Колумбија Limited Edition!!

цена од

~~2.199~~

^EUR _,00

сега од

1.999

^EUR _,00

траење

14 ^дена

Барање

Дали знаевте дека Колумбија е втора во #ЦелСвет најсреќна земја?

А ние сме број еден најнасмеано племе кое што постојано сака да истражува, и така жедни за авантура и езготика Ве водиме во Колумбија! Омилената туристичка дестинација во Јужна Америка, и една од најпосетуваните земји на #ЦелСвет изминатите години!

Позната по Шакира :) а понекогаш и по Пабло Ескобар, нејзината безбедност пркоси на минатото! Името го добила по Кристофер Колумбо и еден коломбиец би ви се налутил доколку не ја изговорите точно. Што е точно? Со „о“ наместо со „у“.

Здраво Коломбијанци ☺!

Нема да ве оптеретуваме со многу факти затоа што немаме време од уживање на најдобрите карипски плажи и гарантирано најдобриот ноќен живот на #ЦелСвет, но од корисни информации мора да ги споменеме: 60-те национални паркови, „течното виножито“ или единствениот Kanjo Kristales најубавата река на светот, розевите делфини и повеќе од 30 различни видови на егзотични овошја. Кога веќе спомнавме егзотика дали знаевте дека коломбијците во шољата со кафе ставаат парче сирење? Чистаааа егзотика. Зелени смарагди насекаде, деца кои што пијат кафе со млеко и национална химна која што свири дури 2 пати во денот, таков е законот!

Играме „техо“ додека пиеме ладно локално пиво, и се искачуваме на 740 скалила за најдобриот поглед према цела Коломбија, ах Пењол Пењол.

Здраво што ќе се напиете? Едно aguardiente или biche? Ја вкусуваме Коломбија на еден посебен начин. И така започнуваме од Богота, главен и најголем град во Коломбија. Во моментов замислете дека се наоѓаме 2.600 метри надморска височина или како што би рекле локалците „се наоѓаме 2.600 метри поблиску до ѕвездите“. Зборуваме шпански и го живееме духот на еден прав коломбијанец. „А la orden“! Дали разменивте коломбијски пезоси? Одиме во фабриката каде што се исковани првите пари или позната како „Casa de la Moneda“. #Funfacts Во Коломбија со малку пари можете да видите мноогу! И тоа не е се, прочитајте ја внимателно програмата!

Од Богота се упатуваме кон Меделин, што? Пабло Ескобар? Точно. Еден од „најозогласените“ градови, денес една урбана престолнина. Модерна уметност, мноогу култура на едно место, вкусна храна, најнасмеаните локалци што ќе ги видите некогаш, шарени улици, и тооолку многу недопрена природа, тезги, пазари, на среќата и нема крај.

И така среќни продолжуваме кон Картагена, еден од најубавите колонијални градови во Латинска Америка. Рамо до рамо со кубанската Хавана е еден од најважните градови во така наречениот „Нов Свет“. Град на бои, шарени згради, ритам на салса, најдобрите карипски плажи како од разгледница, ситен прашкаст бел песок, кристално сино море, и загарантирано најдобар ноќен живот. Ако мислевте дека некаде на светот има подобра забава? Се излажавте, una Lulada porfavor! А Картагена не би била целосна ако не се сончаме и бањаме на Isla del Rosario, остров кој што е рамо до рамо со Малдиви, погледнете го од блиску тој тиркиз.. Се бањаме и на Playa Blanco нааајбелата плажа на светот, мириса на море и на Коломбија! Дали си спремен за овој егзотичен мирис во еден здив?

Рута

Скопје

Истанбул

Богота

Меделин (Medellin)

Картагена (Cartagena)

Богота

Истанбул

Скопје

Превоз: Авион, Локален трансфер
Сместување: Хотел
Организатор: ЦЕЛ СВЕТ ДОО СКОПЈЕ Скопје, Македонија
Видови патувања: Далечни Патувања 🌍
Дестинации: Јужна Америка, Колумбија

Код на патување: CO5
Тежина
Погодно за деца: Да

План и програма

Планот и програмата важи за следните поаѓања 4. 8. 2026

Состанок на патниците на меѓународниот аеродром во Скопје. Вечерен Лет од Скопје до Богота со преседнување во Истанбул.

Превоз

Индивидуален авио билет со сите такси на релација Скопје - Истанбул (Turkish Airlines), во економска класа со вклучен багаж

Место

Скопје
Истанбул

Утрински лет од Истанбул до Богота. Hola & Bienvenidos a Colombia, авантурата започнува! Hola!! Се упатуваме со организиран превоз од аеродромот во Богота до нашето сместување. Имаме слободно време за слободно истражување на градот, да седнеме на некоја вечера и на по некоја пијачка. Ноќевање.

