Состанок на патниците во Скопје и трансфер до аеродромот во Белград, Србија. Лет од Белград до Ченгду со преседнување до Доха. 

Превоз

• Приватен трансфер од Скопје до аеродромот во Белград
• Индивидуален авио билет со сите такси на релација Белград-Доха (Qatar Airlines), во економска класа со вклучен багаж

Место

• Скопје
• Белград
• Доха

Пристигнуваме во Ченгду во попладневните часови и правиме трансфер до нашето сместување. По чек ин, имаме слободно време за прошетка и да ги впиеме првите впечатоци на овој град. Ноќевање.

Превоз

• Индивидуален авио билет со сите такси на релација Доха-Ченгду (Qatar Airlines), во економска класа со вклучен багаж
• Приватен трансфер од аеродром до сместувањето

Сместување

Хотел *** 1 ноќ

Место

• Доха
• Ченгду (Chengdou)

Градот Ченгду е главен град на покраината Сечуан и е познат по своите центри за заштита и размножување на пандите. Нашата прва станица во разгледувањето на градот е најголемиот центар за панди во светот, каде што ќе имаме можност одблизу да ги запознаеме овие прекрасни животни. По посетата на центарот за панди, продолжуваме кон таоистичкиот храм Qingyang, најстариот таоистички храм во покраината Сечуан. Историјата на храмот датира од пред околу три илјади години, а особено значење добил во VII век, кога таоизмот бил широко распространет во овој регион. Низ својата историја, храмот бил повеќепати обновуван, а денес најдобро се зачувани деловите што потекнуваат од периодот на владеењето на династијата Ќинг. Излетот го продолжуваме со посета на Народниот парк, првиот јавен парк во градот, кој воедно е и еден од најголемите паркови во Ченгду. Разгледувањето го завршуваме во традиционалниот кварт Kuanzhai Xiangzi, познат и како „Широките и тесните улички“. Овој шармантен дел од градот е исполнет со традиционални ресторани во кои можете да ја пробате прочуената, пикантна сечуанска кујна, како и со продавници за сувенири и барови. По завршувањето на излетот се упатуваме кон железничката станица каде се качуваме на вечерниот воз кон Пекинг. Ноќевање во воз. 

Превоз

• Трансфер со брз воз од Ченгду до Пекинг

Сместување

Хотел *** 1 ноќ

Место

• Ченгду (Chengdou)

Храна

• Континентален појадок × 1

Тргнуваме на целодневен факултативен излет низ Пекинг. Разгледувањето го започнуваме со плоштадот Тјенанмен, сместен во срцето на Пекинг, каде што се наоѓа мавзолејот на Мао Це Тунг, основачот на Народна Република Кина и еден од најзначајните лидери во историјата на земјата. Влезот е украсен со познатите мермерни лавови, а плоштадот е еден од најголемите и најпознатите во светот. Продолжуваме кон еден од најпрепознатливите симболи на Кина, веднаш по Кинескиот ѕид – Забранетиот град. Овој огромен комплекс од царски палати и храмови со векови бил центар на кинеската царска моќ. Во него живееле и владееле императорите од династиите Минг и Ќинг. За време на посетата ќе ги разгледаме величествените палати и историските простории, исполнети со уметнички дела и сведоштва за раскошот на некогашниот царски двор. По посетата на Забранетиот град, продолжуваме кон паркот Џингшан, еден од најпознатите паркови во Пекинг. Неговата особеност е вештачкиот рид од чиј врв се отвора незаборавна панорамска глетка кон покривите и величествениот комплекс на Забранетиот град. По излетот се враќаме во нашето сместување. Ноќевање.

Сместување

Хотел со 3* во Пекинг 1 ноќ

Место

• Пекинг (Beijing)

Храна

• Континентален појадок × 1

По појадокот тргнуваме на еден од највозбудливите факултативни излети, кој несомнено ќе биде еден од врвните моменти на нашата авантура во Кина. Нè очекува посета на уште едно светско чудо – величествениот Кинески ѕид. Неговата изградба траела повеќе од 2.000 години. Оваа грандиозна градба, која често се опишува како огромен змеј што се протега низ северниот дел на Кина, минува низ планини, шуми и долини. Изграден со цел да ја заштити земјата од непријателските напади, Кинескиот ѕид претставува едно од најимпресивните архитектонски достигнувања во историјата. До ѕидот се искачуваме со жичарница, а потоа ја започнуваме нашата авантура на неговите врвови! Ќе се искачуваме до различни видиковци, ќе истражуваме кули и премини и ќе се восхитуваме на необичните скалила, од кои некои се високи само неколку сантиметри, додека други достигнуваат висина од еден до два метра. Ќе уживаме во прекрасните панорамски глетки додека ги слушаме приказните и историјата на ова светско чудо. Подгответе ги телефоните и фотоапаратите, бидејќи ова е место што ќе сакате да го фотографирате од секој агол! По незаборавната авантура на Кинескиот ѕид, продолжуваме кон паркот Шичахај, живописна област во срцето на Пекинг, позната по своите езера, зеленило и традиционална атмосфера. Овде ќе имаме слободно време за одмор и уживање во прекрасниот амбиент. Потоа се упатуваме кон Хоухај Хутонг, дел од историските квартови на Пекинг, познати по тесните улички, традиционалните кинески куќи и автентичниот дух на некогашниот царски град. Враќање во хотелот. Ноќевање.

