цена од

~~1.899~~

^EUR _,00

сега од

1.599

^EUR _,00

траење

13 ^дена

Барање

Шангај и Пекинг, патување полно со контрасти 🐉

Креиравме програма што ве носи од футуристичкиот Шангај до царскиот Пекинг и ги спојува најсилните симболи на Кина во едно патување. Облакодери, традиционални квартови, Забранетиот град и Кинескиот ѕид се менуваат како сцени од различни светови, а токму тие контрасти ја прават Кина толку впечатлива.

Од облакодери до Забранетиот град ✨

Во едно патување преминувате од The Bund, Nanjing Road и модерниот Шангај до Tiananmen Square и Забранетиот град во Пекинг. Токму тој контраст меѓу стара и нова Кина ја прави програмата толку посебна.

Го гледате и модерниот и традиционалниот Шангај 🏙️

Шангај не е само футуристички skyline. Yu Garden, Chenghuangmiao и Tianzifang ја покажуваат старата, локална страна на градот, додека The Bund и Nanjing Road ја носат неговата модерна енергија.

Xitang, Кина што изгледа како од друг век 🏮

На кратко го напуштаме ритамот на мегалополисот и влегуваме во древен воден град со канали, мостови, чајџилници и црвени фенери. Xitang е оној дел од патувањето што ви покажува колку различна може да биде Кина само неколку часа подалеку од Шангај.

Со брз воз од Шангај до Пекинг 🚄

И самиот трансфер е дел од искуството. Наместо класично префрлање, патуваме со кинески брз воз и на едно патување ги поврзуваме двата најважни градови во земјата.

Освоено уште едно светско чудо, Кинескиот ѕид 🧱

Стоиш на место за кое си слушал цел живот, а сега конечно чекориш по него. Кули, видиковци и ѕид што се губи низ планините пред тебе, момент што навистина остава чувство дека си освоил уште едно од оние места што мора да се доживеат барем еднаш во животот.

Пекинг, царска Кина што сè уште се чувствува 🏯

Забранетиот град, Летната палата, Небесниот храм и традиционалните хутонзи ја покажуваат историската страна на земјата. Овде не гледате само знаменитости, туку цели векови кинеска историја собрани во еден град.

Стара Кина, нова Кина и сè помеѓу 💯

Во иста програма добивате древни палати, традиционални квартови, водени градови, футуристички облакодери и еден од најмодерните транспортни системи во светот. Не гледате само една Кина, туку повеќе различни лица на иста земја.

Сè ти е средено 🤍

Летови, трансфери, сместување, водич, локална организација и внимателно избрани искуства се однапред поврзани во една комплетна програма. Тебе ти останува само да ја доживееш Кина.

Рута

Скопје

Белград

Шангај (Shanghai)

Пекинг (Beijing)

Шангај (Shanghai)

Белград

Скопје

Превоз: Авион, Локален трансфер, Воз
Сместување: Хотел
Организатор: ЦЕЛ СВЕТ ДОО СКОПЈЕ Скопје, Македонија
Дестинации: Азија, Кина
Видови патувања: Далечни Патувања 🌍

Код на патување: CN3
Тежина
Погодно за деца: Не

План и програма

Планот и програмата важи за следните поаѓања 13. 3. 2027

Состанок на патниците на Mеѓународниот Aеродом во Скопје два часа пред лет. Лет од Скопје за Белград. Пристигнување во Белград. Конекција на лет за Шангај.

Превоз

Индивидуален авио билет со сите такси на релација Скопје - Белград (Air Serbia), во економска класа со вклучен багаж
Индивидуален авио билет со сите такси на релација Белград- Шангај (Turkish Airlines), во економска класа со вклучен багаж

Место

Скопје
Белград

Добредојдовте во Шангај — град во кој минатото не исчезнува, туку тивко стои зад она што доаѓа. Шангај е истовремено деловен центар и уметничка сцена, традиција и секојдневна промена. Шангај не е само град — тоа е чувство дека се наоѓате на место каде што сè се случува токму сега. Овде старите колонијални згради се менуваат со блескави облакодери, мирисите на уличната храна се шират од скриените улички, а животот се одвива брзо, но со мера.
Трансфер до сместувањето. Слободен остатокот од денот. Можност за вечерна прошетка по Nanjing Road, најпознатата шопинг улица која води до The Bund, историското шеталиште покрај реката Хуангпу, каде што се спојуваат колонијалната архитектура и футуристичкиот поглед кон панорамата на Шангај. Овие две локации заедно нудат уникатна комбинација на модерниот и традиционалниот Шангај.
Ноќевање.