Превоз

Индивидуален авио билет со сите такси на релација Истанбул - Богота (Turkish Airlines), во економска класа со вклучен багаж
Трансфер од аеродром до сместувањето

Сместување

Hotel bh Bicentenario 4* 1 ноќ

Место

Богота

По појадокот, го започнуваме нашиот ден со возбудливо патување низ минатото на Богота, уникатен град каде се испреплетуваат модерната архитектура и колонијалното наследство на Шпанците. Истражуваме места полни со приказни, култура, уметност и локална кујна. Нашата авантура ја започнуваме во стариот град попознат како Ла Канделарија, на чиј плоштад Chorro de Quevedo Богота била основана во XVI век. Ја истражуваме целата област на Канделарија со посетување на музеи и плоштадот Боливар, во близина на овој плоштад се наоѓаат и градската катедрала и националниот парламент. Продолжуваме во Музејот на Фернандо Ботер -- најпознатиот Колумбијански уметник и музјеот "Casa de la Moneda" или домот на парите. Авантурата ни продолжува кон иконскиот симбол на Богота -- ридот Monserrate кој се издига до 3.152 метри надморска височина, до него стигнуваме со жичарница од која имаме незаборавен панорамски поглед на Богота. На самиот врв се наоѓа и црква каде ја чуваат познатата статуа на ,,Господарот на чудата". Потоа, се упатуваме назад кон нашиот хотел. Ноќевање.

Сместување

Hotel bh Bicentenario 4* 1 ноќ

Место

Богота

Храна

Континентален појадок × 1

Факултативни излети

Bogota City Tour

Штом појадуваме, се одјавуваме од хотелот и се упатуваме кон аеродромот во Богота. Локален лет од Богота за Меделин -- градот на вечната пролет. По слетувањето, ни следува трансфер до сместувањето. Се сместуваме во нашиот хотел и започнуваме со истражување на градот! Меделин е вториот по големина град во Колумбија. Град кој некогаш бил познат како домот на Пабло Ескобар, а денес е еден од најпознатите урбани центари на Колумбија. Го истражуваме центарот на Меделин, полн со историја и пеачките ноти на традиционалната музика - Guasca, свирени од музичари во паркот Берио. Одиме на најпознатиот плоштад во Меделин -- плоштадот Ботеро. Таму се познатите ликови на познатиот уметник Фернандо Ботер. Ќе ги посетиме и Ботаничката градина и музејот „Casa de la memoria“. Потоа со жичарницата се качуваме до ридот Санто Доминго, од каде ја започнуваме таканаречената Графити тура во популарната населба „Комуна 13“.

Превоз

Трансфер од сместувањето до аеродром
Локален лет Богота - Меделин, во економска класа со вклучен багаж
Трансфер од аеродром до сместувањето

Сместување

Хотел со 3* во Меделин 1 ноќ

Место

Богота
Меделин (Medellin)

Храна

Континентален појадок × 1

Факултативни излети

Medellin City Tour

Ова е нова можност да се запознаете со природните убавини на Колумбија, се оддалечиме од градската врева и заминуваме во мирниот и живописниот Гуатапе. Овој шармантен град е еден од најфотогеничните гратчиња во Колумбија. Ќе поминеме низ градовите Мариниља (Marinilla), каде што ќе најдеме колонијални згради и ќе ја почувствуваме страсната религиозна традиција на овој крај. Попатно застануваме во општината Ел Пењол, град кој бил поплавен за да може да се изгради брана за електрична енергија. Покрај браната е изграден нов град или "Новиот Ел Пењол". Се шетаме по улиците на овој град и посетуваме реплика на стариот Ел Пењол. Продолжуваме во шарениот Гуатапе -- град изграден кон крајот на седумдесеттите. Она што е карактеристично за Гуатапе е тоа дека на долните делови од куќите се насликани со различни детаљи, а фасадите се во силни бои што ова гратче го прави едно весело и опуштено место. Многу шарени куќи во колонијален стил, со тесни улички и продавници за сувенири. Место кое не смеете да го пропуштите во овој целиот регион е и тврдината Piedra del Peñol – карпата Peñol до чиј врв водат 740 скали! Од врвот можете да уживате во неверојатниот поглед на околината околу езерото и целиот регион! Вечерно излегување на пијачка и потоа во некој од локалните клубови. Дали знаевте дека Меделин е прогласен за град со најдобриот ноќен живот на #целсвет!!!

Сместување

Хотел со 3* во Меделин 1 ноќ

Место

Меделин (Medellin)

Храна

Континентален појадок × 1

Факултативни излети

El Peñol & Guatape

Се одјавуваме од хотелот и се упатуваме кон аеродромот во Меделин кадешто се качуваме на авион и летаме од Меделин до Картагена- Колумбиското Мајами! Ни следнува трансфер до сместување и потоа нашата авантура ја започнуваме со најлуксузната област во Картагена -- Бокагранде (областа каде што и сме сместени) и населбата Манга, хипи населба која се наоѓа на брегот на карипското море, каде ќе ги доживееме шарените куќи изградени во колониален стил. Потоа ќе го посетиме дворецот кој Шпанците настојувале да го заштитат од нападите на Англичаните во XVII век, “El Castillo De San Felipe de Barajas“. Авантурата ни продолжува со прошетка низ историскиот центар на овој прекрасен град. Стариот град е најубавиот дел на колонијалната архитектура во Колумбија - камени улици и згради стари повеќе од 300 години во најразновидни бои. Вечерта танцуваме меренга -- колумбиски танц, на еден од плоштадите на стариот град! Ноќевање.

