Србија Хрватска Босна и Херцеговина Словенија
Листа на желби (0)

Кина - Пекинг и Шангај

цена од
2.049
EUR ,00
траење
11 дена
Барање
Барање

Шангај и Пекинг, патување полно со контрасти 🐉

Креиравме програма што ве носи од футуристичкиот Шангај до царскиот Пекинг и ги спојува најсилните симболи на Кина во едно патување. Облакодери, традиционални квартови, Забранетиот град и Кинескиот ѕид се менуваат како сцени од различни светови, а токму тие контрасти ја прават Кина толку впечатлива.

Од облакодери до Забранетиот град ✨

Во едно патување преминувате од The Bund, Nanjing Road и модерниот Шангај до Tiananmen Square и Забранетиот град во Пекинг. Токму тој контраст меѓу стара и нова Кина ја прави програмата толку посебна.

Го гледате и модерниот и традиционалниот Шангај 🏙️

Шангај не е само футуристички skyline. Yu Garden, Chenghuangmiao и Tianzifang ја покажуваат старата, локална страна на градот, додека The Bund и Nanjing Road ја носат неговата модерна енергија.

Xitang, Кина што изгледа како од друг век 🏮

На кратко го напуштаме ритамот на мегалополисот и влегуваме во древен воден град со канали, мостови, чајџилници и црвени фенери. Xitang е оној дел од патувањето што ви покажува колку различна може да биде Кина само неколку часа подалеку од Шангај.

Со брз воз од Шангај до Пекинг 🚄

И самиот трансфер е дел од искуството. Наместо класично префрлање, патуваме со кинески брз воз и на едно патување ги поврзуваме двата најважни градови во земјата.

Освоено уште едно светско чудо, Кинескиот ѕид 🧱

Стоиш на место за кое си слушал цел живот, а сега конечно чекориш по него. Кули, видиковци и ѕид што се губи низ планините пред тебе, момент што навистина остава чувство дека си освоил уште едно од оние места што мора да се доживеат барем еднаш во животот.

Пекинг, царска Кина што сè уште се чувствува 🏯

Забранетиот град, Летната палата, Небесниот храм и традиционалните хутонзи ја покажуваат историската страна на земјата. Овде не гледате само знаменитости, туку цели векови кинеска историја собрани во еден град.

Стара Кина, нова Кина и сè помеѓу 💯

Во иста програма добивате древни палати, традиционални квартови, водени градови, футуристички облакодери и еден од најмодерните транспортни системи во светот. Не гледате само една Кина, туку повеќе различни лица на иста земја.

Сè ти е средено 🤍

Летови, трансфери, сместување, водич, локална организација и внимателно избрани искуства се однапред поврзани во една комплетна програма. Тебе ти останува само да ја доживееш Кина.

Рута
Скопје
Истанбул
Шангај (Shanghai)
Пекинг (Beijing)
Истанбул
Скопје
Превоз
Авион, Локален трансфер, Воз
Сместување
Хотел
Организатор
ЦЕЛ СВЕТ ДОО СКОПЈЕ Скопје, Македонија
Дестинации
Азија, Кина
Видови патувања
Далечни Патувања 🌍
Код на патување
CN3
Тежина
Погодно за деца
Не

План и програма

Планот и програмата важи за следните поаѓања

Состанок на патниците на Mеѓународниот Aеродом во Скопје два часа пред лет. Лет од Скопје за Истанбул. Пристигнување во Истанбул. Конекција на лет за Кина.

Превоз

  • Индивидуален авио билет со сите такси на релација Скопје - Истанбул (Turkish Airlines), во економска класа со вклучен багаж
  • Индивидуален авио билет со сите такси на релација Истанбул - Шангај (Turkish Airlines), во економска класа со вклучен багаж

Место

  • Скопје
  • Истанбул

Пристигнуваме во најголемиот град во Кина. Град кој е еден сосема нов футуристички универзум со огромни облакодери, раздвижени улици, неонски знаци, електрични возила.... град кој не спие!! Град во кој живеат 25 милиони жители, но и град каде што се е средено до најситниот детал. Градот е доведен до совршенство, па во целиот тој совршен амбиент луѓето пронаоѓаат убавина, восхит и чудење во антонимот "организирана гужва". Имаме слободно време за уживање и запознавање со оваа чудесна утопија на иднината.