Превоз

Трансфер од аеродром до сместувањето

Сместување

Хотел со 3* во Шангај 1 ноќ

Место

Шангај (Shanghai)

Најпрво ќе ги посетиме градините Ју Јуан (Yu Yuan), познати и како Градините на задоволството, кои се едни од најубавите традиционални градини во цела Кина. Прекрасните градини се сместени во срцето на стариот дел на Шангај. Јујуан е кварт скриен помеѓу мноштво облакодери, кој се обидува да го зачува својот автентичен изглед. Улиците се преполни со луѓе, продавници и прекрасни традиционални кинески куќички чија архитектура воодушевува.
Градините Ју Јуан потекнуваат од 16 век, а за јавноста се отворени од 1961 година. На површина од околу 20.000 квадратни метри се распослани традиционални кинески павилјони, бројни езерца и базени, егзотични карпи, стари дрвја и прекрасно цвеќе. Градината е поделена на шест тематски целини. Еден од најпознатите делови на градините Ју Јуан е Карпата од жад, сместена спроти салата Јухуа, која била изградена како место од каде што може да се набљудува карпата. Станува збор за прекрасна карпа висока повеќе од три метри, со 72 отвори. Нејзината особеност е што, доколку се запали миризлив стап под неа, чадот на необичен начин излегува низ сите 72 отвори. Доколку во карпата одозгора се налее вода, таа се слева низ сите отвори и создава прекрасна глетка.
Ќе ја посетиме и улицата Ченгхуангмиао (Chenghuangmiao), каде што ќе имаме можност да купиме сувенири, а ќе имаме можност и да го посетиме будистичкиот храм, познат по својата импресивна колекција на будистички реликвии, меѓу кои и две статуи на Буда изработени од жад.
Враќање во сместувањето.
Ноќевање.

Сместување

Хотел со 3* во Шангај 1 ноќ

Место

Шангај (Shanghai)

Храна

Континентален појадок × 1

Факултативни излети

ГРАДИНИТЕ ЈУ И ШАРМОТ НА СТАРИОТ ШАНГАЈ

Целодневниот излет започнува со посета на Жужуанг (Zhouzhuang) – „водниот град број еден“ во Кина, кој се наоѓа на листата на светско наследство на УНЕСКО. Ќе ја видиме традиционалната архитектура покрај реката, прекрасните мостови со лакови и живописните згради. Ќе се вратиме во минатото и ќе почувствуваме како некогаш се живеело во овој прекрасен град. На враќање кон Шангај, ќе го посетиме Тианзифанг (Tianzifang) – кварт кој од некогашна зона со претежно станбени објекти и фабрики се трансформирал во уметничка област, исполнета со барови, кафулиња, занаетчиски продавници, дизајнерски ателјеа, галерии и бутици. Ќе забележиме и стари куќи со карактеристични камени рамки и тесни улички, кои му даваат посебен шарм на овој дел од Шангај. По разгледувањето, враќње во сместувањето. Ноќевање.

Сместување

Хотел со 3* во Шангај 1 ноќ

Место

Шангај (Shanghai)

Храна

Континентален појадок × 1

Факултативни излети

Водениот град и уметничкиот рај – Жужуанг и Тианзифанг

Утрински воз за Пекинг. По пристигнувањето, ќе се упатиме кон Нанлуогуџијанг (Nanluoguxiang), односно најпознатиот хутонг во Пекинг. Преполн со кафулиња и ресторани, овој дел од градот зрачи со традиционалниот дух на стариот Пекинг. Потоа продолжуваме кон храмот Јонгхе Лама (Yonghe Lama Temple), кој претставува еден од најзначајните будистички храмови во Пекинг и еден од најголемите ламаистички манастири надвор од Тибет. Ќе уживаме во мирната атмосфера на храмот, додека се запознаваме со будистичката традиција и духовните практики. Трансфер до сместувањето. Ноќевање.

Превоз

Трансфер од хотелот во Шангај до железничка станица
Трансфер до Пекинг со брз воз
Трансфер од железничка станица до хотел во Пекинг

Сместување

Хотел со 3* во Пекинг 1 ноќ

Место

Пекинг (Beijing)

Храна

Континентален појадок × 1

Факултативни излети

Xitang Ancient City

Кинескиот Ѕид се протега во правец исток–запад во должина од околу 5.000 километри. Висината на ѕидот достигнува до 10 метри, а неговата ширина е проектирана така што четворица коњаници можат паралелно да се движат по него. Ќе уживаме во прекрасниот поглед од Ѕидот, ќе слушаме интересни приказни за неговата историја, ќе имаме можност да купиме автентични кинески сувенири од порцелан, свила и слики, и ќе се восхитуваме на оваа необична земја, нејзините луѓе и богатата култура. Враќање во сместувањето. Ноќевање.

