низ густа вегетација и околу островчиња кои ја формираат делтата Меконг. Самата делта е една од најплодните региони на светот. Ќе видиме бескрајни оризови полиња, цитруси, тропско овошје и неверојатна природа. Попатно застануваме во занаетчиски села каде што се запознаваме со локалниот живот. Шетајќи по тивките селски патишта, ќе наидеме на богати локални овоштарници, каде имаме шанса да пробаме од вкусното тропско овошје, пиеме топол чај со мед и уживаме во локалната музика. Се враќаме во нашето сместување, а вечерта имаме слободно време да посетиме некои од локалните барови и ресторани. Ноќевање.

Сместување

Happy Life Green Hotel 1 ноќ

Место

  • Хо Ши Мин

Храна

  • Континентален појадок × 1

Факултативни излети

По појадокот се одјавуваме од хотелот и се упатуваме кон Хои Ан. Одиме кон аеродромот кадешто имаме лет од Хо Ши Мин до Да Нанг. Слетуваме и се упатуваме кон нашиот хотел во Хои Ан. Ноќевање.

Превоз

  • Трансфер од сместувањето до аеродром
  • Индивидуален авио билет со сите такси на релација Хо Ши Мин - Да Нанг, во економска класа со вклучен багаж
  • Трансфер од аеродром до сместување во Хои Ан

Сместување

iHome Hoi An 1 ноќ

Место

  • Хои Ан

Храна

  • Континентален појадок × 1

Појадуваме и одиме на незаборавна авантура во Хои Ан. Излетот започнува со релаксирачко возење велосипед низ оризови полиња, села и палмови шуми, каде ќе го почувствувате автентичниот локален живот. Кулминацијата е незаборавно возење со традиционални бамбусови „basket boats“ низ кокосовите канали – проследено со шоу од локалните веслачи, многу смеа и вистинска виетнамска атмосфера. По исполнетиот ден со авантура, смеа и превкусна храна се упатуваме назад кон нашето сместување.

Сместување

iHome Hoi An 1 ноќ

Место

  • Хои Ан

Храна

  • Континентален појадок × 1

Факултативни излети

Стануваме, појадуваме и одиме на излет! Ни следува ден исполнет со природа, култура и спектакуларни погледи! Ги посетуваме мистичните Мермерни Планини, каде не очекуваат пештери, храмови и панорами што одземаат здив. Потоа следува авантура кон Ba Na Hills – возење со жичарница над џунгла и планини, и посета на иконскиот Golden Bridge, мостот што го „држат“ огромни камени раце. Совршен спој на духовност, природа и уникатно искуство – сè во еден незаборавен ден. Се враќаме кон хотелот и имаме слободно време за уживање. 

Сместување

iHome Hoi An 1 ноќ

Место

  • Хои Ан

Храна

  • Континентален појадок × 1

Факултативни излети

Се одјавуваме од хотелот и сеупатуваме кон Ханои. Имаме трансфер до аеродром и локален лет до Ханои. Пристигнуваме во Ханои и правиме check-in во нашето ново сместување. Добредојдовте во главниот и најголемиот град на Виетнам. Слободното време што ни преостаува го користиме за одмор и уживање во мирисите и боите на Азија. Ноќевање.

Превоз

  • Трансфер од сместувањето до аеродром
  • Индивидуален авио билет со сите такси на релација Хои Ан - Ханои, во економска класа со вклучен багаж
  • Трансфер од аеродром до сместување