Превоз

  • Трансфер од аеродром до сместувањето

Сместување

Harbour Plaza Metropolitan Hotel 4* 1 ноќ

Место

  • Шангај (Shanghai)

По појадок, овој ден го започнуваме со градините Ју Јуан (или само градините Ју - што во превод значи градините на задоволството) се едни од најубавите градини во цела Кина. Овие градини се наоѓаат во срцето на стариот дел на Шангај. Јујуан е област која е сокриена меѓу куп облакодери, област со мали традиционални куќички и бујно зеленило. Улиците се полни со луѓе, продавници и прекрасни кинески куќички. Градините Ју Јуан се изградени во 16тиот век и се отворени за јавноста во 1961 година. На површина од околу 20.000 квадратни метри се наоѓаат традиционални кинески павилјони, неколку езерца, егзотични карпи, стари дрвја и шарени цвеќиња. Градината е поделена на шест тематски зони. Еден од најпознатите делови на градините Ју Јуан е карпата Жад, која се наоѓа спроти обзерваторијата Јухуа од каде и всушност се набљудува оваа карпа. Станува збор за прекрасна карпа висока над три метри, која има 72 дупки. Посебната карактеристика на оваа карпа е што ако под неа запалите темјан, чадот магично ќе излезе од сите 72 дупки. Ако преку врвот се истури вода во карпата, таа ќе тече од сите дупки и ќе создаде прекрасна глетка. Ја посетуваме и улицата Ченгхуангмиао, како и округот Ксинтианди. Оттаму продолжууваме кон градот Тианзифанг, мини-град кој има само станбени згради и фабрики кои се претворени во уметнички инсталации, каде има хипстерски барови, кафулиња, продавници, дизајнерски студија, и галерии. Вечерно враќање во сместување. Ноќевање

Сместување

Harbour Plaza Metropolitan Hotel 4* 1 ноќ

Место

  • Шангај (Shanghai)

Храна

  • Континентален појадок × 1

Факултативни излети

По појадок, време е да се запознаеме со долгата историја на оваа древна земја. Нашиот ден го започнуваме со посета на Shanghai Museum -- еден од најпознатите музеии во Кина. Оттука започнуваме со истражување на модерните достигнувања на Шангај, односно некои од најпознатите улици на овој град -- Xintiandi, The Bund и Nanjing.  Овој елегантен музеј, отворен во 1996 година, содржи единаесет најсовремени галерии во кои се сместени кинеските меѓународни стандардни експонати од бронзи, слики, скулптури, керамика, жад и мебел од династијата Минг и Кинг. Xintiandi e поранешна населба на стариот Шикумен и е реинкарнирана во блескава и современа област во Шангај со одлични ресторани, луксузни клубови и бутици. Потоа се уплатувамне кон познатнто пристаниште The Bund -- луксузно место, со ресторани и преубава глетка над Shanghai-waterfront. Нашата прошетка ја завршуваме со модерна, осветлена улица полна со продавници и ресторани, една од најскапите шопинг улици на светот која се носи рамо до рамо со познатата Takeshita (Harajuku) во Јапонија, Champs-Élysées во Франција и Oxford Street во Лондон -- Nanjing Road. Враќање во сместувањето. Ноќевање.

Сместување

Harbour Plaza Metropolitan Hotel 4* 1 ноќ

Место

  • Шангај (Shanghai)

Храна

  • Континентален појадок × 1

Факултативни излети

По појадокот се упатуваме да го посетуваме и еден од најпознатите водни градови во Кина --  Xitang, кој до ден, денес го има зачувано духот на древна Кина. Сведочиме на контрастот со лудиот и модерниот Шангај -- храмови, тесни улички, чајџилници, канали, црвени кинески фенери и традиционален начин на живот. Сосема прекрасно искуство во овој древен воден град. Се возиме со брод, уживавме во вкусна храна и грицки, а исто така правиме незаборавни фотографии. Целодневно дружење и истражување во овој прекрасен мал град, но со богата историја. По посетата се враќаме назад во хотелот. Ноќевање.

Сместување

Harbour Plaza Metropolitan Hotel 4* 1 ноќ

Место

  • Шангај (Shanghai)

Храна

  • Континентален појадок × 1

Факултативни излети

Го напуштаме нашето сместување во Шангај и тргнуваме за Пекинг во раните утрински часови. Се возиме со познатите брзи возови со кои буквално летаме. Ова се најбрзите возови на #целсвет: незаборавно искуство! По пристигнувањето во Пекинг имаме слободно време за да се запознаеме со главниот град на Кина. Град исполнет со многу приказни, традиции и историја. Потоа се упатуваме и правиме check-in во нашето сместување. Имаме слободно време за да одмориме или да излеземе во некои од локалните ресторани -- ии конечно да ја пробаме познатата Пекиншка патка. Ноќевање.