Превоз

Трансфер од сместувањето до аеродром
Локален лет Меделин- Картагена во економска класа со вклучен багаж.
Трансфер од аеродром до сместувањето

Сместување

Oz Hotel Cartagena 1 ноќ

Место

Картагена (Cartagena)

Храна

Континентален појадок × 1

Факултативни излети

Cartagena City Tour

Ден за уживање на Карибите! Се возиме со глисер до еден од најегзотичните острови на карибите -- островот Росарио. Сцена како од филм, замислете си мал егзотичен рај во буквална смисла на зборот. Стотици палми, бел песок и најтиркизното карипско море!! Овие острови се најубавиот пример за 46-те национални паркови во Колумбија. Уживаме во коралните плажи и ќе се восхитуваме на разновидноста на животинскиот свет на гребенот. Идеално место за одмор и пливање. Вечерно дружење на плажа. Ноќевање.

Сместување

Oz Hotel Cartagena 1 ноќ

Место

Картагена (Cartagena)

Храна

Континентален појадок × 1

Факултативни излети

Isla del Rosario

Слободен ден за уживање!!

Сместување

Oz Hotel Cartagena 1 ноќ

Место

Картагена (Cartagena)

Храна

Континентален појадок × 1

Playa Blanca е сместена на Isla Baru југозападно од Картагена, Playa Blanca или Белата плажа е една од омилените плажи помеѓу локалците и ги поседува сите оние работи кои што треба да ги поседува една плажа од соништата -- мек бел песок, кристално чиста сина вода и илјадници палми кои што се огромни и си виорат со мирниот ветар, а воедно создаваат една идилична готово имаигнарна слика на егзотика. За добредојде насмеаните локалци ни послужуваат пијачка, потоа продолжуваме на нашите лежалки на самата плажа. Цел ден уживаме во егзотиката на карибите и незаборавните коктели на Коломбијанците!!

Сместување

Oz Hotel Cartagena 1 ноќ

Место

Картагена (Cartagena)

Храна

Континентален појадок × 1

Факултативни излети

Tierra Bomba Island - Marine Beach Club

Слободен ден за уживање во колумбиското Мајами!! Слободно време да посетиме некој од локалните beach барови, дa докупиме уште по некој сувенир и целосно да се опуштиме -- ова е нашиот последен ден во овој егзотичен град. За да се поздравиме со овој неверојатен град има можност да се организира крстарење на зајдисонце по карибите, ја пиеме нашата омилена пијачка и се забавуваме со нашето насмеано племе!! Ноќевање.

Сместување

Oz Hotel Cartagena 1 ноќ

Место

Картагена (Cartagena)

Храна

Континентален појадок × 1

Слободен ден за уживање !! Ноќевање.

Сместување

Oz Hotel Cartagena 1 ноќ

Место

Картагена (Cartagena)

Храна

Континентален појадок × 1

По појадок правиме check-out од нашиот хотел во Картагена и имаме трансфер до аеродром. Повторно се враќаме во незаборавната Богота. Правиме check-in во нашето сместување. Време е за посета на една од најпознатите атракции во Коломбија. Го посетуваме градот Зипакира, кој на јазикот на народот Chibcha значи „град на нашиот Татко“. Во предколумбискиот период, солта била најголем извоз на оваа област, а „солените колачи“ биле единствената валута за трговија. Со текот на времето, локалците почнале да ископуваат поголеми количини сол и така се создало подземниот рудник на сол. Во 1995 во овој рудник е изградена Солената катедрала, 180 метри под земја. Катедралата е навистина фасцинантна и е поделна во 3 дела -- секој дел опишува различен дел од животот на Исус Христос. Враќање во нашето сместување каде ја пиеме нашата последна пијачка за време на оваа незаборавна авантура!! Ноќевање.

Превоз

Трансфер од сместувањето до аеродром
Локален лет Картагена - Богота во економска класа со вклучен багаж.
Трансфер од аеродром до сместувањето

Сместување

Hotel bh Bicentenario 4* 1 ноќ

Место

Картагена (Cartagena)
Богота

Храна

Континентален појадок × 1

Факултативни излети

Zipaquirá – Солената Катедрала

Ова е нашиот последен ден во Богота, се одјавуваме од нашиот хотел и имаме трансфер до аеродромот. Попладневен лет од Богота за Скопје со преседнување во Истанбул.

Превоз

Трансфер од сместување до аеродром.
Индивидуален авио билет со сите такси на релација Богота- Истанбул (Turkish Airlines), во економска класа со вклучен багаж

Место

Богота
Истанбул

Храна

Континентален појадок × 1

Пристигнуваме во Истанбул и преседнуваме на лет за Скопје. Пристигнување во Скопје. Крај на патувањето.

