Состанок на Меѓународниот аеродром во Скопје, два часа пред летот. Разговараме за футуризам, хедонизам и нова димензија додека со нетрпение го чекаме нашиот лет. Лет од Скопје до Лос Анџелес со кратко преседнување во Истанбул. Одиме на западот во градот на сонцето, филмовите и бескрајните авантури! Авантурата може да започне! Пристигнуваме во Лос Анџелес во попладневните часови. Трансфер до нашето сместување во срцето на градот. Веќе ја чувствуваме разликата, топлиот воздух, палмите, широките булевари... ова не е обичен град, ова е ЛА. Се сместуваме во хотелот и имаме слободно време за истражување. Светлата се различни од оние на Times Square, но енергијата е исто толку жива. Градот вибрира на своја фреквенција. Можеме да одиме на вечера и пијачка во некој rooftop бар со поглед кон Downtown LA или Sunset Strip да уживаме додека си велиме: "Good night, Los Angeles!" Ноќевање.

Превоз

• Индивидуален авио билет со сите такси на релација Скопје - Истанбул (Turkish Airlines), во економска класа со вклучен багаж
• Индивидуален авио билет со сите такси на релација Истанбул - Лос Анџелес (Turkish Airlines), во економска класа со вклучен багаж.
• Трансфер од аеродром до сместување.

Сместување

Best Western Plus Sunset Plaza Hotel 1 ноќ

Место

• Скопје
• Истанбул
• Лос Анџелес

Добро утро, Лос Анџелес! Се будиме во градот каде што секое утро мириса на нова авантура. А денот го започнуваме со прошетка низ легендарната Venice Beach. Овде ништо не е „веќе видено“ и токму затоа е совршено. Улични музичари, скејт-парк со локални легенди, графити што се менуваат секој ден, продавници со сè, од винтиџ очила до рачно насликани скејтборди. Изобилство на креативност и слобода. Следната станица ни е Santa Monica. Одеднаш, сè станува порелаксирано. Морскиот воздух, старото дрвено пристаниште со својата неверојатна енергија, рибарите кои фрлаат јадица, парови кои прават селфи… Имаме време за брз шопинг на Third Street Promenade, но и за малку уживање под некоја висока палма со кафе во рака. Во попладневни часови, се качуваме на Sunset Boulevard не за да стигнеме некаде, туку за да патуваме низ историјата на Холивуд. Сето ова го имате гледано на филм па затоа е лесно да ги препознаете имињата, зградите, билбордите. Секој агол има приказна. Продолжуваме низ Beverly Hills каде ќе ја почувствувате атмосферата на легендарните клубови, ресторани и светлата на големиот град. Ноќевање.

Сместување

Best Western Plus Sunset Plaza Hotel 1 ноќ

Место

• Лос Анџелес

Подгответе се, денес се возиме низ улиците на Лос Анџелес каде што секој агол личи на сцена од филм. Нашата авантура започнува во срцето на Beverly Hills, таму каде што палмите се повисоки, улиците пофини, а секоја куќа крие приказна. Следна станица Rodeo Drive. Да, таа Rodeo Drive. Местото каде што шопингот изгледа како парада на стил и статус. Дури и ако не купиш ништо, шетањето овде е како да си влезен во сцена од „Pretty Woman“ само што овојпат, ти си главниот лик. Gucci, Prada, Chanel, Dior… сè блеска, а атмосферата? Потполно филмска. И не, не е исклучено некој познат да ти помине покрај тебе. Но дури и ако не се случи тоа vibe-от сам по себе е доволен. Палми, скапцени коли, бавно возење по булеварите, светла што се одбиваат од излозите... ова не е обична прошетка ова е вистинско искуство. Ноќевање.

Сместување

Best Western Plus Sunset Plaza Hotel 1 ноќ

Место

• Лос Анџелес

Се одјавуваме од хотелот во Лос Анџелес и имаме трансфер до Лас Вегас, авантурата продолжува. Не е поминат ниту еден час, а веќе сме на автопат кој што е долг, рамномерен, со пустина што се протега колку што ви гледа окото. Планини во далечина, брановиден хоризонт и чувство како да патуваме низ филм. Патот до Лас Вегас не е обично возење тоа е вовед во светот што ни следи. Се возиме низ срцето на Југозападот, додека секој километар нè приближува се поблиску до неоните, светлата и ноќниот пулс на „Градот на гревот“. Во попладневните часови пристигнуваме во Лас Вегас. Првите импресии? Блескави хотели, огромни билборди, музика од сите страни и чувство дека токму тука секоја желба може да стане стварност. Се сместуваме во хотел и имаме слободно време истражување. Дали ќе прошеташ по легендарниот Strip, ќе скокнеш до некое од светски познатите казина, или едноставно ќе уживаш во градот што никогаш не се гаси? Добредојдовте во Лас Вегас местото каде што реалноста се меша со фантазијата. Ноќевање.