Превоз

  • Трансфер со брз воз од Шангај до Пекинг

Сместување

Beijing Guantongjianhui Hotel A 1 ноќ

Место

  • Пекинг (Beijing)

Храна

  • Континентален појадок × 1

Рано наутро тргнуваме на целодневен факултативен излет во Пекинг. Започнуваме со плоштадот Тјенанмен - област во срцето на Пекинг, каде се наоѓа и мавзолејот на основачот на кинеската комунистичка партија, Мао Це Тунг, кој го заштитуваат познатите мермерни лавови. Ова е еден од најголемите и најпознатите плоштади на #целсвет!! Продолжуваме кон еден од најпознатите симболи на Кина, покрај Кинескиот ѕид -- Забранетиот град. Огромен комплекс од царски палати и будистички храмови. Забранетиот град бил гробница на двете најпознати кралски фамилии на кина -- Ming i Qing. Ги посетуваме палатите и гробниците на овие познати династии, истите се полни со богатства и уметнички дела кои ги посетувале овие династии. По забранетиот град продолжуваме кон најпознатиот парк во Кина, паркот Џингшан. Специфично за овој парк е што истиот е изграден на вештачки рид кој има незаборавен поглед над забранетиот град. Враќање во сместување. Ноќевање.

Сместување

Beijing Guantongjianhui Hotel A 1 ноќ

Место

  • Пекинг (Beijing)

Храна

  • Континентален појадок × 1

Факултативни излети

По појадокот се упатуваме кон една од најдобрите факултативни излети, излет кој дефинитивно ќе биде highlight на нашата авантура во Кина. Освојуваме уште едно светско чудо, односно познатиот Кинески ѕид. За неговата изградба биле потребни повеќе од 2000 години. Огромниот џиновски змеј се протега низ границата на северна Кина, оваа структура поминува низ планини, шуми и котлини. Градба која ја бранела Кина од армиите на Генгис Кан. Се искачуваме на ѕидот со жичара, потоа започнуваме со нашата авантура на врвот на ѕидот!! Се искачуваме на различнивидоковци, се симнуваме во бунари и ги впечатуваме не-еднаквите скали на овој ѕид (некои од нив се високи самонеколку сантиметри, а некои достигнуваат и до 1 или 2 метри) Ќе уживаме во прекрасната глетка додека слушаме за приказните и историјата на ова светско чудо. Дефинитивно испразнете го вашиот телефон поради тоа што на ѕидот ќе направиме илјадници слики. Ја посетуваме и летната палата која во едно служела како летна резиденција на кинескиот император. Летната палата, денес е најголемиот национален парк во Кина, со површина од 270 хектари. Оваа палата датира од 17 век, а со тек на времето неколку пати била доградувана. Последен пат овој храм бил реновиран во времето на царицата Ци Ши, кога било ископано вештачко езеро. Враќање во сместувањето. Ноќевање.

Сместување

Beijing Guantongjianhui Hotel A 1 ноќ

Место

  • Пекинг (Beijing)

Храна

  • Континентален појадок × 1

Факултативни излети

Денот го започнуваме со посета на Небесниот Храм кој е комплекс од царски верски згради, сместен во југоисточниот дел од градот. Во него се наоѓаат 12 внатрешни и 12 надворешни столбови, кои го симболизираат традиционалното кинеско сметање на времето. Станува збор за најголемиот и најширокиот храм на светот. Овоj храм е прогласен од УНЕСКО за светско наследство. Додатоците направени во времето на оваа царица се меѓу врвните достигнувања на кинеската архитектура и градба. време е за релаксација. Го посетуваме единствениот парк во кој се спојуваат трите мориња на Кина и кој се наоѓа во срцето на Пекинг. Имаме слободно време да одмориме во глетката, оттука продолжуваме кон една од главните кралски палати на Минг династијата -- Houhai Hutong. За крај ја посетуваме една од најфрекфентните улици во Пекинг, улицата Guijie -- каде всушност се наоѓа и еден од најголемите пазари Hongqiao. Купуваме разни сувенири, чај, зачини и се ценкаме со локалното население. Ноќевање. 

Сместување

Beijing Guantongjianhui Hotel A 1 ноќ

Место

  • Пекинг (Beijing)

Храна

  • Континентален појадок × 1

Факултативни излети

Слободен ден за шетање, да докупиме сувенири, да јадеме од најфкусната храна.