Сместување

La Passion Classic Hotel 1 ноќ

Место

  • Ханои

Храна

  • Континентален појадок × 1

Појадуваме и се впуштаме во нова авантура во Ханои! Почнуваме со езерото Хоан Кием (Hoan Kiem) и храмот Нгок Сон (Ngoc Son) – храмот на хероите кој е изграден на мало островче сред езерото. Продолжуваме со посета на Кулата Пен (Pen Tower) каде што ќе дознаеме повеќе за виетнамски легенди кои потекнуваат од VII век. Оттука продолжуваме до мавзолејот на Хо Ши Мин -- мавзолеј посветен на првиот претседател на независен Виетнам. Го посетуваме и најголемиот плоштад во Виетнам -- Ба Динх (Ba Đình). Исто така, ја посетуваме и пагодата Транквок (Trấn Quốc) и храмот Куан Тан (Quán Thánh), Храмот на литературата, Конфучијанскиот храм и првиот универзитет во Виетнам. Во попладневните часови се враќаме во нашето сместување. Во вечерните часови има можност за посета на традиционална претстава со кукли во договор со претставникот од агенција. По оваа незаборавна авантура се враќаме во нашето сместување. Вечерта ви препорачуваме да го посетите Thang Long Water Puppet Theatre - претстава каде куклите се наоѓаат во вода, додека уметниците кои ги управуваат се на неколку метри зад нив и не се гледаат. Целиот спектакл се изведува со оркестар кој свири автентична музика. Претставата обработува тематики кои на многу интересен начин ни ја доловуваат виетнамската култура, историја, обичаи и уметност. Ноќевање.

Сместување

La Passion Classic Hotel 1 ноќ

Место

  • Ханои

Храна

  • Континентален појадок × 1

Факултативни излети

Халонг Беј (Halong Bay) се наоѓа источно од Ханој. Тоа е речиси скриен залив во кој се наоѓаат околу 2000 мали острови, односно, повеќето од овие острови се всушност карпести формации кои изникнуваат од кристално зелената вода на повеќе од 1500 км². Од 1994 година, овој залив се наоѓа на листата на природно наследство под заштита на УНЕСКО. Неговите 2000 зелени острови формираат бариера, која го штити заливот од силни ветрови и не дозволуваат тие да ја нарушат мирнотијата/чистотата на водата. Се качуваме на брод и пловиме по овој необичен залив. Со бродот пристигнуваме до пештера, каде се капеме во кристално чистите води на овој залив. Нашата авантура продолжува до видиковец од каде имаме незаборавни панорамски слики над заливот. По нашата авантура имаме трансфер до нашето сместување. Ноќевање. 

Сместување

La Passion Classic Hotel 1 ноќ

Место

  • Ханои

Храна

  • Континентален појадок × 1

Факултативни излети

По појадокот се одјавуваме од хотелот и имаме слободно време да докупиме по некој сувенир. Ни следува трансфер до аеродромот во Ханои. Лет од Ханои до Скопје со преседнување во Истанбул. 

Превоз

  • Трансфер од сместувањето до аеродром
  • Индивидуален авио билет со сите такси на релација Ханои- Истанбул (Turkish Airlines), во економска класа со вклучен багаж

Место

  • Ханои

Храна

  • Континентален појадок × 1

Лет од Истанбул до Скопје. Пристигнуваме во Скопје и крај на патувањето.

Превоз

  • Индивидуален авио билет со сите такси на релација Истанбул - Скопје(Turkish Airlines), во економска класа со вклучен багаж

Место

  • Истанбул
  • Скопје

Поаѓања и цени

Цени (растечки) Цени (опаѓачки) Датум (растечки) Датум (опаѓачки) Број на денови (растечки) Број на денови (опаѓачки)
Препорачано
За повеќе информации за поаѓањето како цени, попусти, услови за плаќање, Ве молиме кликнете на полето со поаѓањето подолу

Сите уплати се вршат исклучиво во денарска противредност по курс од 62 денари за 1 евро и тоа: при пријавување се плаќаат 200€ (12.400,00 МКД) по лице. Преостанатиот дел се плаќа најдоцна 40 дена пред поаѓање. Можност за плаќање преку трансакциска сметка (на фактура) и со платежни картички Visa, Master, Maestro.