Превоз

Индивидуален авио билет со сите такси на релација Истанбул - Скопје (Turkish Airlines), во економска класа со вклучен багаж

Место

Истанбул
Скопје

Поаѓања и цени

За повеќе информации за поаѓањето како цени, попусти, услови за плаќање, Ве молиме кликнете на полето со поаѓањето подолу

Сите уплати се вршат исклучиво во денарска противредност по курс од 62 денари за 1 евро и тоа: при пријавување се плаќаат 200€ (12.400,00 МКД) по лице. Преостанатиот дел се плаќа најдоцна 40 дена пред поаѓање. Можност за плаќање преку трансакциска сметка (на фактура) и со платежни картички Visa, Master, Maestro.

Препорачуваме рано пријавување на патници заради ограничениот број на места. При пријавувањето потребно е да се достави скренирана прва страница од патната исправа, која е валидна за датумот на патувањето (има важност минимум 6 месеци по датумот на враќање и има доволно празни страници во текот на патувањето), во спротивно агенцијата не одговара за печатење на авио билетот со погрешни податоци.

Што е вклучено

Сместување

Hotel bh Bicentenario 4 Пример 3 ноќи
Хотел со 3 во Меделин Пример 2 ноќи
Oz Hotel Cartagena Пример 6 ноќи

Превоз

Индивидуален авио билет со сите такси на релација Скопје - Истанбул (Turkish Airlines), во економска класа со вклучен багаж
Индивидуален авио билет со сите такси на релација Истанбул - Богота (Turkish Airlines), во економска класа со вклучен багаж
Трансфер од аеродром до сместувањето
Трансфер од сместувањето до аеродром
Локален лет Богота - Меделин, во економска класа со вклучен багаж
Трансфер од аеродром до сместувањето
Трансфер од сместувањето до аеродром
Локален лет Меделин- Картагена во економска класа со вклучен багаж.
Трансфер од аеродром до сместувањето
Трансфер од сместувањето до аеродром
Локален лет Картагена - Богота во економска класа со вклучен багаж.
Трансфер од аеродром до сместувањето
Трансфер од сместување до аеродром.
Индивидуален авио билет со сите такси на релација Богота- Истанбул (Turkish Airlines), во економска класа со вклучен багаж
Индивидуален авио билет со сите такси на релација Истанбул - Скопје (Turkish Airlines), во економска класа со вклучен багаж

Храна

11 × Континентален појадок

Не е вклучено

Меѓународно здравствено осигурување (може да се уплати во агенцијата)
Факултативни излети и влезници за културно-историски споменици
Локална туристичка еко такса

Факултативни излети

Напомена! Термините и цените на факултативните излети се од информативен карактер и истите се променливи, а зависат од слободните термини по локалитетите, бројот на пријавени патници и други објективни околности.

Bogota City Tour

Цена: 65,00 ^EUR

Денот го започнуваме со истражување на Богота – град во кој се испреплетуваат колонијалната историја, богатото културно наследство и динамичниот дух на современата Колумбија. Во текот на оваа шестчасовна авантура, заедно со локален водич ќе ги посетиме најзначајните знаменитости на главниот град и ќе ги откриеме приказните што ја обликувале неговата историја.

Нашата прва станица е ридот Монсерате, еден од најпрепознатливите симболи на Богота, кој се издига на 3.150 метри надморска височина. Покрај посетата на светилиштето, ќе уживаме и во спектакуларниот панорамски поглед кон целиот град – едно од оние места што едноставно мора да се доживеат.

Потоа продолжуваме кон Ла Канделарија, историското срце на Богота, каде калдрмисаните улици, колонијалната архитектура и шарените фасади ја раскажуваат приказната за почетоците на градот. Тука ќе ја почувствуваме автентичната атмосфера на престолнината и ќе дознаеме повеќе за нејзината богата историја.

Следува посета на Музејот на златото, еден од најпознатите музеи од ваков тип во светот, каде се изложени повеќе од 35.000 предколумбиски артефакти. Преку неговата богата колекција ќе се запознаеме со домородните цивилизации и нивното културно наследство.

Екскурзијата ја завршуваме на Плоштадот Боливар, политичкиот и историски центар на Колумбија, опкружен со импозантни државни и историски објекти кои го отсликуваат развојот на земјата низ вековите. Совршен крај на ден исполнет со историја, култура и незаборавни панорамски погледи.

Вклучено во цената: транспорт согласно планот и програмата, претставник од агенцијата, локален водич, влезници за наведените локалитети.
Времетраење на излетот: 6 часа
Цената на излетот е за пријавени 10 патници.

Medellin City Tour

Цена: 85,00 ^EUR

Меделин е град кој најдобро ја раскажува приказната за тоа како еден град може целосно да се трансформира. Од некогашниот симбол на криминалот, денес е пример за урбана преродба, иновации и креативност, а токму тоа ќе го откриеме на оваа целодневна авантура.

Денот го започнуваме во срцето на градот, на Плоштадот Ботеро, каде се наоѓаат препознатливите скулптури на најпознатиот колумбиски уметник, Фернандо Ботеро. Токму овде започнуваме да ја чувствуваме енергијата на Меделин, додека локалниот водич ни ги открива приказните за градот, неговата историја и неверојатната трансформација што ја доживеал во последните децении.