Сместување

Beijing Guantongjianhui Hotel A 1 ноќ

Место

  • Пекинг (Beijing)

Храна

  • Континентален појадок × 1

Трансфер од хотелот до аеродромот во Пекинг. Лет од Пекинг до Скопје со преседнување во Истанбул. Пристигнување во  Истанбул во раните утрински часови. Утрински лет од Истанбул за Скопје. . Крај на патувањето.

Превоз

  • Трансфер од сместувањето до аеродром
  • Индивидуален авио билет со сите такси на релација Пекинг -Истанбул (Turkish Airlines), во економска класа со вклучен багаж
  • Индивидуален авио билет со сите такси на релација Истанбул- Скопје (Turkish Airlines), во економска класа со вклучен багаж

Место

  • Истанбул
  • Скопје

Поаѓања и цени

Цени (растечки) Цени (опаѓачки) Датум (растечки) Датум (опаѓачки) Број на денови (растечки) Број на денови (опаѓачки)
Препорачано
За повеќе информации за поаѓањето како цени, попусти, услови за плаќање, Ве молиме кликнете на полето со поаѓањето подолу

Сите уплати се вршат исклучиво во денарска противредност по курс од 62 денари за 1 евро и тоа: при пријавување се плаќаат 200€ (12.400,00 МКД) по лице. Преостанатиот дел се плаќа најдоцна 40 дена пред поаѓање. Можност за плаќање преку трансакциска сметка (на фактура) и со платежни картички Visa, Master, Maestro.

Препорачуваме рано пријавување на патници заради ограничениот број на места. При пријавувањето потребно е да се достави скренирана прва страница од патната исправа, која е валидна за датумот на патувањето (има важност минимум 6 месеци по датумот на враќање и има доволно празни страници во текот на патувањето), во спротивно агенцијата не одговара за печатење на авио билетот со погрешни податоци.

Доколку се пријавите како соло патник, потребна е доплата за еднокреветна соба. Со цел да го избегнете овој трошок по пријавата ние ќе го рекламираме Вашето поаѓање на нашите социјални медиуми за да најдеме друг соло патник кој би сакал да дели сместување со Вас. Агенцијата нема обврска задолжително да Ве спои со друг соло патник доколку никој не се пријави. Во тој случај, доплатата за еднокреветна соба останува како ставка за плаќање од страна на пријавениот патник.

Што е вклучено

Сместување

Harbour Plaza Metropolitan Hotel 4 Пример 4 ноќи
Beijing Guantongjianhui Hotel A Пример 5 ноќи

Превоз

  • Индивидуален авио билет со сите такси на релација Скопје - Истанбул (Turkish Airlines), во економска класа со вклучен багаж
  • Индивидуален авио билет со сите такси на релација Истанбул - Шангај (Turkish Airlines), во економска класа со вклучен багаж
  • Трансфер од аеродром до сместувањето
  • Трансфер со брз воз од Шангај до Пекинг
  • Трансфер од сместувањето до аеродром
  • Индивидуален авио билет со сите такси на релација Пекинг -Истанбул (Turkish Airlines), во економска класа со вклучен багаж
  • Индивидуален авио билет со сите такси на релација Истанбул- Скопје (Turkish Airlines), во економска класа со вклучен багаж

Храна

8 × Континентален појадок

Не е вклучено

  • Меѓународно здравствено осигурување (може да се уплати во агенцијата)
  • Факултативни излети и влезници за културно-историски споменици

Факултативни излети

Напомена! Термините и цените на факултативните излети се од информативен карактер и истите се променливи, а зависат од слободните термини по локалитетите, бројот на пријавени патници и други објективни околности.

Yu Garden, Chenghuangmiao и Tianzifang.

Yu Garden, Chenghuangmiao и Tianzifang.
Цена: 50,00 EUR

Започнуваме со градините Ју Јуан (или само градините Ју - што во превод значи градините на задоволството) се едни од најубавите градини во цела Кина. Овие градини се наоѓаат во срцето на стариот дел на Шангај. Јујуан е област која е сокриена меѓу куп облакодери, област со мали традиционални куќички и бујно зеленило. Улиците се полни со луѓе, продавници и прекрасни кинески куќички. Градините Ју Јуан се изградени во 16тиот век и се отворени за јавноста во 1961 година. На површина од околу 20.000 квадратни метри се наоѓаат традиционални кинески павилјони, неколку езерца, егзотични карпи, стари дрвја и шарени цвеќиња. Градината е поделена на шест тематски зони. Еден од најпознатите делови на градините Ју Јуан е карпата Жад, која се наоѓа спроти обзерваторијата Јухуа од каде и всушност се набљудува оваа карпа. Станува збор за прекрасна карпа висока над три метри, која има 72 дупки. Посебната карактеристика на оваа карпа е што ако под неа запалите темјан, чадот магично ќе излезе од сите 72 дупки. Ако преку врвот се истури вода во карпата, таа ќе тече од сите дупки и ќе создаде прекрасна глетка. Ја посетуваме и улицата Ченгхуангмиао, како и округот Ксинтианди. Оттаму продолжууваме кон градот Тианзифанг, мини-град кој има само станбени згради и фабрики кои се претворени во уметнички инсталации, каде има хипстерски барови, кафулиња, продавници, дизајнерски студија, и галерии.