Сместување

Хотел со 3* во Пекинг 1 ноќ

Место

Пекинг (Beijing)

Храна

Континентален појадок × 1

Факултативни излети

Големиот Кинески ѕид

Ќе го посетиме плоштадот Тјенанмен – простор во срцето на Пекинг, со мавзолејот на основачот на Кинеската комунистичка партија, Мао Це Тунг, и величествените мермерни лавови. Потоа ќе го посетиме Забранетиот град – огромен комплекс на царски палати и будистички храмови, како и гробниците на династијата Минг. Во рамките на излетот ќе го посетиме и паркот Џингшан (Jingshan Park). Враќање во сместувањето. Ноќевање.

Сместување

Хотел со 3* во Пекинг 1 ноќ

Место

Пекинг (Beijing)

Храна

Континентален појадок × 1

Факултативни излети

Империјален Пекинг - плоштадот Тјенанмен и Забранетиот град

Излет до Летната палата, некогашна царска резиденција, а денес најголемиот национален парк во Кина, со површина од 270 хектари. Летната палата потекнува од 17 век, а низ годините повеќепати била доградувана. Последен пат била проширувана за време на царицата Циси, кога било ископано вештачко езеро, а по нејзина наредба бил изграден и брод на брегот на езерото, кој никогаш не запловил бидејќи бил изработен од мермер. Доградбите изведени за време на оваа царица се сметаат за врвни достигнувања на кинеската архитектура и градежништво. Ќе го посетиме и Храмот на Небото, паркоt Шичахаи (Shichahai) и улицата Вангфуџинг (Wangfujing), каде што ќе имаме можност да ги пробаме локалните специјалитети. Враќање во хотел. Ноќевање.

Сместување

Хотел со 3* во Пекинг 1 ноќ

Место

Пекинг (Beijing)

Храна

Континентален појадок × 1

Факултативни излети

Царскиот раскош на Пекинг

Трансфер со воз до Шангај. Попладневно пристигнување во Шангај и трансфер до хотелот. Слободен остатокот од денот. Ноќевање.

Превоз

Трансфер од хотел до железничка станица
Трансфер до Шангај со брз воз
Трансфер од железничка станица до хотел во Шангај

Сместување

Хотел со 3* во Шангај 1 ноќ

Место

Шангај (Shanghai)

Храна

Континентален појадок × 1

Спој на традицијата и современите трендови. Најпрво ќе го посетиме Музејот на Шангај (Shanghai Museum), со импресивна колекција на кинеска уметност, вклучувајќи порцелан, бронзени предмети и сликарство. Потоа ќе го посетиме Ксинтианди (Xintiandi) – модерен кварт со ресторани и продавници, сместен во реставрирани традиционални кинески градби. Ќе го видиме и мостот Јангпу (Yangpu Bridge) – модерен мост кој поврзува различни делови од градот и го симболизира спојот на традицијата и современоста. Ќе го посетиме и Паркот на народот (People’s Park) – зелена оаза во центарот на градот, популарна меѓу локалното население за одмор и дружење. Ноќевање.

Сместување

Хотел со 3* во Шангај 1 ноќ

Место

Шангај (Shanghai)

Храна

Континентален појадок × 1

Факултативни излети

Шангајска синергија

Слободен ден за уживање, купување сувенири и збогување со Кина до следната средба. Ноќевање.

Сместување

Хотел со 3* во Шангај 1 ноќ

Место

Шангај (Shanghai)

Храна

Континентален појадок × 1

Го напуштаме сместувањето и имаме трансфер до аеродром. Се качуваме на нашиот лет за Белград.

Превоз

Трансфер од хотелот до аеродромот во Шангај
Индивидуален авио билет со сите такси на релација Шангај - Белград (Air Serbia), во економска класа со вклучен багаж

Место

Шангај (Shanghai)
Белград

Храна

Континентален појадок × 1

Лет од Белград до Скопје. Крај на патувањето.