Препорачуваме рано пријавување на патници заради ограничениот број на места. При пријавувањето потребно е да се достави скренирана прва страница од патната исправа, која е валидна за датумот на патувањето (има важност минимум 6 месеци по датумот на враќање и има доволно празни страници во текот на патувањето), во спротивно агенцијата не одговара за печатење на авио билетот со погрешни податоци.

Доколку се пријавите како соло патник, потребна е доплата за еднокреветна соба. Со цел да го избегнете овој трошок по пријавата ние ќе го рекламираме Вашето поаѓање на нашите социјални медиуми за да најдеме друг соло патник кој би сакал да дели сместување со Вас. Агенцијата нема обврска задолжително да Ве спои со друг соло патник доколку никој не се пријави. Во тој случај, доплатата за еднокреветна соба останува како ставка за плаќање од страна на пријавениот патник.

Што е вклучено

Сместување

Happy Life Green Hotel Пример 3 ноќи
iHome Hoi An Пример 3 ноќи
La Passion Classic Hotel Пример 3 ноќи

Превоз

  • Индивидуален авио билет со сите такси на релација Скопје - Истанбул (Turkish Airlines), во економска класа со вклучен багаж
  • Индивидуален авио билет со сите такси на релација Истанбул - Хо Ши Мин (Turkish Airlines), во економска класа со вклучен багаж
  • Трансфер од аеродром до сместувањето
  • Трансфер од сместувањето до аеродром
  • Индивидуален авио билет со сите такси на релација Хо Ши Мин - Да Нанг, во економска класа со вклучен багаж
  • Трансфер од аеродром до сместување во Хои Ан
  • Трансфер од сместувањето до аеродром
  • Индивидуален авио билет со сите такси на релација Хои Ан - Ханои, во економска класа со вклучен багаж
  • Трансфер од аеродром до сместување
  • Трансфер од сместувањето до аеродром
  • Индивидуален авио билет со сите такси на релација Ханои- Истанбул (Turkish Airlines), во економска класа со вклучен багаж
  • Индивидуален авио билет со сите такси на релација Истанбул - Скопје(Turkish Airlines), во економска класа со вклучен багаж

Храна

9 × Континентален појадок

Не е вклучено

  • Меѓународно здравствено осигурување (може да се уплати во агенцијата)
  • Индивидуални трошоци за времетраење на аранжманот
  • Факултативни излети и влезници за културно-историски споменици
  • Виза за Виетнам

Факултативни излети

Напомена! Термините и цените на факултативните излети се од информативен карактер и истите се променливи, а зависат од слободните термини по локалитетите, бројот на пријавени патници и други објективни околности.

Kу Чи тунелите

Kу Чи тунелите
Цена: 45,00 USD

Ги истражуваме тунелите Ку Чи! Базата на револуционерите за време војната во Виетнам. Денес дел од нив се наоѓаат под градот Хо Ши Мин. Тунелите за време на војната биле „подземно село“ во должина од неверојатни 200км!!! Целиот овој комплекс е изграден од страна комунистичките герилци на Виетнам кои воделе титанска борба против окупаторот. Тие денес претставуваат главна туристичка атракција на Јужен Виетнам. Герилците на Ку Чи, кои во своите редови имале жени и малолетни лица, со години живееле во тесните, темни и загушливи тунели низ кои можеле да се пробијат исклучиво со лазење на колена. Изградиле мрежа на подземни премини и простории кои содржеле спални соби, кујни, простории за состаноци и планирање, складишта за храна и муниција. Герилците изградиле и краци што имале за цел да го измамат непријателот доколку тој успее да навлезе во тунелите. Покрај тоа што тунелите биле безбедно место за борците, тие исто така биле и отпорни на воздушно бомбардирање. Ова неверојатно инфраструктурно чудо е една од главните причини за победата на виетнамците над америчката инвазија. За време на посетата ќе можеме да видиме дел од асортиманот на маскирни стапици, оружје и опрема која ја користеле борците за време на војната. 