Shanghai Museum, Xintiandi, Тhe Bund & Nanjing Road

Shanghai Museum, Xintiandi, Тhe Bund & Nanjing Road
Цена: 25,00 EUR

Овој ден подобро се запознаваме со долгата историја на оваа древна земја, започнуваме со посета на Shanghai Museum -- еден од најпознатите музеии во Кина.  Овој музеј, отворен во 1996 година, содржи единаесет најсовремени галерии во кои се сместени кинеските меѓународни експонати од бронза, слики, скулптури, керамика и скапоцени предмети од династијата Минг и Кинг. Продолжуваме со истражување на модерните достигнувања на Шангај, односно неговите најпознати улици -- Xintiandi, The Bund и Nanjing. Xintiandi e поранешна населба на стариот Шикумен и е реинкарнирана во блескава и современа област во Шангај со одлични ресторани, луксузни клубови и бутици. Потоа се упатуваме кон познатнто пристаниште The Bund -- луксузно место, со ресторани и преубава глетка над Shanghai-waterfront. Нашата прошетка ја завршуваме со модерна, осветлена улица полна со продавници и ресторани, една од најскапите шопинг улици на светот која се носи рамо до рамо со познатата Takeshita (Harajuku) во Јапонија, Champs-Élysées во Франција и Oxford Street во Лондон -- Nanjing Road.

Xitang Ancient City

Xitang Ancient City
Цена: 75,00 EUR

Го посетуваме и еден од најпознатите водни градови во Кина --  Xitang, кој до ден, денес го има зачувано духот на древна Кина. Сведочиме на контрастот со лудиот и модерниот Шангај -- храмови, тесни улички, чајџилници, канали, црвени кинески фенери и традиционален начин на живот. Сосема прекрасно искуство во овој древен воден град. Се возиме со брод, уживавме во вкусна храна и грицки, а исто така правиме незаборавни фотографии. Целодневно дружење и истражување во овој прекрасен мал град, но со богата историја

Tiananmen Square, Forbidden City и Jingshan Park

Tiananmen Square, Forbidden City и Jingshan Park
Цена: 65,00 EUR

Започнуваме со плоштадот Тјенанмен - област во срцето на Пекинг, каде се наоѓа и мавзолејот на основачот на кинеската комунистичка партија, Мао Це Тунг, кој го заштитуваат познатите мермерни лавови. Ова е еден од најголемите и најпознатите плоштади на #целсвет!! Продолжуваме кон еден од најпознатите симболи на Кина, покрај Кинескиот ѕид -- Забранетиот град. Огромен комплекс од царски палати и будистички храмови. Забранетиот град бил гробница на двете најпознати кралски фамилии на кина -- Ming i Qing. Ги посетуваме палатите и гробниците на овие познати династии, истите се полни со богатства и уметнички дела кои ги посетувале овие династии. По забранетиот град продолжуваме кон најпознатиот парк во Кина, паркот Џингшан. Специфично за овој парк е што истиот е изграден на вештачки рид кој има незаборавен поглед над забранетиот град.

Great Wall of China & Houhai Hutong

Great Wall of China & Houhai Hutong
Цена: 85,00 EUR

Излет кој дефинитивно ќе биде highlight на нашата авантура во Кина. Освојуваме уште едно светско чудо, односно познатиот Кинески ѕид. За неговата изградба биле потребни повеќе од 2000 години. Огромниот џиновски змеј се протега низ границата на северна Кина, оваа структура поминува низ планини, шуми и котлини. Градба која ја бранела Кина од армиите на Генгис Кан. Се искачуваме на ѕидот со жичара, потоа започнуваме со нашата авантура на врвот на ѕидот!! Се искачуваме на различнивидоковци, се симнуваме во бунари и ги впечатуваме не-еднаквите скали на овој ѕид (некои од нив се високи самонеколку сантиметри, а некои достигнуваат и до 1 или 2 метри) Ќе уживаме во прекрасната глетка додека слушаме за приказните и историјата на ова светско чудо. Дефинитивно испразнете го вашиот телефон поради тоа што на ѕидот ќе направиме илјадници слики. Oттука продолжуваме кон една од главните кралски палати на Минг династијата -- Houhai Hutong. 