Сместување

Хотел со 3* во Пекинг 1 ноќ

Место

• Пекинг (Beijing)

Храна

• Континентален појадок × 1

Го напуштаме сместувањето во утринските часови и се упатуваме кон аеродромот во Пекинг. Имаме локален лет од Пекинг до Токио. По пристигнување во Токио, се упатуваме кон нашето сместување со јавен превоз. По чек ин и кратка пауза за одмор ја започнуваме нашата авантура со истражување на престолнината на “Земјата на Изгрејсонцето” - Токио. Имајте на ум дека во Токио има толку многу да се види што не е возможно да видиме се’ во само еден ден, па нашето истражување го имаме поделено во два дена. Започнуваме во прекрасниот живописен дел од градот наречен Асакуса (Asakusa), место во кое може сеуште да се почувствува атмосферата и духот на старата Јапонија. Тука ќе посетиме еден од најважните храмови на Еdo периодот, Сенсо-џи (Sensō-ji) или Asakusa Kanon. Во непосредна близина се наоѓа и улицата Накамисе (Nakamise), позната по нејзините автентични продавници за сувенири и начичкани тезги каде имаме прилика да пробаме превкусни традиционални јапонски слатки. Продолжуваме во Ueno паркот каде го наоѓаме нашиот зен и уживаме во мирот и спокојот опколени со илјадници јапонски цреши!! Правиме кратка пауза и продолжуваме кон познатата Кралска Палата која не е отворена за посетители, но се наоѓа во исклучително живописен јапонски парк во самиот центар на градот. Потоа следува посета на Мetropolitan Government (Tochō), третата највисока зграда во Токио, каде ќе уживаме во прекрасниот панорамски поглед на овој неверојатен град. Во попладневните часови одиме во областа Шинџуку (Shinjuku), позната како област која „не спие“. Област со високи облакодери, широки трговски улици и безброј кафулиња, барови и ресторани. А нашата вечер ја завршуваме во областа Кабукичо (Kabukicho), една од најживите области во Токио, полна со уникатни барови (на пример, робот ресторани) и безброј дискотеки во кои танцуваме цела ноќ!!! Ноќевање.

Превоз

• Приватен трансфер од сместувањето во Пекинг до аеродром
• Локален лет од Пекинг до Токио
• Трансфер од аеродром до сместувањето

Сместување

APA Hotel Asakusabashi Ekikita 1 ноќ

Место

• Пекинг (Beijing)
• Токио

Нашата авантура во Токио продолжува и следниот ден со посета на квартот Цукиџи (Tsukiji), јапонскиот „град на храната“ каде ќе наидеме на секаков вид традиционална јапонска храна. Уживаме во вкусот на оригиналното јапонско суши и други специјалитети од свежа риба. По ручек, ја продолжуваме нашата авантура кон Гинза, најстариот и најпознат шопинг кварт во Токио. Посетуваме традиционален Кабуки (Kabuki) театар. Кабуки претставува традиционална јапонска форма на театар чии корени датираат од Едо периодот. Продолжуваме во Шибуја, една од најживописните во Токио, област позната по шопинг и вообичаениот метеж на најпознатата раскрница на #целсвет!! Уживаме во шопинг во една од стотиците стоковни куќи и трговски центри во оваа област. Fun fact: во оваа област се започнати многу познати јапонски модни трендови! Како дел од нашата посета на Шибуја, ќе ја посетиме и областа Харајуку (Harajuku), која го претставува срцето на јапонската младинска култура и Омотесандо (Omotesandō), најскапиот кварт во Токио. Вечерта продолжуваме на пијачка во некои од локалните барови во Шибуја! Ноќевање. 

Сместување

APA Hotel Asakusabashi Ekikita 1 ноќ

Место

• Токио

Овој ден го користиме за прошетка низ Токио, купување сувенири и истражување на најубавите ресторани и кафулиња. Ноќевање.