Mekong Delta

Mekong Delta
Цена: 55,00 USD

Дали сте спремни да влезете во ремек делото на природата, Меконг Делтата. Место со најголем биодиверзитет на #ЦелСвет! Реката Меконг е најголемата река во Индокина која извира во Тибет, тече низ Бурма и Лаос, а се влева во Јужното кинеско море, во Виетнам. Реката, пред да се влее во морето, прави огромна делта со 9 краци, наречени и „Куу Лонг“ или „Девет ламји“. Делтата Меконг изобилува со густа џунгла и неверојатен биодиверзитет а плодната почва овозможува огромни плантажи со ориз, агруми и тропско овошје. Селата кои се наоѓаат по течението на реката практично живеат заедно со реката. При нивната посета ќе видиме дел од нивниот секојдневен живот и каде ќе најдеме секакви сувенири за дома изработени од кокосово дрво. Одејќи низ тивките селски патишта, наидуваме на богати локални овоштарници, каде јадеме вкусно свежо егзотично овошје, пиеме топол чај со мед и уживаме во локалната музика. Почнуваме незаборавна авантура низ самите речни краци. Пред нас е сцена од која нема да не остави рамнодушни. Мирот и тишината кои ги доживуваме тука ќе ги памтиме долго после нашето враќање. Одиме во традиционално виетнамско село за ручек, а по ручекот имаме можност да се дружиме со змии, крокодили и мајмуни. Кој сака, може да пешачи или да изнајми велосипед за да се вози низ селото. 

Bicycle Tour & Bamboo Basket

Bicycle Tour & Bamboo Basket
Цена: 40,00 USD

Подгответе се за едно од најавтентичните доживувања во Виетнам! Овој излет ве води надвор од туристичките улици на Хои Ан, директно во срцето на локалниот живот и природа.
Авантурата започнува со лесно возење велосипед низ живописни села, оризови полиња и палмови шуми, каде ќе имате можност да го почувствувате вистинскиот ритам на виетнамското секојдневие. По патот ќе запознаете локални жители, традиционални занаети и автентична атмосфера која не може да се доживее на друг начин.
Кулминацијата на излетот е возење со познатите кружни бамбусови чамци (basket boats) низ кокосовите канали. Локалните веслачи ќе ви приредат вистинско шоу со нивните вештини – вртење, балансирање и весела атмосфера која гарантира многу смеа и незаборавни моменти.

Ba na hill + Marble Mountain

Ba na hill + Marble Mountain
Кликнете на сликата за да ја отворите галеријата
Цена: 110,00 USD

Подгответе се за ден исполнет со спектакуларни пејзажи, култура и уникатни доживувања! Овој излет ги комбинира две од највпечатливите атракции во централниот дел на Виетнам.
Денот започнува со посета на Мермерните Планини – група од пет варовнички ридови познати по своите мистични пештери, пагоди и панорамски погледи. Ќе имате можност да прошетате низ храмови скриени во карпите, да се искачите до видиковци и да ја почувствувате духовната страна на Виетнам.
Потоа следува патување кон Ba Na Hills, планински комплекс кој нуди сосема поинакво доживување. Тука ќе се качите на една од најдолгите жичарници во светот и ќе уживате во неверојатни погледи кон планините и џунглата.
На врвот ве очекува познатиот Golden Bridge – иконскиот мост кој изгледа како да го држат огромни камени раце, совршен за фотографии кои ќе останат засекогаш. Дополнително, ќе имате време да ја истражите „француската селска“ атмосфера, тематските зони и бројните атракции во комплексот.
Овој излет е идеален спој на природа, духовност и модерна забава – совршен избор за оние кои сакаат да видат повеќе од Виетнам во еден ден и да доживеат нешто навистина уникатно.