Превоз

Индивидуален авио билет со сите такси на релација Белград - Скопје (Air Serbia), во економска класа со вклучен багаж

Место

Скопје

Поаѓања и цени

За повеќе информации за поаѓањето како цени, попусти, услови за плаќање, Ве молиме кликнете на полето со поаѓањето подолу

Сите уплати се вршат исклучиво во денарска противредност по курс од 62 денари за 1 евро и тоа: при пријавување се плаќаат 200€ (12.400,00 МКД) по лице. Преостанатиот дел се плаќа најдоцна 40 дена пред поаѓање. Можност за плаќање преку трансакциска сметка (на фактура) и со платежни картички Visa, Master, Maestro.

Препорачуваме рано пријавување на патници заради ограничениот број на места. При пријавувањето потребно е да се достави скренирана прва страница од патната исправа, која е валидна за датумот на патувањето (има важност минимум 6 месеци по датумот на враќање и има доволно празни страници во текот на патувањето), во спротивно агенцијата не одговара за печатење на авио билетот со погрешни податоци.

Доколку се пријавите како соло патник, потребна е доплата за еднокреветна соба. Со цел да го избегнете овој трошок по пријавата ние ќе го рекламираме Вашето поаѓање на нашите социјални медиуми за да најдеме друг соло патник кој би сакал да дели сместување со Вас. Агенцијата нема обврска задолжително да Ве спои со друг соло патник доколку никој не се пријави. Во тој случај, доплатата за еднокреветна соба останува како ставка за плаќање од страна на пријавениот патник.

Што е вклучено

Сместување

Хотел со 3 во Шангај Пример 6 ноќи
Хотел со 3 во Пекинг Пример 4 ноќи

Превоз

Индивидуален авио билет со сите такси на релација Скопје - Белград (Air Serbia), во економска класа со вклучен багаж
Индивидуален авио билет со сите такси на релација Белград- Шангај (Turkish Airlines), во економска класа со вклучен багаж
Трансфер од аеродром до сместувањето
Трансфер од хотелот во Шангај до железничка станица
Трансфер до Пекинг со брз воз
Трансфер од железничка станица до хотел во Пекинг
Трансфер од хотел до железничка станица
Трансфер до Шангај со брз воз
Трансфер од железничка станица до хотел во Шангај
Трансфер од хотелот до аеродромот во Шангај
Индивидуален авио билет со сите такси на релација Шангај - Белград (Air Serbia), во економска класа со вклучен багаж
Индивидуален авио билет со сите такси на релација Белград - Скопје (Air Serbia), во економска класа со вклучен багаж

Храна

9 × Континентален појадок , 1 × Континентален појадок

Не е вклучено

Меѓународно здравствено осигурување (може да се уплати во агенцијата)
Факултативни излети и влезници за културно-историски споменици

Факултативни излети

Напомена! Термините и цените на факултативните излети се од информативен карактер и истите се променливи, а зависат од слободните термини по локалитетите, бројот на пријавени патници и други објективни околности.

ГРАДИНИТЕ ЈУ И ШАРМОТ НА СТАРИОТ ШАНГАЈ

Цена: 50,00 ^EUR

Градините Ју Јуан (Yu Yuan), или едноставно Градините Ју — што во превод значи „градини на задоволството“ — се едни од најубавите градини во цела Кина.
Прекрасните градини се сместени во срцето на стариот дел на Шангај. Јујуан е кварт скриен помеѓу мноштво облакодери, кој се обидува да го зачува својот автентичен изглед. Улиците се преполни со луѓе, продавници и прекрасни традиционални кинески куќички, чија архитектура едноставно воодушевува.
Градините Ју Јуан потекнуваат од 16 век, а за јавноста се отворени од 1961 година. На површина од околу 20.000 квадратни метри се распослани традиционални кинески павилјони, бројни езерца и рибници, егзотични карпи, стари дрвја и прекрасно цвеќе. Градината е поделена на шест тематски зони. Еден од најпознатите делови на градините Ју Јуан е Карпата од жад, сместена спроти салата Јухуа. Салата е изградена како место од кое посетителите можат да ја набљудуваат карпата. Станува збор за прекрасна карпа висока повеќе од три метри, која има 72 отвори. Посебноста на оваа карпа е што, доколку запалите миризлив стап под неа, чадот на необичен начин ќе излегува низ сите 72 отвори.