Сместување

APA Hotel Asakusabashi Ekikita 1 ноќ

Место

• Токио

Го напуштаме сместувањето во Токио во утринските часови и се упатуваме кон Осака со воз. Правиме чек ин во нашето сместување и ја започнуваме прошетката низ овој град. .Шетајќи низ Осака, носиме заклучок дека ова е еден одлично уреден град со 9 милиони жители. Ручаме во Дотонбори кварт во градот, која е гастрономски центар во Јапонија поради големиот број на ресторани. Тука се наоѓа Кани Дораку, познатиот “краба знак” – покрај кој секој турист се фотографира. Не пропуштајте да ги пробате такојаки куглите и окономијаки палачинките. Градот изгледа футуристички. Тука настанал првиот робот на светот, а ние ќе запознаеме уште една димензија на Осака. Ќе ја посетиме внатрешноста на дворецот во Осака, која е сега музеј од времето на самураите. Во прашање е исклучителна градба од 17-тиот век. За дворецот е заслужен шогунот Хидејоши Тојотоми, итар владетел кој повеќе од се’, сакал жени и чај. Како таков бил и запамтен – необичен хедонист, што од него наследиле и сегашните жители на Осака, кои ги бие ист глас. Специфично за замокот е што тој монументално се издигнува над сакура крошните. Ноќевање.

Превоз

• Трансфер од Токио до Осака

Сместување

APA Hotel Higashi Umeda Minami Morimachi Ekimae 1 ноќ

Место

• Токио
• Осака

Овој ден е резервиран за незаборавна авантура во Кјото. Градот, кој од 794 година, па се’ до 19-тиот век бил престолнина на Јапонија и кралски град, е исполнет со традиција и го носи содветниот прекар „градот на илјада години“. Се враќаме во минатото, во традиционална Јапонија, а контрастот помеѓу футиристичкиот Токио и Осака навистина ќе не остави без здив! Кјото е еден од ретките градови каде што можете сеуште да видите Јапонски традиционални куќи. Денот го започнуваме со посета на Kiyomizudera, еден од најпознатите храмови во Кјото, познат по својата импресивна дрвена тераса и прекрасниот поглед кон градот. Продолжуваме со прошетка низ историската област Higashiyama, каде што традиционалната јапонска архитектура и автентичната атмосфера на старото Кјото нè враќаат во минатото. Потоа го посетуваме Gion, познатиот кварт на гејшите, препознатлив по традиционалните дрвени куќи и тесните улички што го чуваат духот на старото Јапонско царство. За крај, го посетуваме Kinkakuji – Златниот павилјон, еден од најпознатите симболи на Кјото.  Храмот се наоѓа на листата на УНЕСКО за светско културно наследство. Специфично за овој храм е тоа што покривот на овој храм е прекриен со златни лисја. Првобитно е изграден како вила на шогунот Јошимичуа. По неговата смрт, станал зен храм, а денес зен градина го опкружува овој блескав павиљон кој во себе крие необични приказни за сопственото совршенство. Неколку пати е запален до темел, дури два пати во Онинската војна во 15-ти век, но и во неодамнешната историја. Имено, во 1950 година, еден монах фанатик го запалил храмот и пробал да се самоубие. Храмот е обновен во 1955 година. Уживаме во средни дрвца, езерце и бесконечно зеленило кое нѐ транспортира во едно поинакво време. Имаме слободно време за прошетка а потоа се враќаме кон нашето сместување во Осака. Ноќевање. 

Сместување

APA Hotel Higashi Umeda Minami Morimachi Ekimae 1 ноќ

Место

• Осака

Овој ден го истражуваме Хирошима -- најважниот град во регионот Чугоку!! Трансфер со воз од Осака до Хирошима. Нашиот прв впечаток е дека Хирошима е голем, но тивок град со малку жители. Сепак, во него живеат милион луѓе и е местото каде што на 06.08.1945 година експлодирала првата атомска бомба. Оттогаш овој град се здобил со тажна слава и неговото име, кое не било толку познато пред тој ден, се наоѓа во сите историски книги денес. Бомбата која уби околу 150.000 луѓе и ја предизвика една од најголемите трагедии познати на човештвото и едно од најтрагичните поглавја на 20-тиот век. Го разгледуваме паркот и Меморијалниот музеј на мирот, во спомен на кобниот датум, посветен на сите оние кои загинале во експлозијата на атомската бомба. Меморијалниот музеј на мирот, отворен во 1955 година, десет години по војната е навистина посебен и има да се види толку многу што е неверојатно! Музејот е посветен на жртвите од атомската бомба и за моментите поминати таму, ќе ви покаже некои од најшокантните работи што се случиле овде и ќе ги сподели со вас приказните и исповедите на луѓето кои живееле во Хирошима. Музејот има две згради и ни раскажува за бомбата и тешките денови кои следеле. Има проекција како се одвивал денот, фотографии, сведоштва, предмети стопени од радиоактивна топлина и можност секој од нас да поднесе петиција за забрана на нуклеарно оружје во светот! Во целиот меморијален парк ќе ги видиме спомениците, од кои особено е интересен кенотафот, на кој се испишани имињата на сите жртви од бомбардирањето, како и Детскиот споменик на мирот, посветен на сите деца кои настрадале од атомската бомба. Потоа одиме на островот Мијаџима да ги посетиме познатите црвените водени порти (Тории). Уживаме во свежи остриги и други вкусни морски плодови. Во вечерните часови се враќаме со воз до Осака. Ноќевање.