Hanoi City Tour

Hanoi City Tour
Цена: 45,00 USD

Се запознаваме со престолнината на Виетнам, градот Ханои. Културниот и економскиот центар на северен Виетнам и воедно најпосетениот град во државата. Дали сте спремни за авантура во главниот град на една од најразвиените држави во Азија? Се запознаваме со обичаите на луѓето во овој дел од светот, го посетуваме стариот град и уживаме во боите и мирисите на Азија . Ханои како еден од најстарите градови во Југоисточна Азија, основан во 1010 година под името Tang Long. Низ долгата историја, градот секогаш бил културен центар на Виетнам. Во градот сега има повеќе од 600 пагоди и храмови, правејќи го своевиден духовен центар на Виетнам. Во оваа обиколка ќе ги видиме најважните обележја од виетнамската историја како и обележја кои ја трансформирале оваа држава во тоа што е денс. Почнуваме со градините покрај езерото Хоан Кием па се упатуваме кон храмот на хероите Нгок Соен, Бут Куле каде ќе се фасцинираме од легендите кои датираат од 7-миот век. Не смееме да ги пропуштиме палатите Чаитман, мавзолејот на виетнамскиот лидер Хо Ши Мин, градскиот плоштад Ба Динх, пагодата Тран Квок, храмот Кван Тхан и храмот на литературата. Ќе доживееме неверојатен сплет на историјата и модерното време и се тоа само во еден град, Ханои.

Ha Long Bay

Ha Long Bay
Цена: 75,00 USD

Одиме на место кое може да се најде единствено во фатастичните светови на приказните и Виетнам. Станува збор за Халонг Беј (Halong Bay) кој се наоѓа источно од градот Ханој. Тоа е речиси скриен залив во кој се наоѓаат околу 2000 мали острови, односно, повеќето од овие острови се всушност карпести формации кои изникнуваат од кристално зелената вода на повеќе од 1500 км². Од 1994 година, овој залив се наоѓа на листата на природно наследство под заштита на УНЕСКО. Неговите 2000 зелени острови формираат бариера, која го штити заливот од силни ветрови и не дозволуваат тие да ја нарушат мирнотијата/чистотата на водата. Се качуваме на брод и пловиме по овој необичен залив. Со бродот пристигнуваме до пештера, каде што се бањаме во кристално чистите води на овој залив. Доколку сте расположени за истражување на островите имате и можност со кајак да го истражите ова мистично место. 

Сместување

Happy Life Green Hotel

Happy Life Green Hotel
Кликнете на сликата за да ја отворите галеријата
Ова е пример на сместување какво што можете да очекувате. Вистинското сместување може да биде друго, но слично во поглед на тоа што нуди.

Happy Life Green Hotel е модерен хотел со 4* (по локална категоризација), на одлична локација. Во срцето на централниот бизнис дистрикт на градот, на само неколку минути пешки до Бен Тан пазарот, Плоштадот Сајгон и познатата палата на обединетоста. Хотелот располага со сопствен ресторан кој служи вегетарјански, европска и виетнамска храна, надворешен базен, фитнес и спа центар. Се сместуваме во двокреветни/трокреветни соби со клима уред, минибар, фен, сеф и телевизор. 

Услугата е на база на ноќевање со појадок.

Вебсајт https://happylifeenterprise.com/contact.html

Адреса 102-104-106 Le Thi Hong Gam
Nguyen Thai Binh ward
District 1
Ho Chi Minh
Việt Nam

iHome Hoi An

iHome Hoi An
Кликнете на сликата за да ја отворите галеријата
Ова е пример на сместување какво што можете да очекувате. Вистинското сместување може да биде друго, но слично во поглед на тоа што нуди.

iHome Hoi An е хотел со 3* по локална категоризација - сместен на одлична локација, на само неколку минути пешачење од стариот дел на Хои Ан. Хотелот нуди удобни и пространи соби со балкон, уредени во комбинација на современ стил и традиционални виетнамски детали. Гостите можат да уживаат во базен, rooftop бар со прекрасен поглед, фитнес центар и богата buffet појадок понуда. Атмосферата е жива и социјална, со организирани активности, што го прави идеален избор за млади патници и групи.

