Пакет факултативни излети : Сеул и Бусан
Пакетот факултативни излети вклучува:
1. Seoul City Tour
Сеул, вториот најголем мегалополис на светот со преку 25 милиони жители. Се наоѓа на реката Хан и има историја долга преку 2000 години. Основањето на градот се врзува со "Baekje", едно од трите кралства на Кореа. Регионот на главниот град има 5 локалитети кои се наоѓаат на листата на УНЕСКО на светско културно наследство. Нашето истражување го започнуваме со панорамски разглед на палатата Гјеонгбокгунг, најголемата од сите пет палати во Сеул, по што одиме во Букчон, традиционално корејско село со долга и интересна историја, село со традиционалните дрвени куќички, како од филмовите. Нашата авантура ја продолжуваме со посета на колоритната улица Инсадонг, каде имаме слободно време да купиме интересни сувенири. По паузата, одиме во неверојатната зграда Dongdaemun, нео-футуристички дизајн кој претставува симбол на урбаниот развој во Сеул. Го посетуваме и познатиот Олимписки парк. Нашиот ден го завршуваме со посета на најпознатата шопинг улица во Сеул, Мјеонгдонг, која е преполна со продавници и улични ресторани во кои можеме да ја вкусиме највкусната корејска храна.
2. Haeundae Blueline Park
Haeundae Blueline Park е едно од највпечатливите доживувања во Бусан – вистинско место што мора да се посети! Нашата авантура започнува со Daritol Skywalk, стаклена платформа што нè носи над морето и карпестите брегови. Тиркизната вода, свежиот морски воздух и погледот што се простира до хоризонтот создаваат совршен вовед во ова искуство. Потоа нè очекува возење со Haeundae Capsule – мали футуристички кабини што се движат меѓу станиците Cheongsapo и Mipo. Преку панорамските прозорци се отвораат магични глетки: тиркизно море, драматични карпи и скриени заливи што изгледаат како свет оддалечен од секојдневието. Секоја станица раскажува своја мала приказна. Денот го заокружуваме со едно од најубавите зајдисонца во Јужна Кореја – директно на иконската плажа Haeundae, една од најпознатите и најомилените во Бусан.
Во цената е вклучено:
– превоз со јавен транспорт
– билет за возење со Haeundae Capsule
– придружба од претставник на агенцијата
3. Gyeongju (Ѓјонгџу)
Gyeongju (Ѓјонгџу) e град што често го нарекуваат „музеј без ѕидови“ заради неговата неверојатна историја и наследство како поранешна престолнина на древното кралство Сила. Нашата прва станица е Булгукса, будистички храм и вистинско ремек-дело на архитектурата на Сила. Ќе уживаме во мирната атмосфера што го прави едно од најзначајните свети места во Кореја! Потоа продолжуваме кон Cheomseongdae, најстарата опсерваторија во Азија, каде ќе откриете како древните корејци ги проучувале ѕвездите. Следно е Даерунгвон, импозантен парк со кралски гробници каде што почиваат владетелите на Сила. Шетаме и ја чувстуваме моќта на древната историја која буквално не опкружува. Потоа го посетуваме Donggung Palace и Wolji Pond, магично место каде што палатата се огледува во водата и создава сцени како од бајка! Денот го завршуваме со прошетка низ Hwangridan-gil, улица каде традицијата и модерниот корејски стил се спојуваат на најубав можен начин. Мали слатки кафулиња, занаетчиски продавници и традиционални куќи претворени во модерни и уникатни простори.
4. Gamcheon и Songdo
Сместено над Бусан, ова маало познато како „Мачу Пикчу на Бусан“ некогаш било засолниште за бегалците по Корејската војна. Денес е вистинска виножито-лабиринт од куќи, секоја со своја уникатна боја и шарм. Низ тесните улички ќе откриете креативни инсталации – Малиот принц и лисицата, шарени риби од рециклирани материјали, мурали од мачки, крилја и абстрактна уметност. Многу стари домови прераснале во галерии, ракотворнички продавници и кафулиња со поглед кон океанот. Шаренилото, уличната уметност и посебната енергија на Gamcheon ќе ве освојат веднаш! Songdo Trails & Beach – совршен спој на природа, море и авантура!
Позната како една од најубавите плажи во Бусан, Songdo нуди кристално чиста вода, мек песок и живописна крајбрежна линија. Патеките што ја обиколуваат плажата водат по драматични карпести брегови, надморски мостови и видиковци од каде погледот кон Тихиот океан е незаборавен. Најпозната е Skywalk патеката – стаклен мост што „лебди“ над морето, давајќи чувство дека чекорите по брановите. Додека шетате, ќе откриете мали плажи, скриени заливи и уметнички детали што го збогатуваат крајбрежјето. Songdo е место каде свежиот морски воздух, прекрасните пејзажи и нежниот шум на брановите создаваат вистинска релаксација и мало бегство од градската врева.
5. Seoul Metropolitan Library
Сместена веднаш до плоштадот City Hall, Seoul Metropolitan Library претставува вистинска оаза на тишина и знаење во срцето на метрополата. Нејзината елегантна архитектура хармонично спојува историја и современост, а внатрешноста открива пространи читалници, тематски колекции и изложбени простори што редовно прикажуваат уметнички и културни поставки.Библиотеката е идеално место за кратка пауза: да разгледате интересни изданија, да прошетате низ нејзините мирни ходници или да уживате во погледот кон живиот град преку широките прозорци. Seoul Metropolitan Library е мал, но навистина инспиративен културен бисер што додава мир, елеганција и посебна убавина на вашето сеулско патување.
.png)
.png)
%20Nov.jpg)
%20(1).jpg)
%20(27).png)
.jpg)
%20(13).png)
%20(3).png)
%20(19).png)
%20(22).png)
.jpg)
.jpg)
%20(1).jpg)
%20(30).png)