Небесниот Храм, Schichai Park, Summer Palace и Guijie St.

Небесниот Храм, Schichai Park, Summer Palace и Guijie St.
Цена: 60,00 EUR

Започнуваме со посета на Небесниот Храм кој е комплекс од царски верски згради, сместен во југоисточниот дел од градот. Во него се наоѓаат 12 внатрешни и 12 надворешни столбови, кои го симболизираат традиционалното кинеско сметање на времето. Станува збор за најголемиот и најширокиот храм на светот. Овоj храм е прогласен од УНЕСКО за светско наследство. Додатоците направени во времето на оваа царица се меѓу врвните достигнувања на кинеската архитектура и градба. време е за релаксација. Го посетуваме единствениот парк во кој се спојуваат трите мориња на Кина и кој се наоѓа во срцето на Пекинг. Имаме слободно време да одмориме во глетката, оттука продолжуваме кон палатата која воедно служела како летна резиденција на кинескиот император - Летната палата. Летната палата. денес е најголемиот национален парк во Кина, со површина од 270 хектари. Оваа палата датира од 17 век, а со тек на времето неколку пати била доградувана. Последен пат овој храм бил реновиран во времето на царицата Ци Ши, кога било ископано вештачко езеро. За крај ја посетуваме една од најфрекфентните улици во Пекинг, улицата Guijie -- каде всушност се наоѓа и еден од најголемите пазари Hongqiao. Купуваме разни сувенири, чај, зачини и се ценкаме со локалното население.

Сместување

Harbour Plaza Metropolitan Hotel 4*

Harbour Plaza Metropolitan Hotel 4*
Кликнете на сликата за да ја отворите галеријата
Ова е пример на сместување какво што можете да очекувате. Вистинското сместување може да биде друго, но слично во поглед на тоа што нуди.

Harbour Plaza Metropolitan Hotel 4*  е нов модерен хотел, сместен на одлична локација, хотелот е идеално поврзан со центарот на градот! Хотелот е со 4* по локална категоризација. Располага со ресторан, бар, тераса, внатрешен базен и сауна, додека собите се опремени со клима, електричен бокал, фрижидер, сеф, телевизор и сопствен тоалет. 

Услугата е на база ноќевање со појадок.

Вебсајт https://www.harbour-plaza.com/metropolitan-shanghai/en/

Адреса No. 55
Lane 689
Liquan Road
(Shanghai Metro Zhenru Station Exit 1) Putuo District
Shanghai
P.R. China 200333

Beijing Guantongjianhui Hotel A

Beijing Guantongjianhui Hotel A
Кликнете на сликата за да ја отворите галеријата
Ова е пример на сместување какво што можете да очекувате. Вистинското сместување може да биде друго, но слично во поглед на тоа што нуди.

Beijing Guantongjianhui Hotel A хотел со 4* по локална категоризација во Пекинг, Кина. Се наоѓа на фантастична локација во срцето на централниот бизнис дистрикт (CBD), хотелот е во близина на China World Mall, еден од најголемите шопинг центри во градот, каде што ќе најдете бројни продавници и ресторани на само неколку чекори од хотелот.  Хотелот располага со ресторан, бар и фитнес центар, а сите соби се опремени со клима уред, телевизор, фрижидер и сопствен тоалет. 

Услугата е на база ноќевање со појадок.

Адреса 6 Yaziqiao Rd
Xicheng District
Beijing
China
100055

Останати поаѓања за Кина

Корисни информации

Овде ќе најдете корисни информации за самата дестинација, како и некои совети за ова патување.

Кина

Важни напомени

Ве молиме внимателно прочитајте ги овие напомени. Сметаме дека е исклучително важно нашите патници да бидат добро информирани, што овозможува помалку недоразбирања за време на патувањето и попријатно искуство.