Водениот град и уметничкиот рај – Жужуанг и Тианзифанг

Цена: 75,00 ^EUR

Целодневен излет кој започнува со посета на Жужуанг – „водниот град број еден“ во Кина, кој се наоѓа на листата на светско наследство на УНЕСКО.
Ќе ја видиме традиционалната архитектура покрај реката, прекрасните камени мостови со лакови и живописните згради. Ќе се вратиме во минатото и ќе почувствуваме како некогаш се живеело во овој прекрасен град.
На враќање кон Шангај, ќе го посетиме Тианзифанг, кварт кој од некогашна зона со претежно станбени објекти и фабрики се трансформирал во уметничка област, исполнета со барови, кафулиња, занаетчиски продавници, дизајнерски ателјеа, галерии и бутици.
Ќе забележиме и традиционални стари куќи со карактеристични камени рамки и тесни улички, кои му даваат посебен шарм на овој дел од Шангај.

Xitang Ancient City

Цена: 75,00 ^EUR

Го посетуваме и еден од најпознатите водни градови во Кина -- Xitang, кој до ден, денес го има зачувано духот на древна Кина. Сведочиме на контрастот со лудиот и модерниот Шангај -- храмови, тесни улички, чајџилници, канали, црвени кинески фенери и традиционален начин на живот. Сосема прекрасно искуство во овој древен воден град. Се возиме со брод, уживавме во вкусна храна и грицки, а исто така правиме незаборавни фотографии. Целодневно дружење и истражување во овој прекрасен мал град, но со богата историја

Големиот Кинески ѕид

Цена: 75,00 ^EUR

Се протега од источна до западна Кина, со вкупна должина од 8.851 километар (главниот дел е долг 2.450 километри). Кинескиот Ѕид претставува најдолгиот ѕид во светот и најголемиот одбранбен објект во историјата. Моќниот цар Ши Хуанг Ти околу 221 година п.н.е. ги обединил различните делови на Кина. Сепак, сметал дека тој и неговото царство се соочуваат со опасност од северните пустини, каде што живееле номадски племиња. Поради тоа, царот наредил да се изгради ѕид кој ќе ги штити од напади. Ѕидот бил изграден од надворешната страна со огромни тули и обработени камени блокови, додека внатрешноста била исполнета со камења и земја. Висок е меѓу 6 и 10 метри, а на врвот е широк од 4 до 8 метри — доволно за четири коња да се движат паралелно, овозможувајќи удобно маневрирање на војската и транспорт на жито и оружје. Од внатрешната страна на ѕидот биле изградени соодветни камени скали и патеки. На секои неколку стотини метри била подигната по една кула, односно набљудувачница, која служела за пренесување сигнали со чад. Кулите биле погодни и за складирање оружје и жито, како и за одмор на војниците. Низ годините Ѕидот се менувал, доградувал и делумно се рушел, но и покрај тоа, сè уште стои како еден од најимпресивните симболи на кинеската цивилизација. Од 1987 година е под заштита на УНЕСКО, а од 2007 година е вброен меѓу седумте нови светски чуда.
Цената на излетот вклучува:
- трошоци за трансфер;
- услуги на локален водич на англиски јазик;
- услуги на придружник на групата;
- влезница;
- возење со жичница.

Цената на излетот не вклучува:
- индивидуални трошоци;
- храна и пијалаци.

Империјален Пекинг - плоштадот Тјенанмен и Забранетиот град

Цена: 55,00 ^EUR

Ќе го посетиме плоштадот Тјенанмен – простор во срцето на Пекинг, со мавзолејот на основачот на Кинеската комунистичка партија, Мао Це Тунг, како и величествените мермерни лавови.
Ќе го посетиме и Забранетиот град – огромен комплекс на царски палати и будистички храмови, како и гробниците на династијата Минг. Во рамките на излетот ќе го посетиме и паркот Џингшан (Jingshan Park).

Цената на излетот вклучува:
- трошоци за трансфер;
- услуги на локален водич на англиски јазик;
- услуги на придружник на групата;
- влезници.

Цената на излетот не вклучува:
- индивидуални трошоци;
- храна и пијалаци.

Царскиот раскош на Пекинг

Цена: 60,00 ^EUR

Излет до Летната палата, некогашна царска резиденција, а денес најголемиот национален парк во Кина, со површина од 270 хектари. Летната палата потекнува од 17 век, а низ историјата повеќепати била доградувана. Последен пат била проширувана за време на царицата Циси, кога било ископано вештачко езеро, а по нејзина наредба бил изграден и брод на брегот на езерото. Бродот никогаш не запловил бидејќи бил изработен од мермер. Доградбите изведени за време на владеењето на оваа царица се сметаат за врвни достигнувања на кинеската архитектура и градежништво. Ќе го посетиме и Храмот на Небото, паркоt Шичахаи (Shichahai) и улицата Вангфуџинг (Wangfujing), каде што ќе имаме можност да ги пробаме локалните специјалитети.