Продолжуваме со возење со метрото на Меделин, гордост на локалното население и симбол на модерниот развој на градот. Потоа се качуваме на MetroCable, кабинската жичарница која не е само туристичка атракција, туку секојдневно превозно средство што ги поврзува населбите изградени по ридовите со центарот на градот. Од кабините ќе уживаме во спектакуларни панорамски погледи кон долината Абура и ќе видиме од поинаква перспектива како инфраструктурата го променила животот на илјадници жители.

Кулминацијата на денот нè води во Комуна 13, населба која денес е симбол на надежта, уметноста и социјалната трансформација. Ќе прошетаме низ шарените улици исполнети со стотици графити и мурали, кои не се само уметнички дела, туку сведоштва за тешкото минато и новата иднина на оваа заедница. Ќе ги запознаеме локалните приказни, ќе дознаеме како културата и заедничките иницијативи го промениле животот во населбата и ќе ги посетиме познатите надворешни ескалатори, еден од најпрепознатливите симболи на урбаната преродба на Меделин, кои локалците со гордост ги нарекуваат „скали кон рајот“.

Ова е ден исполнет со инспиративни приказни, неверојатни панорамски погледи и едно сосема поинакво доживување на градот кој денес важи за еден од најиновативните во светот.

Во цената на излетот е вклучено: трансфери според предвидениот план и програма, карта за Cable car, ужинкa, традиционален ручек, локален водич, преставник од агенцијата.
Времетраење на излетот: 8 часа
Цената на излетот е за пријавени 10 патници.

El Peñol & Guatape

Цена: 100,00 ^EUR

Ајде да избегаме од градскиот метеж и да се упатиме кон едно од најживописните места во Колумбија – Гуатапе, гратче кое со право го носи епитетот едно од најфотогеничните во целата земја. Оваа целодневна авантура нè води низ прекрасните пејзажи на регионот Антиокија, каде природата, локалната култура и уникатната архитектура создаваат незаборавно доживување.

Нашата прва станица е карпата Ел Пењол (Piedra del Peñol) – една од најпознатите природни атракции во Колумбија. До самиот врв водат 740 скалила, а искачувањето е опционално. Оние што ќе одлучат да го освојат врвот ќе бидат наградени со спектакуларен панорамски поглед кон езерото Гуатапе и безбројните островчиња кои го прават овој предел еден од најубавите во земјата.

Потоа продолжуваме кон шарениот Гуатапе, град препознатлив по своите колоритни фасади и уникатните zócalos – декоративни релјефи кои ги украсуваат приземјата на куќите и раскажуваат приказни за локалната традиција, историја и секојдневниот живот. Прошетката низ неговите живописни улици е вистинско уживање и можност да се почувствува опуштената атмосфера покрај езерото.

По традиционалниот локален ручек, следува уште едно прекрасно доживување – возење со брод по езерото Гуатапе. Додека пловиме низ мирните води, ќе уживаме во погледите кон зелените ридови, скриените заливи и луксузните вили распослани долж брегот, откривајќи уште една поинаква перспектива на овој неверојатен предел.

Ден исполнет со природа, панорамски погледи, авантура и локален шарм – совршена можност да ја доживеете една од најубавите и најпосетуваните дестинации во Колумбија.

Во цената на излетот е вклучено: трансфери според предвидениот план и програма, влезница на карпата El Peñon, ручек, ужинки и пијалок, тура со бродче по езерото Гуатапе, преставник од агенцијата.

Времетраење на излетот: 10 часа
Цената на излетот е за пријавени 10 патници.

Cartagena City Tour

Цена: 80,00 ^EUR

Оваа 4-часовна екскурзија започнува со панорамско возење од историскиот центар на Картагена до манастирот Ла Попа, од каде се отвора прекрасен поглед кон градот, заливот и околните населби.

Потоа следува посета на тврдината Сан Фелипе де Барахас, најголемата шпанска тврдина во Јужна Америка. Ќе имате можност да ги истражите нејзините тунели и ходници, додека локалниот водич ќе ве запознае со битките, одбранбените стратегии и историските личности кои одиграле важна улога во заштитата на Картагена од пиратските напади.

Екскурзијата продолжува со пешачка прошетка низ историскиот центар на Картагена, каде ќе ги посетите најпознатите улици и плоштади. Низ интересни приказни за колонијалното минато и легендите за пиратите, водичот ќе ви ја доближи богатата историја на градот.

За време на прошетката ќе уживате во шарената колонијална архитектура, живописните плоштади и автентичната атмосфера, стекнувајќи подлабоко разбирање за културното и историското наследство на Картагена.

Во цената на излетот е вклучено: трансфери според предвидениот план и програма, влезници согласно планот и програмата, преставник од агенцијата.

Времетраење на излетот: 4 часа
Цената на излетот е за пријавени 10 патници.

Isla del Rosario

Цена: 110,00 ^EUR

Избегајте од градската гужва и поминете релаксирачки ден во еден од најмирните beach club комплекси на островите Росарио. Оваа целодневна екскурзија во Rosario de Mar by Tequendama е идеален избор за патниците кои сакаат да уживаат во кристално чистото Карипско Море, удобните содржини и спокојната островска атмосфера.