Услугата е на база ноќевање со појадок.

Вебсајт https://ihomehoian.com/

Адреса 54 Nguyễn Tri Phương
Cam Nam
Hoi An
Vietnam

La Passion Classic Hotel

La Passion Classic Hotel
Кликнете на сликата за да ја отворите галеријата
Ова е пример на сместување какво што можете да очекувате. Вистинското сместување може да биде друго, но слично во поглед на тоа што нуди.

La Passion Classic Hotel е хотел со класичен стил, сместен во срцето на стариот дел на Ханои (Old Quarter), на одлична локација во близина на главните атракции, пазари и езерото Хоан Кием. Хотелот нуди комфорни и пространи соби уредени во комбинација од традиционален виетнамски шарм и европска елеганција, со сите модерни погодности за пријатен престој. На располагање се ресторан со виетнамска и интернационална кујна, кафе-бар/тераса и спа услуги, што овозможува релаксирано искуство по ден исполнет со разгледување. Одлична локација, удобност и автентична атмосфера – идеален избор за истражување на Ханои.

Вебсајт https://lapassion.vn/en/khach-san/la-passion-classic-hotel/

Адреса No 1 Phan Dinh Phung street
Hoan Kiem district
Hoan Kiem
Hanoi
Vietnam

Останати поаѓања за Виетнам

Корисни информации

Овде ќе најдете корисни информации за самата дестинација, како и некои совети за ова патување.

Виетнам

Важни напомени

Ве молиме внимателно прочитајте ги овие напомени. Сметаме дека е исклучително важно нашите патници да бидат добро информирани, што овозможува помалку недоразбирања за време на патувањето и попријатно искуство.

Напомени:
Општи напомени:

  • Организатор на патувањето е TA ЦЕЛ СВЕТ ДОО СКОПЈЕ со лиценца УП 113-289 ОД 17.07.2024 година.
  • При пријавување, потребно е да доставите копија од пасош/податоци од пасошот со кој патникот ќе патува на самото патување. Патникот мора задолжително да го провери траењето и исправноста на патниот документ, како и бројот на слободни страници потребни за патувањето.
  • Сите пасоши мораат да имаат рок на важење минимум 180 дена (6 месеци) од датумот на враќање во земјата.
  • Организаторот на патувањето го задржува правото на измена на одредени содржини од програмата, во случај на вонредни околности и работи кои агенцијата не може да ги предвиди, за време на склучување на договорот.
  • Организаторот на патувањето не е овластен и не ја проценува валидноста на патните и други исправи.
  • За сите информации кои се дадени по усмен пат, агенцијата не сноси никаква одговорност.
  • Потписникот на Договорот за патување или претставникот на групата на патници е задолжен да ги информира и запознае сите патници со договорениот програм на патување, условите на плаќање, визирање и ОПШТИТЕ УСЛОВИ НА ПАТУВАЊЕ НА ТА ЦЕЛ СВЕТ од СКОПЈЕ.
  • Патниците се должни, два дена пред поаѓање, да го проверат точното време и место на поаѓање на групата.
  • Патникот е должен сам да се запознае со правилата на однесување во земјата во која патување и да ги почитува важечките законски царински прописи.
  • Во превозните средства најстрого е забрането пушење, конзумирање на алкохол и опојни средства.
  • Патниците се дожни да, во автобусите и другите превозни средства со кои се врши трансфер, останат на своите места и не смеат истите да ги напуштаат на места кои не се предвидени за пауза (граници, чек-поинт станици, патарини итн). Во случај патникот да го напушти возилото без претходен договор со претставникот на агенцијата, истиот сам ги сноси сите трошоци и последици.
  • Патникот кој преку неадекватно однесување, ги вознемирува останатите патници или смета на шоферите и/или придружникот на групата во својата работа, ќе биде одма исклучен од патувањето и целата одговорност преоѓа на него/неа, без право на жалба и враќање на пари.
  • Патникот е должен да ја почитува “саатницата” одредена од страна на претставникот на агенцијата на патувањето, во спротивно, претставникот на агенцијата има право да го исклучи патникот од патувањето.
  • Во туристичките автобуси не е можна употреба на тоалет. Во согласност со планот и програмот на патувањето, паузи се прават на 3-4 часа (во зависност од локацијата и опременоста на бензинските станици), кои патниците можат да ги користат за употреба на тоалет.
  • Агенцијата го одредува распоредот на седење, местото на поаѓање, местата за паузи и времетраењето на истите. Со плаќање на превозот, патникот го прифаќа горенаведеното, без право на приговор и жалба.
  • Аранжманот е направен на база на минимум 10 патници за далечни патувања и 50 патници за европски патувања.
  • Во случај на недоволен број на патници за реализација на аранжманот или други објективни околности, организаторот на патувањето ги информира патниците дека аранжманот е откажан – најкасно 10 дена пред датумот на поаѓање за далечни патувања и 5 дена пред датумот на поаѓање за европски патувања.
  • Кај аранжманите кои вклучуваат превоз со авион, по купување на авио картата, невозможно е средствата да се вратат и во тој случај – важат условите на авио компанијата.
  • Кај аранжманите кои вклучуваат low-cost авио компании, во случај на одложување на летот, откажување или губење на конекциите, патниците се дожни сами да ги платат новонастанатите трошоци и агенцијата не може да влијае на околностите кои се надвор од нејзиниот домет.
  • Цените на low cost аранжманите се подложни на промена. По уплата на авансот се проверуваат тарифите и на патникот му се потврдува цената на аранжманот.
  • Агенцијата не сноси одговорност доколку дојде до промена на авио конекциите од страна на авио компаниите.
  • Саатниците на летовите наведени во планот и програмот или добиени од страна на агенцијата се подложни на менување и зависат исклучиво од авио компанијата.
  • Агенцијата го задржува правото да го одбере превозното средство за трансфер. Трансферот се врши до самото сместување, доколку истото е физички возможно.
  • За сите понудени или достапни дополнителни доплати, кои имаат врска со планот и програмот на патувањето, или сместувањето, потребно е да се изјасните при пријавување.
  • Доколку некој патник сам одлучи да смени дел од планот и програмот на патувањето, агенцијата нема обврска на тој патник да му обезбеди трансфер/ран или доцен check-in или check-out во сместувањето/различни ноќевања во сместувањата, од она што е предвидено со планот и програмот на патувањето.
  • Малолетните патници за време на патувањето мора да имаат заверена согласност од родителите.
  • Заради почитување на саатниците предвидени со програмот на патување, како и почитување на времето на останатите патници од групата, не постои можност за задржување на границите кои претставуваат излез од Европска Унија, поради заверување на сметки и враќање на данок од Европската Унија (TAX FREE)
  • Наша препорака е да водите сметка за вашите лични документи и пари на Вашето патување.
  • За овој аранжман се применуваат ОПШТИТЕ УСЛОВИ ЗА ПАТУВАЊЕ.

Напомени во врска со сместувањето:

  • Организаторот на патувањето, ТА ЦЕЛ СВЕТ, го задржува правото на распоред по соби, во согласност со структурата на собите во сместувачкиот објект. Доколку постои можност, агенцијата се труди да излезе во пресрет на желбите на патниците (Ве молиме да имате разбирање. Ова патување пред сѐ треба да биде авантура и добра забава).
  • Во сместувачките објекти се влегува првиот ден од престојот во согласност со правилата на самиот сместувачки објект.Начесто, check-in е во попладневните часови (14h или 15h), а check-out – последниот ден од престојот, најчесто до 10h или 11h.
  • Описите на сместувачките објекти се од информативен карактер.
  • Некои од дополнителните содржини на сместувачките објекти се достапни со доплата. Постои можност на отстапувања и промена на достапноста на некои содржини, бидејќи истите зависат исклучиво од сместувачките објекти (нпр. Сеф, паркинг, мини-бар, ТВ, клима уред...)
  • Патникот е должен да ги почитува правилата на сместувачкиот објект и сам сноси одговорност доколку дојде да санкционирање од страна на персоналот на сместувачкиот објект
  • Во некои сместувачки капацитет во Азија, Африка и Латинска Америка – нема врела вода.
  • Сместувачките капацитети ги сместуваат патниците и го одредуваат распоредот и типот на собите спрема својата расположливост во дадениот момент. Агенцијата не е во можност да им потврди на клиентите дали креветите ќе бидат twin (раздвоени) или double (голем француски лежај), како ни спратноста во самото сместување, освен доколку тоа не е посебно назначено во Договорот. Клиентот со уплата на аранжманот се согласува со овие факти и условите на сместувањето, без право на жалба.
  • Патниците кои што патуваат сами во некои програми имаат можност да со доплата, престојуваат сами во еднокреветна соба. Доколку патникот сака да се спои со некој од другите патници од групата и не сака да плаќа доплата, прифаќа да се спои со било кое лице од групата, без оглед на возраста и полот на сопатникот. Во овие ситуации, агенцијата апсолутно не одговара за било какви евентуални непријатност или несогласувања кои патниците можат да ги имаат за време на патувањето.

Напомена во врска со факултативните излети:

  • Факултативните излети не се задолжителен дел од патувањата и за факултативните излети не е обезбедена заштита во поглед на гаранција за патувањето.
  • Термините и цените на факултативните излети се променливи и зависат од слободните термини по локалитетите, бројот на пријавени патници и други објективни околности.
  • Факултативните излети се реализираат од страна на локални агенции. ТА ЦЕЛ СВЕТ не е во можност да влијае на работи кои се надвор од нејзиниот домет, односно се врзани за самата реализација на излетот.
  • Факултативните излети се реализираат од локални туристички водичи, на самите локалитети, на англиски јазик. Со плаќање на излетот, патникот ги прифаќа сите услови на локалната агенција, без право на жалба.
  • Агенцијата не може да влијае на времетраењето на патувањата до локалитетите, времето на поаѓање, враќање или обиколка, како ни стручноста на локалните водичи.
  • При уплата на факултативен излет, патникот ги прифаќа условите на локалната агенција која е организатор на излетот. Доколку еден патник уплаќа излет во име на други патници, истиот е должен да ги извести сопатниците за условите на локалната агенција. Било какви измени и откажување од излетот по уплатата, не се возможни, ниту е возможно, под било кои околности, да се рефундираат уплатените средства.
  • Се молат сите патници, пред уплаќање на факултативен излет, да се информираат и упознаат со предвидениот план и услови за факултативниот излет.

Напомена во врска со визите:

  • Патниците задолжително мора да се запознаат со визниот режим на државата во која патуваат.
  • Некои амбасади бараат задолжително присуство на патникот за аплицирање за виза. Патниците се должни да ги испочитуваат правилата на амбасадата,
  • Патниците се должни да ги достават документите за визирање, најдоцна 1 месец пред патувањето, а доколку не ги достават во наведениот рок, должни се сами да ја обезбедат визата за патување.
  • Патниците кои не посеуваат нови биометриски пасоши на Република Македонија, должни се сами да се запознаат со визниот режим на државите во кои патуваат и сами да ги обезбедат визите за патување.
  • Агенцијата не гарантира дека на патникот ќе му биде одобрена виза и не е овластена да утврдува валидност на документи.
  • Агенцијата не сноси одговорност во случај на недобивање на виза.