Сместување

APA Hotel Higashi Umeda Minami Morimachi Ekimae 1 ноќ

Место

• Осака

Го напуштаме нашето сместување во утринските часови и се упатуваме кон аеродромот во Осака. Имаме локален лет до Шангај. По пристигнување, се упатуваме кон нашето сместување и започнуваме со истражување на модерните достигнувања на Шангај, односно неговите најпознати улици -- Xintiandi, The Bund и Nanjing. Xintiandi e поранешна населба на стариот Шикумен и е реинкарнирана во блескава и современа област во Шангај со одлични ресторани, луксузни клубови и бутици. Потоа се упатуваме кон познатнто пристаниште The Bund -- луксузно место, со ресторани и преубава глетка над Shanghai-waterfront. Нашата прошетка ја завршуваме со модерна, осветлена улица полна со продавници и ресторани, една од најскапите шопинг улици на светот која се носи рамо до рамо со познатата Takeshita (Harajuku) во Јапонија, Champs-Élysées во Франција и Oxford Street во Лондон -- Nanjing Road. По излетот се враќаме во сместувањето. Ноќевање.

Превоз

• Трансфер од сместување до аеродромот во Шангај
• Локален лет од Осака до Шангај
• Приватен трансфер од аеродром до сместувањето

Сместување

Хотел со 3* во Шангај 1 ноќ

Место

• Осака
• Шангај (Shanghai)

Започнуваме со градините Ју Јуан (или само градините Ју - што во превод значи градините на задоволството) се едни од најубавите градини во цела Кина. Овие градини се наоѓаат во срцето на стариот дел на Шангај. Јујуан е област која е сокриена меѓу куп облакодери, област со мали традиционални куќички и бујно зеленило. Улиците се полни со луѓе, продавници и прекрасни кинески куќички. Градините Ју Јуан се изградени во 16тиот век и се отворени за јавноста во 1961 година. На површина од околу 20.000 квадратни метри се наоѓаат традиционални кинески павилјони, неколку езерца, егзотични карпи, стари дрвја и шарени цвеќиња. Градината е поделена на шест тематски зони. Еден од најпознатите делови на градините Ју Јуан е карпата Жад, која се наоѓа спроти обзерваторијата Јухуа од каде и всушност се набљудува оваа карпа. Станува збор за прекрасна карпа висока над три метри, која има 72 дупки. Посебната карактеристика на оваа карпа е што ако под неа запалите темјан, чадот магично ќе излезе од сите 72 дупки. Ако преку врвот се истури вода во карпата, таа ќе тече од сите дупки и ќе создаде прекрасна глетка. Ја посетуваме и улицата Ченгхуангмиао, како и округот Ксинтианди. Оттаму продолжууваме кон градот Тианзифанг, мини-град кој има само станбени згради и фабрики кои се претворени во уметнички инсталации, каде има хипстерски барови, кафулиња, продавници, дизајнерски студија, и галерии. По излетот се враќаме во нашето сместување. Ноќевање.

Сместување

Хотел со 3* во Шангај 1 ноќ

Место

• Шангај (Shanghai)

Храна

• Континентален појадок × 1

Претпладнето го користиме за прошетка низ градот и купување сувенири. Попладнето го напуштаме нашето сместување и се упатуваме кон аеродромот во Шангај. Лет од Шангај до Белград, со преседнување во Доха. 

Превоз

• Трансфер од сместување до аеродромот
• Индивидуален авио билет со сите такси на релација Шангај-Доха (Qatar Airlines), во економска класа со вклучен багаж

Место

• Шангај (Shanghai)
• Доха

Храна

• Континентален појадок × 1

Лет од Доха до Белград. Трансфер од Белград до Скопје и крај на патувањето. 

Превоз

• Индивидуален авио билет со сите такси на релација Доха-Белград (Qatar Airlines), во економска класа со вклучен багаж
• Трансфер од аеродромот во Белград до Скопје

Место

• Доха
• Белград
• Скопје