Поаѓањето е од Картагена, од каде со брод ќе пловите низ тиркизните води на Карипското Море до островите Росарио. По пристигнувањето во Rosario de Mar, денот е целосно наменет за одмор и уживање со сопствено темпо. Можете да се релаксирате на лежалките покрај плажата, да пливате во топлото море или едноставно да уживате во мирната тропска околина.

По пристигнувањето ќе бидете пречекани со пијалак за добредојде, а во текот на денот е вклучен и ручек со повеќе мени опции.

Со пристап до сите содржини на beach club-от, ова е совршена можност за ден исполнет со релаксација, удобност и вистинска карипска атмосфера, далеку од гужвата и забавите кои се карактеристични за некои од другите островски тури.

Во цената на излетот е вклучено: трансфери според предвидениот план и програма, влезница за Rosario de Mar Beach club, пијалок за добредојде, ручек (6 опции + безалкохолен пијалок), пристап до сите содржини на beach club-от (лежалки, тушеви).

Времетраење на излетот: 8 - 10 часа

Tierra Bomba Island - Marine Beach Club

Цена: 75,00 ^EUR

Одиме на уживање до ексклузивниот Marine Beach Club, сместен на островот Тиера Бомба, на само неколку минути пловидба од историскиот центар на Картагена.

Тука сè е создадено за целосно да се опуштите и да уживате во магијата на Карипското Море. Денот е резервиран за сончање, капење во топлите и кристално чисти морски води и уживање во мирната атмосфера на плажата, каде удобноста и природата совршено се надополнуваат.

Ќе имате пристап до пространиот beach club покрај плажата, ќе можете да уживате во освежителни пијалаци и да ја почувствувате опуштената островска атмосфера, идеална за бегство од градската динамика, а притоа останувајќи на само кратко возење со брод од Картагена.

Ова е совршена можност да го доживеете Карипското Море од поинаква перспектива – во амбиент кој нуди мир, удобност и вистински тропски дух.

Во цената на излетот е вклучено: трансфери според предвидениот план и програма, пијалок за добредојде, ручек со пијалок (избор од 4 опции), пристап до сите содржини на beach club-от (лежалки, тушеви, базен, игралиште за одбојка, биљард и сл).

Zipaquirá – Солената Катедрала

Цена: 110,00 ^EUR

Ве водиме од Богота до живописниот град Зипакира, дом на едно од највпечатливите чуда на Колумбија – Катедралата од сол.

Сместена недалеку од главниот град, Зипакира нуди уникатно доживување во поранешен рудник за сол, претворен во спектакуларна подземна катедрала. Ќе прошетате низ осветлените тунели исклесани во сол, ќе ги посетите Станиците на Крстот и ќе се восхитувате на импресивната централна сала со 15-метарскиот крст, како и на уникатната архитектура сместена длабоко под земјата.

По посетата на Катедралата од сол, екскурзијата продолжува во историскиот центар на Зипакира, каде калдрмисаните улици, колонијалната архитектура и живописните плоштади создаваат автентична атмосфера. Ќе имате слободно време за прошетка низ градот и можност да уживате во традиционален колумбиски ручек.

Совршена комбинација од историја, архитектура и локална култура – незаборавно полудневно бегство од динамиката на Богота.

Во цената на излетот е вклучено: трансфери според предвидениот план и програма, влезница за Zipaquirá Salt Cathedral, традиционален ручек, локален водич, преставник од агенцијата.
Времетраење на излетот: 7 часа
Цената на излетот е за пријавени 10 патници.

Сместување

Hotel bh Bicentenario 4*

Кликнете на сликата за да ја отворите галеријата

Ова е пример на сместување какво што можете да очекувате. Вистинското сместување може да биде друго, но слично во поглед на тоа што нуди.

Хотелот bh Bicentenario е хотел со 4* по локална категоризација во Богота. Модерен, реновиран и сместен во срцето на Богота, хотелот располага со бар и ресторан. Се сместуваме во двокреветни соби со сопствен тоалет, фен, пешкири, ТВ, бесплатен интернет и се што ни е потребно за еден комотен престој.

Услугата е на база ноќевање со појадок.

Вебсајт https://www.bhhoteles.com/en/b-h-bicentenario

Адреса Cra 4 # 16-13
Bogota
Cundinamarca

Хотел со 3* во Меделин

Хотел со 3 во Меделин е сместувачки објект со 3* по локална категоризација кој располага со двокреветни соби со сопствен тоалет. Услугата е на база ноќевање со појадок.

Oz Hotel Cartagena

Кликнете на сликата за да ја отворите галеријата

Oz Hotel Cartagena се наоѓа во најгламурозното маало во Картахена -- Бокагранде. Маало познато по прекрасни плажи и beach барови, луксузни кафулиња и ресторани. Хотелот се наоѓа на само 200 метри од плажа и располага со сопствен бар, ресторан и руфтоп тераса со прекрасен поглед над градот! Сите соби се климатизирани и имаат сопствено купатило, телевизор, сеф, фен, минибар, шампон итн.