Напомени:
Општи напомени:

  • Организатор на патувањето е TA ЦЕЛ СВЕТ ДОО СКОПЈЕ со лиценца УП 113-289 ОД 17.07.2024 година.
  • При пријавување, потребно е да доставите копија од пасош/податоци од пасошот со кој патникот ќе патува на самото патување. Патникот мора задолжително да го провери траењето и исправноста на патниот документ, како и бројот на слободни страници потребни за патувањето.
  • Сите пасоши мораат да имаат рок на важење минимум 180 дена (6 месеци) од датумот на враќање во земјата.
  • Организаторот на патувањето го задржува правото на измена на одредени содржини од програмата, во случај на вонредни околности и работи кои агенцијата не може да ги предвиди, за време на склучување на договорот.
  • Организаторот на патувањето не е овластен и не ја проценува валидноста на патните и други исправи.
  • За сите информации кои се дадени по усмен пат, агенцијата не сноси никаква одговорност.
  • Потписникот на Договорот за патување или претставникот на групата на патници е задолжен да ги информира и запознае сите патници со договорениот програм на патување, условите на плаќање, визирање и ОПШТИТЕ УСЛОВИ НА ПАТУВАЊЕ НА ТА ЦЕЛ СВЕТ од СКОПЈЕ.
  • Патниците се должни, два дена пред поаѓање, да го проверат точното време и место на поаѓање на групата.
  • Патникот е должен сам да се запознае со правилата на однесување во земјата во која патување и да ги почитува важечките законски царински прописи.
  • Во превозните средства најстрого е забрането пушење, конзумирање на алкохол и опојни средства.
  • Патниците се дожни да, во автобусите и другите превозни средства со кои се врши трансфер, останат на своите места и не смеат истите да ги напуштаат на места кои не се предвидени за пауза (граници, чек-поинт станици, патарини итн). Во случај патникот да го напушти возилото без претходен договор со претставникот на агенцијата, истиот сам ги сноси сите трошоци и последици.
  • Патникот кој преку неадекватно однесување, ги вознемирува останатите патници или смета на шоферите и/или придружникот на групата во својата работа, ќе биде одма исклучен од патувањето и целата одговорност преоѓа на него/неа, без право на жалба и враќање на пари.
  • Патникот е должен да ја почитува “саатницата” одредена од страна на претставникот на агенцијата на патувањето, во спротивно, претставникот на агенцијата има право да го исклучи патникот од патувањето.
  • Во туристичките автобуси не е можна употреба на тоалет. Во согласност со планот и програмот на патувањето, паузи се прават на 3-4 часа (во зависност од локацијата и опременоста на бензинските станици), кои патниците можат да ги користат за употреба на тоалет.
  • Агенцијата го одредува распоредот на седење, местото на поаѓање, местата за паузи и времетраењето на истите. Со плаќање на превозот, патникот го прифаќа горенаведеното, без право на приговор и жалба.
  • Аранжманот е направен на база на минимум 10 патници за далечни патувања и 50 патници за европски патувања.
  • Во случај на недоволен број на патници за реализација на аранжманот или други објективни околности, организаторот на патувањето ги информира патниците дека аранжманот е откажан – најкасно 10 дена пред датумот на поаѓање за далечни патувања и 5 дена пред датумот на поаѓање за европски патувања.
  • Кај аранжманите кои вклучуваат превоз со авион, по купување на авио картата, невозможно е средствата да се вратат и во тој случај – важат условите на авио компанијата.
  • Кај аранжманите кои вклучуваат low-cost авио компании, во случај на одложување на летот, откажување или губење на конекциите, патниците се дожни сами да ги платат новонастанатите трошоци и агенцијата не може да влијае на околностите кои се надвор од нејзиниот домет.
  • Цените на low cost аранжманите се подложни на промена. По уплата на авансот се проверуваат тарифите и на патникот му се потврдува цената на аранжманот.
  • Агенцијата не сноси одговорност доколку дојде до промена на авио конекциите од страна на авио компаниите.
  • Саатниците на летовите наведени во планот и програмот или добиени од страна на агенцијата се подложни на менување и зависат исклучиво од авио компанијата.
  • Агенцијата го задржува правото да го одбере превозното средство за трансфер. Трансферот се врши до самото сместување, доколку истото е физички возможно.
  • За сите понудени или достапни дополнителни доплати, кои имаат врска со планот и програмот на патувањето, или сместувањето, потребно е да се изјасните при пријавување.
  • Доколку некој патник сам одлучи да смени дел од планот и програмот на патувањето, агенцијата нема обврска на тој патник да му обезбеди трансфер/ран или доцен check-in или check-out во сместувањето/различни ноќевања во сместувањата, од она што е предвидено со планот и програмот на патувањето.
  • Малолетните патници за време на патувањето мора да имаат заверена согласност од родителите.
  • Заради почитување на саатниците предвидени со програмот на патување, како и почитување на времето на останатите патници од групата, не постои можност за задржување на границите кои претставуваат излез од Европска Унија, поради заверување на сметки и враќање на данок од Европската Унија (TAX FREE)
  • Наша препорака е да водите сметка за вашите лични документи и пари на Вашето патување.
  • За овој аранжман се применуваат ОПШТИТЕ УСЛОВИ ЗА ПАТУВАЊЕ.