Цената на излетот не вклучува:
- индивидуални трошоци;
- храна и пијалаци.

Шангајска синергија

Цена: 45,00 ^EUR

Спој на традицијата и современите трендови. Најпрво ќе го посетиме Музејот на Шангај, со импресивна колекција на кинеска уметност, вклучувајќи порцелан, бронзени предмети и сликарство. Ќе го посетиме и Xintiandi – модерен кварт со ресторани и продавници, сместен во реставрирани традиционални кинески градби. Потоа ќе го видиме мостот Јангпу (Yangpu Bridge) – модерен мост кој поврзува различни делови од градот и го симболизира спојот на традицијата и современоста.
Излетот завршува со посета на Паркот на народот (People’s Park) – зелена оаза во центарот на градот, популарна меѓу локалното население за одмор и дружење.

Цената на излетот вклучува:
- трошоци за трансфер;
- услуги на локален водич на англиски јазик;
- услуги на придружник на групата.

Цената на излетот не вклучува:
- индивидуални трошоци;
- храна и пијалаци.

Сместување

Хотел со 3* во Шангај

Ова е пример на сместување какво што можете да очекувате. Вистинското сместување може да биде друго, но слично во поглед на тоа што нуди.

Хотелско сместување со 3 ѕвезди по локална категоризација. Хотелот располага со двокреветни соби. Сите соби имаат сопствен тоалет. Услугата е на база на ноќевање со доручек (континентален доручек).

Хотел со 3* во Пекинг

Сместувачки објект кој располага со двокреветни и трикреветни соби со сопствен тоалет. Услугата е на база ноќевање. Името на хотелот ќе биде потврдено по формирање на групата, најдоцна 7 дена пред поаѓање.

Останати поаѓања за Кина

Поаѓање 3. 11. 2026.

Враќање 17. 11. 2026.

Денови 15

Хонг Конг и Филипини - Себу и Боракај од Скопје

Последни места

цена

~~2.499~~

^EUR _,00

сега од

2.399

^EUR _,00

Погледни

Барање

Поаѓање 28. 12. 2026.

Враќање 9. 1. 2027.

Денови 13

Хонг Конг и Филипини - Себу и Боракај Нова Година

Достапно

цена

~~2.899~~

^EUR _,00

сега од

2.449

^EUR _,00

Погледни

Барање

Поаѓање 8. 1. 2027.

Враќање 20. 1. 2027.

Денови 13

Хонг Конг и Филипини - Себу и Боракај од Скопје

Достапно

цена

~~2.599~~

^EUR _,00

сега од

2.449

^EUR _,00

Погледни

Барање

Поаѓање 9. 3. 2027.

Враќање 21. 3. 2027.

Денови 13

Кина - Шангај, Сиан и Пекинг

Достапно

цена

~~2.099~~

^EUR _,00

сега од

1.899

^EUR _,00

Погледни

Барање

Поаѓање 5. 4. 2027.

Враќање 16. 4. 2027.

Денови 12

Кина - Хонг Конг, Макао, Шангај и Пекинг

Достапно

цена

~~1.999~~

^EUR _,00

сега од

1.749

^EUR _,00

Погледни

Барање

Поаѓање 9. 4. 2027.

Враќање 21. 4. 2027.

Денови 13

Кина - Шангај, Сиан и Пекинг

Достапно

цена

~~2.099~~

^EUR _,00

сега од

1.899

^EUR _,00

Погледни

Барање

Корисни информации

Овде ќе најдете корисни информации за самата дестинација, како и некои совети за ова патување.

Кина

Важни напомени

Ве молиме внимателно прочитајте ги овие напомени. Сметаме дека е исклучително важно нашите патници да бидат добро информирани, што овозможува помалку недоразбирања за време на патувањето и попријатно искуство.