Услугата е на база ноќевање со појадок.

Вебсајт https://www.ozhotel.com.co

Адреса Carrera 3 Nª4-61
Bocagrande
Bocagrande
570005 Cartagena de Indias
Colombia

Корисни информации

Овде ќе најдете корисни информации за самата дестинација, како и некои совети за ова патување.

Колумбија

Важни напомени

Ве молиме внимателно прочитајте ги овие напомени. Сметаме дека е исклучително важно нашите патници да бидат добро информирани, што овозможува помалку недоразбирања за време на патувањето и попријатно искуство.

Напомени:
Општи напомени:

Организатор на патувањето е TA ЦЕЛ СВЕТ ДОО СКОПЈЕ со лиценца УП 113-289 ОД 17.07.2024 година.
При пријавување, потребно е да доставите копија од пасош/податоци од пасошот со кој патникот ќе патува на самото патување. Патникот мора задолжително да го провери траењето и исправноста на патниот документ, како и бројот на слободни страници потребни за патувањето.
Сите пасоши мораат да имаат рок на важење минимум 180 дена (6 месеци) од датумот на враќање во земјата.
Организаторот на патувањето го задржува правото на измена на одредени содржини од програмата, во случај на вонредни околности и работи кои агенцијата не може да ги предвиди, за време на склучување на договорот.
Организаторот на патувањето не е овластен и не ја проценува валидноста на патните и други исправи.
За сите информации кои се дадени по усмен пат, агенцијата не сноси никаква одговорност.
Потписникот на Договорот за патување или претставникот на групата на патници е задолжен да ги информира и запознае сите патници со договорениот програм на патување, условите на плаќање, визирање и ОПШТИТЕ УСЛОВИ НА ПАТУВАЊЕ НА ТА ЦЕЛ СВЕТ од СКОПЈЕ.
Патниците се должни, два дена пред поаѓање, да го проверат точното време и место на поаѓање на групата.
Патникот е должен сам да се запознае со правилата на однесување во земјата во која патување и да ги почитува важечките законски царински прописи.
Во превозните средства најстрого е забрането пушење, конзумирање на алкохол и опојни средства.
Патниците се дожни да, во автобусите и другите превозни средства со кои се врши трансфер, останат на своите места и не смеат истите да ги напуштаат на места кои не се предвидени за пауза (граници, чек-поинт станици, патарини итн). Во случај патникот да го напушти возилото без претходен договор со претставникот на агенцијата, истиот сам ги сноси сите трошоци и последици.
Патникот кој преку неадекватно однесување, ги вознемирува останатите патници или смета на шоферите и/или придружникот на групата во својата работа, ќе биде одма исклучен од патувањето и целата одговорност преоѓа на него/неа, без право на жалба и враќање на пари.
Патникот е должен да ја почитува “саатницата” одредена од страна на претставникот на агенцијата на патувањето, во спротивно, претставникот на агенцијата има право да го исклучи патникот од патувањето.
Во туристичките автобуси не е можна употреба на тоалет. Во согласност со планот и програмот на патувањето, паузи се прават на 3-4 часа (во зависност од локацијата и опременоста на бензинските станици), кои патниците можат да ги користат за употреба на тоалет.
Агенцијата го одредува распоредот на седење, местото на поаѓање, местата за паузи и времетраењето на истите. Со плаќање на превозот, патникот го прифаќа горенаведеното, без право на приговор и жалба.
Аранжманот е направен на база на минимум 10 патници за далечни патувања и 50 патници за европски патувања.
Во случај на недоволен број на патници за реализација на аранжманот или други објективни околности, организаторот на патувањето ги информира патниците дека аранжманот е откажан – најкасно 10 дена пред датумот на поаѓање за далечни патувања и 5 дена пред датумот на поаѓање за европски патувања.
Кај аранжманите кои вклучуваат превоз со авион, по купување на авио картата, невозможно е средствата да се вратат и во тој случај – важат условите на авио компанијата.
Кај аранжманите кои вклучуваат low-cost авио компании, во случај на одложување на летот, откажување или губење на конекциите, патниците се дожни сами да ги платат новонастанатите трошоци и агенцијата не може да влијае на околностите кои се надвор од нејзиниот домет.
Цените на low cost аранжманите се подложни на промена. По уплата на авансот се проверуваат тарифите и на патникот му се потврдува цената на аранжманот.
Агенцијата не сноси одговорност доколку дојде до промена на авио конекциите од страна на авио компаниите.
Саатниците на летовите наведени во планот и програмот или добиени од страна на агенцијата се подложни на менување и зависат исклучиво од авио компанијата.
Агенцијата го задржува правото да го одбере превозното средство за трансфер. Трансферот се врши до самото сместување, доколку истото е физички возможно.
За сите понудени или достапни дополнителни доплати, кои имаат врска со планот и програмот на патувањето, или сместувањето, потребно е да се изјасните при пријавување.
Доколку некој патник сам одлучи да смени дел од планот и програмот на патувањето, агенцијата нема обврска на тој патник да му обезбеди трансфер/ран или доцен check-in или check-out во сместувањето/различни ноќевања во сместувањата, од она што е предвидено со планот и програмот на патувањето.
Малолетните патници за време на патувањето мора да имаат заверена согласност од родителите.
Заради почитување на саатниците предвидени со програмот на патување, како и почитување на времето на останатите патници од групата, не постои можност за задржување на границите кои претставуваат излез од Европска Унија, поради заверување на сметки и враќање на данок од Европската Унија (TAX FREE)
Наша препорака е да водите сметка за вашите лични документи и пари на Вашето патување.
За овој аранжман се применуваат ОПШТИТЕ УСЛОВИ ЗА ПАТУВАЊЕ.