Превоз

• Трансфер од Лос Анџелес до Лас Вегас

Сместување

Downtown Grand Hotel & Casino 1 ноќ

Место

• Лос Анџелес
• Лас Вегас

Овој ден го посветуваме на нешто што тешко се опишува со зборови затоа што Гранд Кањон (Grand Canyon) не се гледа, туку се доживува. Рано наутро тргнуваме од Лас Вегас и влегуваме директно во срцето на Југозападот.
Патот нè води низ неверојатни пејзажи, пустини што изгледаат како од друг свет, и хоризонти што не завршуваат.  И конечно Гранд Кањон (Grand Canyon). Првиот поглед е секогаш најмоќен. Карпите, боите, длабочината… изгледа како да гледаш во самата историја на планетата. Се движиме покрај видиковци што ни ги запираат чекорите, правиме паузи за фотографии, но и за моменти во тишина затоа што ова е место што го заслужува твоето целосно внимание. За оние кои сакаат вистинска доза адреналин, тука е и Skywalk – стаклен мост над бездната. Чувство како да лебдиш. Само ти, небото, и еден од најмоќните природни спектакли на светот под тебе. На крајот од денот, се враќаме кон Лас Вегас со нова енергија. Ноќевање.

Сместување

Downtown Grand Hotel & Casino 1 ноќ

Место

• Лас Вегас

Утрото правиме check-out од хотелот во Лас Вегас. Локален лет до Сан Франциско, градот кој зрачи со уникатна магија и посебна енергија. По пристигнувањето, трансфер до хотелот каде се сместуваме и се подготвуваме за уште еден ден полн со возбудувања. Денот го започнуваме со факултативен излет до легендарниот остров Alcatraz – поранешниот затвор што крие приказни за најопасните престапници и мистерии кои одамна ја фасцинираат јавноста. Ќе имате можност да прошетате низ темните ќелии, да слушнете неверојатни приказни за храбри бегства и животот зад решетки што изгледа како сцена од филм, но е целосна вистина. Од врвот на островот, пред вас ќе се отвори незаборавен поглед кон градот и импресивнатa Златна порта (Golden Gate), каде суровата историја се среќава со живописната убавина на природата и градот. Ова не е само факултативен излет, туку вистинска приказна што уште долго ќе ја прераскажувате! Ноќевање.

Превоз

• Локален лет Лас Вегас - Сан Франциско во економска класа со вклучен 20kg чекиран и 7kg рачен багаж.
• Трансфер од аеродром до сместување

Сместување

Chancellor Hotel on Union Square 1 ноќ

Место

• Лас Вегас
• Сан Франциско

Денот го започнуваме со истражување на најживописниот дел од Сан Франциско, Fisherman’s Wharf, каде што морската атмосфера и свежиот океански воздух се чувствуваат на секој чекор. Овој дел од градот живее од вкусната храна, уличните изведувачи и енергијата што те влече да останеш подолго. Следно на листата е прочуениот Pier 39 или местото што не смееме да го пропуштиме. Безброј ресторани, продавници и неверојатна атмосфера. А, симпатичните морски лавови кои лежерно се одмараат на доковите се вистинската атракција и момент што ќе го паметите долго. Прошетка покрај океанот, дегустација на свежи морски деликатеси и фотографии со едни од најпрепознатливите симболи на градот! Ноќевање.

Сместување

Chancellor Hotel on Union Square 1 ноќ

Место

• Сан Франциско

Денот го започнуваме со еден од најимпресивните погледи што постојат во Америка додека шетаме по легендарниот Golden Gate Bridge. Замислете го овој момент: ветар во косата, океан на една страна и неверојатен поглед што ќе ве остави без здив. Ова е таа икона што сите ја знаеме. Потоа продолжуваме во зелената оаза на градот – Golden Gate Park. Поголем и од Централ Парк, овој простор е вистинско мало царство на природата, со езерца, тајни патеки и цветни градини. Совршено место за да се наполните со свежина и енергија пред да продолжи денот. Попладнето ни носи вистинска боемска приказна. Почнуваме со Painted Ladies или шарените викторијански куќички кои изгледаат како од филм. Зад нив се протега градот, создавајќи совршен спој на старо и ново руво. Потоа тргнуваме кон Lombard Street или позната како „најкривулеста улица на #ЦелСвет“! Oваа улица е магнет за фотографии и добра забава. Го завршуваме денот во срцето на градот односно на Union Square. Место со неверојатна енергија, продавници за шопинг, кафулиња и уметност насекаде. Идеално за да направите пауза, да се напиете кафе и да уживате во пулсот на Сан Франциско како вистински локалец. Ноќевање.

Сместување

Chancellor Hotel on Union Square 1 ноќ

Место

• Сан Франциско

Го напуштаме нашето сместување. Имаме слободно време да прошетаме низ Сан Франциско, да докупиме уште по некој сувенир и да посетиме уште некое култно место. Попладневен трансфер од хотел до аеродром.

Превоз

• Трансфер од сместување до аеродром
• Индивидуален авио билет со сите такси на релација Сан Франциско - Истанбул (Turkish Airlines), во економска класа со вклучен багаж.

Место

• Сан Франциско
• Истанбул

Пристигнување во Истанбул. Преседнување на лет за Скопје. Пристигнување во Скопје во вечерните часови. Крај на патувањето.

Превоз

• Индивидуален авио билет со сите такси на релација Истанбул - Скопје (Turkish Airlines), во економска класа со вклучен багаж

Место

• Истанбул
• Скопје