Напомени:
Општи напомени:

Организатор на патувањето е TA ЦЕЛ СВЕТ ДОО СКОПЈЕ со лиценца УП 113-289 ОД 17.07.2024 година.
При пријавување, потребно е да доставите копија од пасош/податоци од пасошот со кој патникот ќе патува на самото патување. Патникот мора задолжително да го провери траењето и исправноста на патниот документ, како и бројот на слободни страници потребни за патувањето.
Сите пасоши мораат да имаат рок на важење минимум 180 дена (6 месеци) од датумот на враќање во земјата.
Организаторот на патувањето го задржува правото на измена на одредени содржини од програмата, во случај на вонредни околности и работи кои агенцијата не може да ги предвиди, за време на склучување на договорот.
Организаторот на патувањето не е овластен и не ја проценува валидноста на патните и други исправи.
За сите информации кои се дадени по усмен пат, агенцијата не сноси никаква одговорност.
Потписникот на Договорот за патување или претставникот на групата на патници е задолжен да ги информира и запознае сите патници со договорениот програм на патување, условите на плаќање, визирање и ОПШТИТЕ УСЛОВИ НА ПАТУВАЊЕ НА ТА ЦЕЛ СВЕТ од СКОПЈЕ.
Патниците се должни, два дена пред поаѓање, да го проверат точното време и место на поаѓање на групата.
Патникот е должен сам да се запознае со правилата на однесување во земјата во која патување и да ги почитува важечките законски царински прописи.
Во превозните средства најстрого е забрането пушење, конзумирање на алкохол и опојни средства.
Патниците се дожни да, во автобусите и другите превозни средства со кои се врши трансфер, останат на своите места и не смеат истите да ги напуштаат на места кои не се предвидени за пауза (граници, чек-поинт станици, патарини итн). Во случај патникот да го напушти возилото без претходен договор со претставникот на агенцијата, истиот сам ги сноси сите трошоци и последици.
Патникот кој преку неадекватно однесување, ги вознемирува останатите патници или смета на шоферите и/или придружникот на групата во својата работа, ќе биде одма исклучен од патувањето и целата одговорност преоѓа на него/неа, без право на жалба и враќање на пари.
Патникот е должен да ја почитува “саатницата” одредена од страна на претставникот на агенцијата на патувањето, во спротивно, претставникот на агенцијата има право да го исклучи патникот од патувањето.
Во туристичките автобуси не е можна употреба на тоалет. Во согласност со планот и програмот на патувањето, паузи се прават на 3-4 часа (во зависност од локацијата и опременоста на бензинските станици), кои патниците можат да ги користат за употреба на тоалет.
Агенцијата го одредува распоредот на седење, местото на поаѓање, местата за паузи и времетраењето на истите. Со плаќање на превозот, патникот го прифаќа горенаведеното, без право на приговор и жалба.
Аранжманот е направен на база на минимум 10 патници за далечни патувања и 50 патници за европски патувања.
Во случај на недоволен број на патници за реализација на аранжманот или други објективни околности, организаторот на патувањето ги информира патниците дека аранжманот е откажан – најкасно 10 дена пред датумот на поаѓање за далечни патувања и 5 дена пред датумот на поаѓање за европски патувања.
Кај аранжманите кои вклучуваат превоз со авион, по купување на авио картата, невозможно е средствата да се вратат и во тој случај – важат условите на авио компанијата.
Кај аранжманите кои вклучуваат low-cost авио компании, во случај на одложување на летот, откажување или губење на конекциите, патниците се дожни сами да ги платат новонастанатите трошоци и агенцијата не може да влијае на околностите кои се надвор од нејзиниот домет.
Цените на low cost аранжманите се подложни на промена. По уплата на авансот се проверуваат тарифите и на патникот му се потврдува цената на аранжманот.
Агенцијата не сноси одговорност доколку дојде до промена на авио конекциите од страна на авио компаниите.
Саатниците на летовите наведени во планот и програмот или добиени од страна на агенцијата се подложни на менување и зависат исклучиво од авио компанијата.
Агенцијата го задржува правото да го одбере превозното средство за трансфер. Трансферот се врши до самото сместување, доколку истото е физички возможно.
За сите понудени или достапни дополнителни доплати, кои имаат врска со планот и програмот на патувањето, или сместувањето, потребно е да се изјасните при пријавување.
Доколку некој патник сам одлучи да смени дел од планот и програмот на патувањето, агенцијата нема обврска на тој патник да му обезбеди трансфер/ран или доцен check-in или check-out во сместувањето/различни ноќевања во сместувањата, од она што е предвидено со планот и програмот на патувањето.
Малолетните патници за време на патувањето мора да имаат заверена согласност од родителите.
Заради почитување на саатниците предвидени со програмот на патување, како и почитување на времето на останатите патници од групата, не постои можност за задржување на границите кои претставуваат излез од Европска Унија, поради заверување на сметки и враќање на данок од Европската Унија (TAX FREE)
Наша препорака е да водите сметка за вашите лични документи и пари на Вашето патување.
За овој аранжман се применуваат ОПШТИТЕ УСЛОВИ ЗА ПАТУВАЊЕ.