Напомени во врска со сместувањето:

Организаторот на патувањето, ТА ЦЕЛ СВЕТ, го задржува правото на распоред по соби, во согласност со структурата на собите во сместувачкиот објект. Доколку постои можност, агенцијата се труди да излезе во пресрет на желбите на патниците (Ве молиме да имате разбирање. Ова патување пред сѐ треба да биде авантура и добра забава).
Во сместувачките објекти се влегува првиот ден од престојот во согласност со правилата на самиот сместувачки објект.Начесто, check-in е во попладневните часови (14h или 15h), а check-out – последниот ден од престојот, најчесто до 10h или 11h.
Описите на сместувачките објекти се од информативен карактер.
Некои од дополнителните содржини на сместувачките објекти се достапни со доплата. Постои можност на отстапувања и промена на достапноста на некои содржини, бидејќи истите зависат исклучиво од сместувачките објекти (нпр. Сеф, паркинг, мини-бар, ТВ, клима уред...)
Патникот е должен да ги почитува правилата на сместувачкиот објект и сам сноси одговорност доколку дојде да санкционирање од страна на персоналот на сместувачкиот објект
Во некои сместувачки капацитет во Азија, Африка и Латинска Америка – нема врела вода.
Сместувачките капацитети ги сместуваат патниците и го одредуваат распоредот и типот на собите спрема својата расположливост во дадениот момент. Агенцијата не е во можност да им потврди на клиентите дали креветите ќе бидат twin (раздвоени) или double (голем француски лежај), како ни спратноста во самото сместување, освен доколку тоа не е посебно назначено во Договорот. Клиентот со уплата на аранжманот се согласува со овие факти и условите на сместувањето, без право на жалба.
Патниците кои што патуваат сами во некои програми имаат можност да со доплата, престојуваат сами во еднокреветна соба. Доколку патникот сака да се спои со некој од другите патници од групата и не сака да плаќа доплата, прифаќа да се спои со било кое лице од групата, без оглед на возраста и полот на сопатникот. Во овие ситуации, агенцијата апсолутно не одговара за било какви евентуални непријатност или несогласувања кои патниците можат да ги имаат за време на патувањето.

Напомена во врска со факултативните излети:

Факултативните излети не се задолжителен дел од патувањата и за факултативните излети не е обезбедена заштита во поглед на гаранција за патувањето.
Термините и цените на факултативните излети се променливи и зависат од слободните термини по локалитетите, бројот на пријавени патници и други објективни околности.
Факултативните излети се реализираат од страна на локални агенции. ТА ЦЕЛ СВЕТ не е во можност да влијае на работи кои се надвор од нејзиниот домет, односно се врзани за самата реализација на излетот.
Факултативните излети се реализираат од локални туристички водичи, на самите локалитети, на англиски јазик. Со плаќање на излетот, патникот ги прифаќа сите услови на локалната агенција, без право на жалба.
Агенцијата не може да влијае на времетраењето на патувањата до локалитетите, времето на поаѓање, враќање или обиколка, како ни стручноста на локалните водичи.
При уплата на факултативен излет, патникот ги прифаќа условите на локалната агенција која е организатор на излетот. Доколку еден патник уплаќа излет во име на други патници, истиот е должен да ги извести сопатниците за условите на локалната агенција. Било какви измени и откажување од излетот по уплатата, не се возможни, ниту е возможно, под било кои околности, да се рефундираат уплатените средства.
Се молат сите патници, пред уплаќање на факултативен излет, да се информираат и упознаат со предвидениот план и услови за факултативниот излет.

Напомена во врска со визите:

Патниците задолжително мора да се запознаат со визниот режим на државата во која патуваат.
Некои амбасади бараат задолжително присуство на патникот за аплицирање за виза. Патниците се должни да ги испочитуваат правилата на амбасадата,
Патниците се должни да ги достават документите за визирање, најдоцна 1 месец пред патувањето, а доколку не ги достават во наведениот рок, должни се сами да ја обезбедат визата за патување.
Патниците кои не посеуваат нови биометриски пасоши на Република Македонија, должни се сами да се запознаат со визниот режим на државите во кои патуваат и сами да ги обезбедат визите за патување.
Агенцијата не гарантира дека на патникот ќе му биде одобрена виза и не е овластена да утврдува валидност на документи.
Агенцијата не сноси одговорност во случај на недобивање на виза.