Напомени во врска со сместувањето:

  • Организаторот на патувањето, ТА ЦЕЛ СВЕТ, го задржува правото на распоред по соби, во согласност со структурата на собите во сместувачкиот објект. Доколку постои можност, агенцијата се труди да излезе во пресрет на желбите на патниците (Ве молиме да имате разбирање. Ова патување пред сѐ треба да биде авантура и добра забава).
  • Во сместувачките објекти се влегува првиот ден од престојот во согласност со правилата на самиот сместувачки објект.Начесто, check-in е во попладневните часови (14h или 15h), а check-out – последниот ден од престојот, најчесто до 10h или 11h.
  • Описите на сместувачките објекти се од информативен карактер.
  • Некои од дополнителните содржини на сместувачките објекти се достапни со доплата. Постои можност на отстапувања и промена на достапноста на некои содржини, бидејќи истите зависат исклучиво од сместувачките објекти (нпр. Сеф, паркинг, мини-бар, ТВ, клима уред...)
  • Патникот е должен да ги почитува правилата на сместувачкиот објект и сам сноси одговорност доколку дојде да санкционирање од страна на персоналот на сместувачкиот објект
  • Во некои сместувачки капацитет во Азија, Африка и Латинска Америка – нема врела вода.
  • Сместувачките капацитети ги сместуваат патниците и го одредуваат распоредот и типот на собите спрема својата расположливост во дадениот момент. Агенцијата не е во можност да им потврди на клиентите дали креветите ќе бидат twin (раздвоени) или double (голем француски лежај), како ни спратноста во самото сместување, освен доколку тоа не е посебно назначено во Договорот. Клиентот со уплата на аранжманот се согласува со овие факти и условите на сместувањето, без право на жалба.
  • Патниците кои што патуваат сами во некои програми имаат можност да со доплата, престојуваат сами во еднокреветна соба. Доколку патникот сака да се спои со некој од другите патници од групата и не сака да плаќа доплата, прифаќа да се спои со било кое лице од групата, без оглед на возраста и полот на сопатникот. Во овие ситуации, агенцијата апсолутно не одговара за било какви евентуални непријатност или несогласувања кои патниците можат да ги имаат за време на патувањето.

Напомена во врска со факултативните излети:

  • Факултативните излети не се задолжителен дел од патувањата и за факултативните излети не е обезбедена заштита во поглед на гаранција за патувањето.
  • Термините и цените на факултативните излети се променливи и зависат од слободните термини по локалитетите, бројот на пријавени патници и други објективни околности.
  • Факултативните излети се реализираат од страна на локални агенции. ТА ЦЕЛ СВЕТ не е во можност да влијае на работи кои се надвор од нејзиниот домет, односно се врзани за самата реализација на излетот.
  • Факултативните излети се реализираат од локални туристички водичи, на самите локалитети, на англиски јазик. Со плаќање на излетот, патникот ги прифаќа сите услови на локалната агенција, без право на жалба.
  • Агенцијата не може да влијае на времетраењето на патувањата до локалитетите, времето на поаѓање, враќање или обиколка, како ни стручноста на локалните водичи.
  • При уплата на факултативен излет, патникот ги прифаќа условите на локалната агенција која е организатор на излетот. Доколку еден патник уплаќа излет во име на други патници, истиот е должен да ги извести сопатниците за условите на локалната агенција. Било какви измени и откажување од излетот по уплатата, не се возможни, ниту е возможно, под било кои околности, да се рефундираат уплатените средства.
  • Се молат сите патници, пред уплаќање на факултативен излет, да се информираат и упознаат со предвидениот план и услови за факултативниот излет.

Напомена во врска со визите:

  • Патниците задолжително мора да се запознаат со визниот режим на државата во која патуваат.
  • Некои амбасади бараат задолжително присуство на патникот за аплицирање за виза. Патниците се должни да ги испочитуваат правилата на амбасадата,
  • Патниците се должни да ги достават документите за визирање, најдоцна 1 месец пред патувањето, а доколку не ги достават во наведениот рок, должни се сами да ја обезбедат визата за патување.
  • Патниците кои не посеуваат нови биометриски пасоши на Република Македонија, должни се сами да се запознаат со визниот режим на државите во кои патуваат и сами да ги обезбедат визите за патување.
  • Агенцијата не гарантира дека на патникот ќе му биде одобрена виза и не е овластена да утврдува валидност на документи.
  • Агенцијата не сноси одговорност во случај на недобивање на виза.