Напомени во врска со сместувањето:

Организаторот на патувањето, ТА ЦЕЛ СВЕТ, го задржува правото на распоред по соби, во согласност со структурата на собите во сместувачкиот објект. Доколку постои можност, агенцијата се труди да излезе во пресрет на желбите на патниците (Ве молиме да имате разбирање. Ова патување пред сѐ треба да биде авантура и добра забава).
Во сместувачките објекти се влегува првиот ден од престојот во согласност со правилата на самиот сместувачки објект.Начесто, check-in е во попладневните часови (14h или 15h), а check-out – последниот ден од престојот, најчесто до 10h или 11h.
Описите на сместувачките објекти се од информативен карактер.
Некои од дополнителните содржини на сместувачките објекти се достапни со доплата. Постои можност на отстапувања и промена на достапноста на некои содржини, бидејќи истите зависат исклучиво од сместувачките објекти (нпр. Сеф, паркинг, мини-бар, ТВ, клима уред...)
Патникот е должен да ги почитува правилата на сместувачкиот објект и сам сноси одговорност доколку дојде да санкционирање од страна на персоналот на сместувачкиот објект
Во некои сместувачки капацитет во Азија, Африка и Латинска Америка – нема врела вода.
Сместувачките капацитети ги сместуваат патниците и го одредуваат распоредот и типот на собите спрема својата расположливост во дадениот момент. Агенцијата не е во можност да им потврди на клиентите дали креветите ќе бидат twin (раздвоени) или double (голем француски лежај), како ни спратноста во самото сместување, освен доколку тоа не е посебно назначено во Договорот. Клиентот со уплата на аранжманот се согласува со овие факти и условите на сместувањето, без право на жалба.
Патниците кои што патуваат сами во некои програми имаат можност да со доплата, престојуваат сами во еднокреветна соба. Доколку патникот сака да се спои со некој од другите патници од групата и не сака да плаќа доплата, прифаќа да се спои со било кое лице од групата, без оглед на возраста и полот на сопатникот. Во овие ситуации, агенцијата апсолутно не одговара за било какви евентуални непријатност или несогласувања кои патниците можат да ги имаат за време на патувањето.

Напомена во врска со факултативните излети:

Факултативните излети не се задолжителен дел од патувањата и за факултативните излети не е обезбедена заштита во поглед на гаранција за патувањето.
Термините и цените на факултативните излети се променливи и зависат од слободните термини по локалитетите, бројот на пријавени патници и други објективни околности.
Факултативните излети се реализираат од страна на локални агенции. ТА ЦЕЛ СВЕТ не е во можност да влијае на работи кои се надвор од нејзиниот домет, односно се врзани за самата реализација на излетот.
Факултативните излети се реализираат од локални туристички водичи, на самите локалитети, на англиски јазик. Со плаќање на излетот, патникот ги прифаќа сите услови на локалната агенција, без право на жалба.
Агенцијата не може да влијае на времетраењето на патувањата до локалитетите, времето на поаѓање, враќање или обиколка, како ни стручноста на локалните водичи.
При уплата на факултативен излет, патникот ги прифаќа условите на локалната агенција која е организатор на излетот. Доколку еден патник уплаќа излет во име на други патници, истиот е должен да ги извести сопатниците за условите на локалната агенција. Било какви измени и откажување од излетот по уплатата, не се возможни, ниту е возможно, под било кои околности, да се рефундираат уплатените средства.
Се молат сите патници, пред уплаќање на факултативен излет, да се информираат и упознаат со предвидениот план и услови за факултативниот излет.

Напомена во врска со визите:

Патниците задолжително мора да се запознаат со визниот режим на државата во која патуваат.
Некои амбасади бараат задолжително присуство на патникот за аплицирање за виза. Патниците се должни да ги испочитуваат правилата на амбасадата,
Патниците се должни да ги достават документите за визирање, најдоцна 1 месец пред патувањето, а доколку не ги достават во наведениот рок, должни се сами да ја обезбедат визата за патување.
Патниците кои не посеуваат нови биометриски пасоши на Република Македонија, должни се сами да се запознаат со визниот режим на државите во кои патуваат и сами да ги обезбедат визите за патување.
Агенцијата не гарантира дека на патникот ќе му биде одобрена виза и не е овластена да утврдува валидност на документи.
Агенцијата не сноси одговорност во случај на недобивање на виза.